ថ្ងៃទី១ ធ្នូ​នេះ​ជា​ទិវា​អន្តរជាតិ​ប្រយុទ្ធប្រឆាំង​នឹង​ជំងឺអេដស៍។ នៅ​ក្នុង​ឱកាស​នេះ អង្គការ​អូនុយស៊ីដា​បាន​ចេញ​ផ្សាយ​របាយការណ៍​ប្រចាំ​ឆ្នាំ​ស្តីពី​ស្ថានភាព​ជំងឺ​ស៊ីដា ឬ​ជំងឺ​អេដស៍​នៅ​ទូទាំង​ពិភពលោក។ នៅ​ក្នុង​របាយការណ៍​ដែល​មាន​កម្រាស់ ៧ទំព័រ អូនុយស៊ីដា​បាន​កត់សម្គាល់​ឃើញ​ពី​កំណើន​អ្នក​ឆ្លង​ជំងឺ​អេដស៍​នៅ​ក្នុង​តំបន់​ជា​ច្រើន​ក្នុង​លោក និង​បាន​មើល​ឃើញ​ថា វិសមភាព ការ​រើសអើង និង​អំពើហិង្សា​ក្នុង​គ្រួសារ​ជា​កត្តា​ដែល​បាន​រារាំង​ដល់​យុទ្ធនាការ​ប្រយុទ្ធប្រឆាំង​នឹង​ជំងឺ​អេដស៍។