ថ្ងៃទី២២មីនា គឺជាទិវាទឹកពិភពលោក​។ ទឹកគឺជាប្រភពមិនអាចខ្វះបាន សម្រាប់​ជីវិត​មនុស្ស សត្វ និង​​រុក្ខជាតិនៅ​លើភពផែនដីយើង​។ តែធនធានទឹក កំពុងតែជួបនូវ​ភាពហិនហោច។ អង្គការសហប្រជាជាតិ ទើបតែបានចេញរបាយការណ៍មួយ​ ទាញសញ្ញាអាសន្ន​​ ស្តីអំពីបញ្ហាខ្វះ​ទឹកប្រើប្រាស់ ដែលកំពុងតែ​ចោទខ្លាំងឡើងៗ នៅទូទាំងពិភពលោកយើង។ ១០%នៃមនុស្សលើផែនដី រងសំពាធខ្លាំងណាស់ ដោយសារបញ្ហាគ្មានទឹកស្អាត​ប្រើប្រាស់។ គឺនៅ​ក្នុង​បរិបទនេះហើយ អង្គការសហប្រជាជាតិបានបើក​សន្និសីទអន្តរជាតិមួយ ស្តីពីទឹក ចាប់ពីថ្ងៃទី២២មីនា នៅឯទីស្នាក់ការទីក្រុងញូយ៉ក​។