ប្រតិបត្តិការ​សឹក​របស់​រុស្ស៊ី​លើ​ប្រទេស​អ៊ុយក្រែន​កំពុង​បន្ត​មាន​យ៉ាងសន្ធឹក​។ ចាប់​តាំងពី​យប់​ថ្ងៃ​សុក្រ ២៥កុម្ភៈ​ម្សិលមិញ​មក​ កម្លាំង​ទ័ពរុស្ស៊ី​បាន​ព្យាយាម​កាន់កាប់​ទីក្រុងគៀវ​ ហើយ​ការ​វាយ​ប្រយុទ្ធ​គ្នា​រវាង​កងទ័ព​រុស្ស៊ី​និង​អ៊ុយក្រែន​ក៏​ចាប់ផ្ទុះ​ឡើងនៅ​តាម​ដងផ្លូវ​ជាច្រើន​នៃ​ក្រុងគៀវ​។ កម្លាំង​រុស្ស៊ី​កំពុង​ព្យាយាម​ទម្លុះ​តំបន់​ការពារ​រដ្ឋធានីរបស់អ៊ុយក្រែន​ ប៉ុន្តែ​មិន​បាន​សម្រេចទេ​នា​​ពេល​នេះ​។

 

ពិភពលោក​កំពុង​មាន​ការ​តក់ស្លុតជា​ខ្លាំង​ចំពោះ​ស្ថានការណ៍​ដ៏​ក្តៅ​គគុក​ដែល​កំពុងកើតមាន​នៅ​អ៊ុយក្រែន​នេះ​។ តើ​សង្គ្រាម​នៅ​អ៊ុយក្រែន​វិវត្ត​ដល់ណាហើយ​? តើសង្គ្រាមនេះ​នឹង​អូស​បន្លាយ​ដល់​ពេល​ណា​ទៅ​?