នៅ​ក្នុង​ព្រឹត្តិបត្តិព័ត៌មាន​ប្រចាំសប្តាហ៍​ អង្គការ​សុខភាព​ពិភពលោក បាន​ព្រមាន​ថាការ​គំរាមកំហែង​ដោយ​​​មេរោគ​កូវីដ​បំប្លែង​ខ្លួន អូមីក្រុង ជា​ហានិភ័យ​កំរិតខ្ពស់ណាស់ សម្រាប់​ពិភពលោកទាំង​មូល។ ក្នុង​មួយ​ថ្ងៃៗ ចំនួន​អ្នក​ឆ្លង​ថ្មី​ បានស្ទុះ​កើន​ឡើង​ខ្លាំង បំបែក​ឯតទគ្គកម្ម​រាល់​ថ្ងៃ នៅ​ប្រទេស​បារាំង អង់គ្លេស ព័រទុយហ្កាល់ និង​ក្រិក។ ហើយ​ជាពិសេស​ទៅ​ទៀត​នោះ បើ​តាម​ការ​សិក្សា​មួយ​របស់​អាមេរិក ​តេស្ត​រហ័សមិន​សូវ​មានប្រសិទ្ធភាព​រក​ឃើញ​មេរោគ​អូមីក្រុង​ទេ។​ ដូច្នេះ​គួរ​តែ ឈប់​ធ្វើ​តេស្ត​រហ័ស​រក​កូវីដ​ឬយ៉ាងណា​ ?