កាល​ពី​ចុង​ខែ​កញ្ញា អង្គការ​ខុម​ហ្វ្រែល​បាន​ចេញ​របាយការណ៍​មួយ​ស្តី​ពី​ការ​បោះឆ្នោត​ជ្រើស​​រើស​ក្រុម​ប្រឹក្សាឃុំ​សង្កាត់ អាណត្តិ​ទី​៥ ឆ្នាំ​២០២២​កន្លងទៅ។ របាយការណ៍នេះ បាន​ឃ្លាំ​មើល​រាប់​ចាប់​តាំង​ពី​ក្រប​ខណ្ឌ​ច្បាប់បោះឆ្នោត រហូត​ដល់​ការ​បែងចែក​អាសនៈ។ ដោយឡែកសម្រាប់​យុទ្ធនាការ​ឃោសនា​បោះ​ឆ្នោត​កន្លង​ទៅនេះ ខុមហ្វ្រែល បាន​ស្នើ​ឲ្យ​ពិនិត្យ និងកំណត់លើនីតិវិធីសម្រាប់ឲ្យមន្ត្រី​រាជការ កងកម្លាំង​ប្រដាប់​អាវុធ និង​មន្ត្រី​តុលាការ ដោយ​មិន​គួរ​ត្រូវ​បាន​អនុញ្ញាត​ច្បាប់​ឲ្យ​ទៅ​ចូល​រួម​ការ​ឃោសនា​បោះឆ្នោត​នោះ​ទេ។