សហគមន៍អន្តរជាតិ​បាន​បង្កើន​ការ​ប្រឹងប្រែង​ទ្វេដង​នូវ​យុទ្ធនាការប្រយុទ្ធប្រឆាំង​នឹង​វិបត្តិ​ស្បៀងអាហារ។ នៅ​ក្នុង​ន័យ​នេះ ធនាគារពិភពលោក​បាន​ប្រកាស​បញ្ចេញ​កញ្ចប់​ថវិកា​ជាង ៣០ ០០០លានដុល្លារ​សម្រាប់​រយៈ ១៥ខែ​ខាង​មុខ ហើយ​អង្គការសហប្រជាជាតិ​បាន​អំពាវនាវ​ឲ្យ​លើក​ការ​បិទខ្ទប់​ការ​នាំ​ចេញ​ស្រូវសាលី​នៅ​កំពង់ផែ​អ៊ុយក្រែន។ ទន្ទឹម​គ្នា​នេះ អង្គការសហប្រជាជាតិ​ក៏​បាន​អំពាវនាវ​ឲ្យ​មាន​ការ​បើក​ទូលាយ​ទីផ្សារ​ពិភពលោក​សម្រាប់​ស្បៀងអាហារ​របស់​រុស្ស៊ី។ សូម​បញ្ជាក់​ថា វិបត្តិ​អសន្តិសុខ​ស្បៀងអាហារ​ក្នុង​លោក​បាន​ធ្លាក់​ចុះ​កាន់​តែ​ខ្លាំង​តាំង​ពី​សង្រ្គាម​រុស្ស៊ី​ឈ្លានពាន​អ៊ុយក្រែន។