អង្គការ​ឧតុនិយម​ពិភពលោក ដែល​ជា​ស្ថាប័នមួយ​របស់​អ.ស.ប.​បាន​ប្រកាស​ឲ្យដឹង នៅថ្ងៃ​ចន្ទ អំពី​ការ​​សម្រេច​បង្កើត​គម្រោង​តាមដាន​ជាក់ស្តែង អំពី​ប្រភព​​នៃ​ការ​បញ្ចេញ​ឧស្ម័​ន​ផ្ទះ​កញ្ចក់ ដែល​ជា​ដើមហេតុចម្បង​នាំ​ឲ្យ​ភពផែនដី​ឡើងកម្តៅ។ តាមរយៈគម្រោង​នេះ គេ​រំពឹង​ថា នឹង​អាច​ស្វែងយល់​កាន់តែ​ច្បាស់ អំពី​ប្រភព​ឧស្ម័នផ្ទះកញ្ចក់ និង​អាច​ចាត់វិធានការ​ប្រកប​ដោយ​ប្រសិទ្ធភាព ក្នុងការ​​កាត់បន្ថយ​ការបញ្ចេញ​ឧស្ម័ន ដើម្បី​ទប់ស្កាត់​ការឡើងកម្តៅផែនដី។