អង្គការសហប្រជាជាតិ​បាន​អំពាវនាវ​រក​ជំនួយ​ក្នុង​ទឹកប្រាក់​ដល់​ទៅ ៥ ០០០លានដុល្លារ​ដើម្បី​ជួយ​ប្រទេស​អាហ្វហ្កានីស្ថាន​សម្រាប់​ឆ្នាំ ២០២២ ដែល​កំពុង​គំរាមកំហែង​ដោយ​គ្រោះមហន្តរាយ​មនុស្សធម៌។ ការ​អំពាវនាវ​នេះ​បាន​ធ្វើ​ឡើង​ដោយ​លោក​ម៉ារតាំង ហ្រ្គីហ្វីត អគ្គលេខាធិការរង​នៃ​អង្គការសហប្រជាជាតិ​ទទួល​បន្ទុក​កិច្ចការ​មនុស្សធម៌។ លោក​ម៉ារតាំង ហ្រ្គីហ្វីត​បាន​បញ្ជាក់​ថា បើ​គ្មាន​ផែនការ​ជំនួយ​នេះ​ទេ ប្រទេស​អាហ្វហ្កានីស្ថាន​នឹង​គ្មាន​អនាគត​ឡើយ។