RTL - Am Takt

De Lex invitéiert erëm an d'Rockhal op d'Moofest, selbstverständlech ass den Erléis fir de gudden Zweck. Mam Mathias Treine si mir ewell beim DJ Nummer 6 an eiser Serie ukomm an Attitude invitéierten e Samschden an d'Hal op Uewerkuer fir Hall O Metal.

E Chrëschtdagslidd vun De La Mancha, eng nei Single vum Turnup Tun, den John Rech am Interview wéinst 15 Joer Opderschmelz, e Preview op de Podcast Podpourri vun dëser Woch mat Rome an de Lëtzebuerger DJ Maximillion deen no laange Joren zu Hamburg seng Zelter erëm zu Lëtzebuerg opschléit.

Chargéierte Programm fir déi lescht Sendung am November. Herr Bender waren dobäi, grad ewéi den Nosi mat senger neier Single, de Pascal Dechmann war sech erëm dem Sonna Rele seng Stëmm op London fänken, de Misoley stoung och an der Vitrinn an den T The Boss huet eng nei EP dobaussen.

Dës Kéier mat neien Téin vu Rome, Tyra an d'Josh Island; d'Serena Romero huet sech virgestallt; an der Serie ronderëm d'DJen zu Lëtzebuerg ware mir bei Rick&Rough an den Daniel Balthasar hat et an Norwege verschloen.

Do war nawell erëm eng lass Am Takt. De Goerges Goerens huet iwwer déi rezent Tour vu Seed To Tree duerch Däitschland erzielt, dem Maz seng nei Single School Reunioun, déi vun The Tame and The Wild an déi vum Daniel Balthasar, hu Première gefeiert, mir hunn de Samwell kenne geléiert a wëssen och elo wie sech hannert dasRadial verstoppt.

Ganz intressant wat d'Kaz den Owend virun d'Dier geluecht huet; instrumentale Post- respektiv Mathrock (ouni sech awer elo op eng Richtung ze fokusséieren) vun The Cookie Jar Complot, et gëtt eng nei Serie ronderëm d'DJen zu Lëtzebuerg ugefaangen, den T The Boss bréngt Enn dës Mounts eng nei EP eraus an Herr Bender hu mam Mike Tock geschafft. Wéi huet déi Kaz dat alles gepackt?

Dësen Donneschden (27/10/2022) ass The Floor an der Rockhal fir My Own Ghost reservéiert. Nodeems den Album Shadow People Mëtt dës Mounts offiziell erauskomm ass, gëtt et Zäit dat 3. Wierk vun de Lëtzebuerger och Live ze presentéieren.

Double-Date; net nëmmen den Owend Am Takt, mä och nach e Samschden eng Kéier. One Last Time bréngen dës Woch hir éischt EP eraus an e Samschde stelle se déi och nach Live am Rocas an der Stad vir. De Serge Tonnar huet sech déi lescht 2 Joer sou seng Gedanke gemaach an dorausser den Album Jo an Amen an d'Liewe geruff, och déi Plack ass fäerdeg a gëtt och e Samschden, awer an der Kulturfabrik zu Esch, presentéiert.

Wat soll et da sinn? Rock? Oder léiwer Metal mat e bëssen Hardcore? Oder einfach déi 2? Passt! Zwou Bands waren op Besuch fir sech an hir Musek virzestellen. Op där enger Säit De La Mancha, déi awer net ëmmer sou geheescht hunn, an op där anerer Säit Blanket Hill, déi den 21. Oktober hiren Debutalbum The Courage of Hopelessness an der Schungfabrick virstellen.

Fir den Episod vum 26. September hat sech d'Kinga Rose ugemellt. Eng Sängerin a Pianistin déi an Ungarn op d'Welt komm ass an no ville Reesen hir Zelter am Grand-Duché opgeschloen huet. Ufanks dës Joers ass den Debutalbum Vision erauskomm, de Release Concert ass fir de Samschde programméiert. De Sam Reinard, lokal Kënschtler kënne mat Sécherheet eppes mat deem Numm ufänken, produzéiert Musek ënnert dem Numm Ryvage an huet de leschte Samschde säi Projet Nightsongs virgestallt, bei deem hie sech mat Geräischer aus der Nuecht ausernee gesat huet.