Drög að frumvarpi til breytinga á raforkulögum var kynnt fyrir ári. Markmið þess var að tryggja raforkuöryggi og framboð raforku, enda væri þetta grundvallarþáttur í þjóðaröryggi Íslands. En nú hefur málið verið sett á ís.

Emmanuel Macron Frakklandsforseti velti því upp í gær að það væri ekkert útilokað að senda hermenn inn í Úkraínu til að berjast gegn Rússum. Við heyrum af viðbrögðum annarra evrópskra ráðamanna við því.

Joe Biden Bandaríkjaforseti var gestur í kvöldþætti NBC-sjónvarpsstöðvarinnar í gær og brá sér út á götu með þáttarstjóranum Seth Meyers til að taka upp dagskrárkynningu fyrir kvöldið. Hann sagðist þar vona að það yrði komið vopnahlé á Gaza næsta mánudag.