បន្ទាប់​ពី​បាន​ទទួល​សិទ្ធិ​រៀបចំ​ការ​ប្រកួត​កីឡា​ស៊ី​ហ្គេម​លើក​ទី​៣២ ​នៅ​ឆ្នាំ​២០២៣ ​ប្រទេស​កម្ពុជា ​បាន​និង​កំពុង​ដំណើរកា​រ​ផែនការ​មេ​របស់​ខ្លួន ​ដើម្បី​ត្រៀម​ទទួល​ការ​ប្រកួត​កីឡា​ថ្នាក់​តំបន់​ជា​លើក​ដំបូង​នៅ​កម្ពុជា​។ ​លោក​ វ៉ា​ត់ ចំរើន ​រដ្ឋ​លេខាធិការ ​និង​ជា​អគ្គលេខាធិការ​គណៈកម្មាធិកា​រ​ជាតិ​អូឡាំពិក​កម្ពុជា ​លើក​ឡើង​ថា ​ពេល​នេះ​គណៈកម្មការ​រៀបចំ ​បាន​ចេញ​ដំណើរ​ការងា​រ​របស់​ខ្លួន​ហើយ ​ក្នុង​នោះ​​មាន​រៀបចំ​​ឯកសារ​ពាក់ព័ន្ធ ​ការ​ត្រៀម​កីឡា​ការ ​កីឡាការិនី ​ហ្វឹកហាត់​​ពិសេស ​ទាំង​ក្នុង​និង​ក្រៅ​ប្រទេស ​រួមទាំង​ការ​អភិវឌ្ឍ​ហេដ្ឋារចនា​​សម្ព័ន្ធ​កីឡា​​ចាំ​បាច់​ផង​ដែរ​។

សហភាព​សហព័ន្ធ​យុវជន​កម្ពុជា នឹង​ដឹក​នាំ​ប្រតិភូ​ សិល្បករ ​សិល្បការិនី ចំនួន​៤៩​រូប ទៅ​ចូល​រួម​សម្ដែង​នៅ​ក្នុង​ព្រឹត្តិការណ៍​ក្បួន​ដង្ហែ ឈីងហ្គេ ឆ្នាំ​២០១៩ នៅ​ប្រទេស​សិង្ហបុរី ចាប់​ពី​ថ្ងៃ​ទី​១៥ ដល់​ថ្ងៃ​ទី​១៦ ខែ​កុម្ភៈ​ខាង​មុខ​នេះ​។ លោក ព្រហ្ម មរកត ដែល​ជា​ប្រធាន​ក្រុម​ការងារ​ប្រតិបត្តិដឹក​នាំ​ប្រតិភូ​កម្ពុជា​ បាន​ថ្លែង​ប្រាប់​វិទ្យុ​បារាំង​អន្ដរជាតិ​ថា កម្ពុជា​នឹង​ពាំ​នាំ​នូវ​ការ​សម្ដែង​ចំនួន​៥​ទម្រង់ ទៅ​សម្ដែងនៅ​ក្នុង​​ព្រឹត្តិការណ៍ ឈីងហ្គេ ឆ្នាំ​២០១៩។ តាម​រយៈ​ការ​សម្ដែង​នេះ លោក ព្រហ្ម មរកត រំពឹង​ថា ពិភពលោក​នឹង​ស្គាល់​កម្ពុជា​កាន់​តែ​ច្បាស់ ថា​កម្ពុជា​នៅ​ទី​ណា និង​ដើរ​ដល់​កន្លែង​ណា​នា​ពេល​បច្ចុប្បន្ន​នេះ​។

កាល​ពី​ថ្ងៃ​ទី​០១​ខែ​កុម្ភៈ​​ឆ្នាំ​​២០១៩​​ ​រដ្ឋាភិបាល​បាន​ចេញ​អនុក្រឹត្យ​មួយ​ស្តី​ពី​ការកំណត់ ​និង​បែង​ចែក​តំបន់​គ្រប់គ្រង​ដែន​ជម្រក​សត្វ​ព្រៃ​ស្រែ​ពក​នៅ​ក្នុង​ខេត្ត​មណ្ឌល​គី​រី ​ដែលមាន​ផ្ទៃដី​ទំហំ​ជាង​៣​សែន​ហិច​តា​ ជា​៤​តំបន់​ រួមមាន ​តំបន់​ស្នូល ​តំបន់​អភិរក្ស ​តំបន់​ប្រើប្រាស់​ដោយ​ចីរភាព ​និង​តំបន់​សហគមន៍​។ ​អ្នក​នាំ​ពាក្យ​ក្រសួង​បរិស្ថាន ​លោក​នេត្រ ភ​ក្ត្រា​ ​ថ្លែង​ថា​ការ​បែងចែក​​​តំបន់​គ្រប់គ្រង​ដែន​ជម្រក​សត្វ​ព្រៃ​ស្រែ​ពក​ជា​តំបន់​តូច​ៗ ​គឺ​ដើម្បី​​ធានា​​​ប្រសិទ្ធ​ភាព​ ​ដល់​​ការ​គ្រប់គ្រង​ដែន​​ជម្រក​សត្វ​ព្រៃ​ស្រែ​ពក ​និង​​លើក​កម្ពស់​ការ​ចូលរួម​របស់​សហគមន៍​មូលដ្ឋាន ​ក្នុង​ការ​ការពារ​ជីវៈ​ចំរុះ ​និង​​ធនធាន​ធម្មជាតិ​នៅ​ក្នុង​តំបន់​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ​នា​រាត្រី​នេះ គឺ​កញ្ញា នូវ ពៅលក្ខិណា អ្នក​គ្រប់​គ្រង​មាតិកា​នៃ​កម្មវិធី​ទូរសព្ទ ទី​ចងចាំ។ កម្មវិធី​ទូរសព្ទ ទី​ចងចាំ បង្កើត​ឡើង​ដើម្បី​ជំរុញ​​ឲ្យ​យុវជន​សិក្សា​ស្រាវ​ជ្រាវ​អំពី​រឿង​រ៉ាវ​ខ្មែរ​ក្រហម​ តាម​រយៈ​ការ​ប្រើ​ប្រាស់​ប្រព័ន្ធ​បច្ចេកវិទ្យា​។ សម្រាប់​កញ្ញា នូវ ពៅលក្ខិណា ប្រវត្តិសាស្ត្រ​សម័យ​ខ្មែរ​ក្រហម​មាន​លក្ខណៈ​ស្មុគស្មាញ​ខ្លាំង ហើយការ​សិក្សា​ពី​​របប​​​នេះ​មាន​សារៈសំខាន់​ណាស់​សម្រាប់​យុវជន។ សំខាន់​ព្រោះ​បើ​កាល​ណា​យុវជន​យល់​ដឹង​ពី​ឫសគល់​ដ៏​ជូរ​ចត់​របស់​ខ្លួន ពួកគេ​អាច​ត្រៀម​ខ្លួន​បាន​ល្អ​សម្រាប់​កសាង​កម្ពុជា​មួយ​ប្រកប​ដោយ​សន្តិភាព​ទៅ​ថ្ងៃ​អនាគត​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI​ នៅ​រាត្រី​នេះ ​គឺ​ លោក​ រស់ ​សុវាចា ​ អ្នក​នាំ​ពាក្យ​ក្រសួង​អប់រំ​ យុវជន​ និង​កីឡា​។ ​ក្រសួង​អប់រំ​ដែល​បាន​អំពាវ​នាវ​កុំឲ្យ​អាណា​ព្យា​បាល​រៀប​គម្រោង​នាំ​កូនៗ​ដើរ​លេង​ក្នុង​អំឡុង​ពេល​បុណ្យ​ចូល​ឆ្នាំ​ចិន​ ដែល​ប៉ះ​ពាល់​ដល់​កម្ម​វិធី​សិក្សា​របស់​សិស្ស។​ ថ្វី​ត្បិត​តែ​បុណ្យ​ចូល​ឆ្នាំ​ចិន​មិន​មែន​ជាថ្ងៃ​ឈប់​សម្រាកបុណ្យ​ជាតិ​របស់កម្ពុជា​ក៏ដោយ​ តែ​មាន​សា​លា​ឯកជន​មួយ​ចំនួន ​នៅទី​ក្រុង​ភ្នំពេញបានចេញ​សេ​ចក្តីជូនដំណឹង​ ពី​កា​រឈប់សម្រាក​នេះ​រួច​ទៅហើយ​។​ តើ​ក្រសួង​អប់រំ​នឹង​មាន​វិធាន​ការ​បែប​ណា?

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​RFI​នៅរាត្រីនេះ​ គឺ​លោក​បណ្ឌិត​ គិន​ ភា​ ប្រធាន​វិទ្យាស្ថាន​ទំនាក់​ទំនង​អន្តរជាតិ​នៃ​រាជបណ្ឌិត្យ​សភា​កម្ពុជា​។​ លោក​ គិន​ ភា ​បាន​លើក​ឡើង​ថា​បើសហរដ្ឋ​អាមេរិក​ចង់​មាន​ទំនាក់​ទំនង​ល្អជា​មួយ​កម្ពុជា ​គួរ​តែ​ធ្វើដូច​ចិន​ដែល​ផ្តល់​ទាំង​ជំនួយ​ និងការ​វិនិយោគ​មក​លើ​កម្ពុជា​។​ ការ​លើក​ឡើង​យ៉ាង​ដូច្នេះ ​គឺ​បន្ទាប់ពី​សហរដ្ឋអាមេរិក​ និង​ចិន​បានសាច​ទឹក​ដាក់​គ្នា​ម្តង​ទៀត​ចំពោះ​ទង្វើ​របស់​ពួកគេ​មក​លើ​ប្រទេស​កម្ពុជា​ គឺ​ទាក់​ទំនង​នឹង​របប ​លន់​ នល់ ​និង​របប​ខ្មែរ​ក្រហម​។

នៅ​រដូវ​ប្រាំង​ឆ្នាំ​២០១៩ នេះ អាកាស​ធាតុ នឹង​ឡើង​កំដៅ​ខ្លាំង រហូត​ដល់​៤០​ឬ​៤២​អង្សារ​សេ ដែល​ស្ថាន​ភាព​នេះ នឹង​បង្ក​ឲ្យ​មាន​ភាព​រាំង​ស្ងួត​។ បន្ថែម​ពី​សេចក្តី​ប្រកាស​របស់​រដ្ឋា​ភិបាល កាល​ពី​ពេល​កន្លង​ទៅ​នេះ លោក ចាន់ យុត្ថា រដ្ឋ​លេខា​ធិការ និង​ជា​អ្នក​នាំ​ពាក្យ​ក្រសួង​ធន​ធាន​ទឹក និង​ឧត្តុ​និយម បាន​ធ្វើ​ការ​អំពាវ​នាវ​ឲ្យ​ប្រជាពលរដ្ឋ ថែ​រក្សា​ទឹក​ទុក និង​ប្រើ​ប្រាស់​ឲ្យ​ចំគោល​ដៅ ខណៈ​តំបន់​មួយ​ចំនួន​នៅ​ខេត្ត​បាត់ដំបង បាន​ចាប់​ផ្តើម​ប្រឈម​នឹង​ភាព​រាំង​ស្ងួត​បណ្តើរៗ​ហើយ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិនា​រាត្រី​នេះ គឺ លោក សឿង សារ៉ន នាយក​ប្រតិបត្តិ​នៃ​អង្គការ​សមាគម​ធាង​ត្នោត​។ អង្គការ​សមាគម​ធាង​ត្នោត​ទើប​តែ​ចេញ​ផ្សាយ​របាយការណ៍​មួយ ស្ដី​អំពី​ការ​គ្រប់​គ្រង​កាក​សំណល់​នៅ​ក្នុង​រាជធានី​ភ្នំពេញ​។ បើ​តា​ម លោក សឿង សារ៉ន របាយការណ៍​នេះ​រក​ឃើញ​ថា ​កាក​សំណល់​នៅ​ភ្នំពេញ នៅមិន​ទាន់​ត្រូវ​បាន​គ្រប់​គ្រង​ឲ្យ​បាន​ល្អ​ប្រសើរ​នៅ​ឡើយ​ ពិសេស​នៅ​តាម​សហគមន៍​ក្រី​ក្រ​ចំនួន​៩៩​នៅ​ទីក្រុង​ភ្នំពេញ។ សហគមន៍​ក្រីក្រ​ចំនួន​៩៩ ឬ​ស្មើ​នឹង​ប្រមាណ​៣៧​ភាគរយ នៅ​មិន​ទាន់​ទទួល​បាន​សេវា​គ្រប់​គ្រង​កាក​សំណល់​នៅ​ឡើយ​។

គណៈ​កម្មាធិការ​ជាតិ​រៀប​ចំ​ការ​បោះឆ្នោត​(គ.ជ.ប) បាន​ចាប់​ផ្តើម​ការងារ​របស់​ខ្លួន ហើយ​ចាប់​ពី​ថ្ងៃ​ទី៣០​ខែមករា​នេះ​ទៅ ដើម្បី​ដំណើរ​ការ​រៀប​ចំ​ការ​បោះឆ្នោត​ជ្រើស​រើស​ក្រុម​ប្រឹក្សា​អាណត្តិ​ទី៣ គឺ​ក្រុម​ប្រឹក្សា រាជ​ធានី ក្រុម​ប្រឹក្សា​ខេត្ត ក្រុម​ប្រឹក្សា​ក្រុង ក្រុម​ប្រឹក្សា​ស្រុក និង​ក្រុម​ប្រឹក្សា​ខណ្ឌ​។ លោក ឌឹម សុវណ្ណារុំ សមាជិក និង​ជា​អ្នក​នាំ​ពាក្យ គ.ជ.ប ថ្លែង​ថា​ផ្អែក​ទៅ​លើ​វិសោធនកម្ម​នៃ​ច្បាប់​ស្តី​ពី​ការ​បោះ​ឆ្នោត ចំនួន​សមា​ជិក​ក្រុម​ប្រឹក្សា​មាន​ការ​កើន​ឡើង​ នៅ​អាណត្តិ​ទី៣​នេះ ដោយ​យោង​ទៅ​លើ​កត្តា​ប្រជាសាស្ត្រ និង​កត្តា​ភូមិសាស្ត្រ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ព្រាប កុល នាយក​អង្គការ​តម្លាភាព​កម្ពុជា​។ បើ​តាម​លោក ព្រាប កុល កម្ពុជា​នៅ​តែ​មាន​អំពើ​ពុក​រលួយ​ខ្ពស់ បើ​ធៀប​នឹង​ប្រទេស​នៅ​ក្នុង​តំបន់​អាស៊ាន និង​ចំណាត់​ថ្នាក់​ទាប​បំផុត​ទី៣ នៅ​ក្នុង​តំបន់​អាស៊ី​ប៉ាស៊ីហ្វិក​។ ការ​លើក​ឡើង​របស់​លោក ព្រាប កុល បាន​ធ្វើ​ឡើង បន្ទាប់​ពី​អង្គការ​តម្លាភាព​អន្តរជាតិ បាន​ចេញ​ផ្សាយ​របាយការណ៍ ស្តីពី សន្ទស្សន៍​នៃ​ការ​យល់​ឃើញ​ពី​អំពើ​ពុក​រលួយ​នៅ​កម្ពុជា​។ ក្នុង​នោះ អំពើ​ពុក​រលួយ​នៅ​កម្ពុជា​ក្នុង​ឆ្នាំ​២០១៨ ស្ថិតនៅ​លេខ​រៀង ១៦១ ក្នុង​ចំណោម​ប្រទេស​១៨០ ខណៈ​ដែល​កម្ពុជា​បាន​ធ្លាក់​១ពិន្ទុ​។ តើ​កត្តា​អ្វី​ដែល​បាន​ទាញ​ទម្លាក់​ពិន្ទុ​នៃ​អំពើ​ពុក​រលួយ​របស់​កម្ពុជា​នៅ​ឆ្នាំ២០១៨ ឲ្យ​ធ្លាក់​ចុះ​?