RTL - Am Takt

E Samschden (24/09/2022) feieren d'Dëppegéisser endlech Gebuertsdag an de Mike Welter, DJ Mike MC, zitt de Bilan vu senger Aktioun fir de gudden Zweck. D'Fro stellt sech wéi vill Joer d'Dëppegéisser eigentlech feieren a wat de Mike nach alles sou wëlles huet. D'Äntwerte gouf et Am Takt.

Et ass och Rentrée fir Am Takt. Nei dës Saison; d'Sendung mat 100 Prozent Musek vun Heiheem kënnt vun elo u schonn ëm 19:00. Um Format huet sech näischt geännert; national Kënschtler komme sech an hir Musek bei de Bob virstellen. Ugefaange mam Marc Welter dee mat senger Joint Bunch an der Rockhal säin éischten Album virstellt, dem Amii Watson dat den Ament a Kroatien un neier Musek schafft a mam Sacha Hanlet deen akutell eng 3 Joer laang Residenz an der Kulturfabrik huet.

Leschten Episod virum Summer; awer volle Programm. Den Dave Schmit an de Maji waren op Besuch, den Dave fir iwwer säin neie Projet Exit Fury an de Maji fir iwwert den Eastcoast Festival ze schwätzen.

Hannert dem Projet The Gazmen verstoppt sech virun allem de Joël Heyard an de Jeff Herr (allen 2 Batteur aus Leidenschaft). Wann déi 2 dann opdréinen, muss fréier oder spéider och e Sänger oder eng Sängerin op de Plang geruff ginn. Fir déi éischt Publikatioune vun The Gazmen huet een zum Beispill dacks de Lata Gouveia héieren. Ma elo fir de Kultursummer zu Hesper gëtt nach eng Schëpp drop geluecht. The Gazmen invitéieren op de Rock am Park, net nëmme virun d'Bün mä och op d'Bün.

Viru 40 Joer war e Concert vun der Robert Stephen Band am Melusina. Wie sech e bësse mat der lokaler Zeen auskennt, weess datt et sech hei ëm de Gollo Steffen handelt. Well d'Grupp der Meenung ass datt dee Gebuertsdag gefeiert soll ginn, verwandelt sech d'Mierscher Kulturhaus de 24. a 25. Juni an eng Zäitmaschinn.

Eng Zort Supergroup kéint een d'Grupp Superdrive nennen, ëmmerhi sinn hei Membere vu bekannte Lëtzebuerger Gruppe vertruede wéi Surf Cowboys a Michael Sheperd Band. A wéi den Zoufall et wëllt, Superdrive kruten op de leschte Stëppel nach eng Plaz um Mad Ones Fest dëse Weekend an der Kulturfabrik, dat war de Menü Am Takt.

Och dës Kéier volle Programm. De Paul Fox mat sengem mëttlerweil 3. Projet The Minor Majors, den Atomic Rocket Seeders a Moof déi dëst Joer 30 Joer al ginn.

Do war nawell eng lass Am Takt. Go by Brooks presentéieren e Freiden zu Diddeleng am Centre Culturel Opderschmelz hiren neien Album This Is Her War. De Corbi geet et Samschden an d'Rotondes seng nei Plack Kuebemania virstellen an de Mike Welter huet a senger Pensioun erëm Zäit fonnt fir Musek ze maachen.

Déi jonk Sängerin Carmen Defay, och bekannt ënnert dem Kënschtlernumm "Carmen Angela" huet ausgangs lescht Joer bei der Ouverture vum kulturellen Tiers-Lieu Bâtiment4 e bleiwenden Androck beim Publikum hannerlooss. Knapp 6 Méint méi spéit mellt si sech elo zeréck mat hirer éischter EP „Backup Life“. D’Valeria Wiwinius hat sech mam Carmen getraff a mat him iwwer dëse Meilesteen a senger Karriär geschwat.

Am Takt is back. Et gëtt e gudde Grond firwat et déi lescht Zäit e bësse méi roueg ronderëm den Edsun war. De Sänger, Dänzer a Performer huet sech ganz vill Zäit geholl fir eng grouss Show op d'Been ze stellen. Vum Resultat kënnt dir iech de 6. Mee an de Club vun der Rockhal iwwerzeege goen.