ជាមួយ​នឹង​សន្ទុះឆ្លង​លឿនខ្លាំង​នៃ​មេរោគបំប្លែងខ្លួន អូមីក្រុង ប្រទេស​នៅអឺរ៉ុប​ចាប់ផើ្តម​ចាត់វិធានការ​រឹតបន្តឹងឡើងវិញនៅ ថ្ងៃ​បុណ្យ​ឆ្លងឆ្នាំ​សកល ថ្ងៃសុក្រទី ៣១​ធ្នូ​២០២១។ មេរោគបំប្លែងខ្លួន អូមីក្រុង និង​ដែលតា បានធ្វើ​ឲ្យ​ចំនួនអ្នកឆ្លងថ្មី ស្ទុះកើនខ្លាំង បំបែកឯតទគ្គកម្ម រាល់ថ្ងៃ ដូចជានៅប្រទេស​បារាំង ជាដើម ជាទី ដែល​ចំនួន​មនុស្ស​ឆ្លងកូវីដ​បានកើនឡើងដ៏ខ្ពស់ ដល់ទៅ ជាង ២សែននាក់ ក្នុង​មួយថ្ងៃ​ពុធ​ម្សិលមិញ។ នៅក្នុងពិភពលោក ចំនួន​មនុស្ស​ឆ្លងមេរោគកូវីដ មានជាមធ្យម ជាង ៩សែននាក់ ក្នុង​មួយថ្ងៃ ដែល​ជា​ចំនួន​ដ៏ច្រើន មិនធ្លាប់មាន គិត​ចាប់តាំង​ពីជំងឺកូវីដ បានផ្ទុះឡើង​ដំបូង នៅទីក្រុង​វូហាន​ប្រទេស​ចិន កាលពី​២ឆ្នាំមុន។