RTL - Am Takt

Upside Down heescht déi nei EP vum Maz déi elo am Abrëll erauskënnt. Grond genuch fir de Rapper an d'Sendung ze ruffen.

Major Evest hu sech op de Fändel geschriwwe fir Genrë mateneen ze verschmëlzen. De lëtzebuergeschen Duo bleift senger Linn och beim 3. Album, Into The Blue, trei, deen d'lescht Joer am November erauskomm ass.

Eng jonk Band déi sech gutt Zäit geholl fir hire Sound ze raffinéieren, hir Texter handele vun Depressioun, negativ Léift an ënner anerem Isolatioun; dës Kéier war et un Deep Dive Culture Am Takt.

Double Date fir déi éischt Sendung am Mäerz. Den Anselme Pau huet laang u sengem Album gedoktert, d'Plack ass elo endlech do an den John Rech freet sech op déi nei Saison a punkto Concerten, ënner anerem mat engem Zeltik dee säi 25. feiert a mat enger Rëtsch intressante Rendezvousen, ënner anerem och am Kader vun Esch2022.

Den 22. Februar ass déi 2. Staffel Capitani ugelaf. Wie bei der Première dobäi war huet dann och d'Lidd Haass an den Aen vum T The Boss héieren. E Lidd vun Erfarungen déi de Rafael Possing op der Stater Gare gemaach huet, hie selwer ass op der Gare grouss ginn (ech sinn e Garer-Jong) a wat eigentlech schonn 10 Joer al ass.

No engem kuerze Covid-Break ass d'Sendung ronderëm d'Lëtzebuerger Musek zeréck. Dës Kéier mam Serge Tonnar deen zesumme mam Georges Urwald eng Rëtsch Lidder aus dem 19. Joerhonnert nei interpretéiert huet.

De leschte Weekend huet d'Grupp White Noise déi éischt vun zwou EPen dëst Joer erausbruecht. De Jim Marson huet déi jonk Grupp virgestallt an ënner anerem erkläert datt wuel Alternative Rock vun hinnen z'erwaarden ass an awer ganz vill Aflëss an hirer Musek ze fanne sinn.

Dëse Freide kënnt den 3. Album vum Lata Gouveia eraus. Eigentlech sollt dat e Samschde mat engem Concert an der Rockhal gefeiert ginn, wéinst der sanitärer Kris muss ee sech awer weider op e Live-Optrëtt vum Lata gedëllegen

An der 2. Sendung vum Joer war e Schüler aus dem Lycée Aline Mayrisch invitéiert, et gouf nei Musek vum Oke a vum WazToo an e Concertstipp fir de 14. Januar war och dobäi.

Happy New Year. Am Takt ass erëm do, wéi gewinnt Méindes tëscht 20:00 an 21:00 um Radio an duerno op RTL PLAY oder als Podcast. Dat neit Joer fänke mir mat Blues vu Ramblin' South an neie Stécker vum Maale Gars, Quantum Dot an Nicool un.