RTL - Am Takt

Dat war dach mol eng méi "rockeg" Geschicht déi Kéier Am Takt. De Mulles huet iwwer d'EP Strong vu Mean To You geschwat an den Thomas vu S.k.o.r. (Some Kind Of Rock) war bäigeschalt fir den Album Echo Chamber ze presentéieren.

Déi elektronesch Musek stoung dës Kéier am Mëttelpunkt. De Waztoo ass schonn iwwer 18 Joer DJ an huet sech zënter 16 Joer komplett der elektronescher Musek verschriwwen.

Salsa vun Heiheem! An dann och nach vun engem vun de beschte Conga-Spiller aus Europa. Den Eric Durrer stécht hannert dem Projet Choco Y Sus Complices an huet an de leschter 5 Joer eng 16-Mann-staark Formatioun op d'Bee gestallt.

Bei The Voice of Germany huet de George Philippart sengem Ech eng Stëmm ginn. No der Castingshow gouf dunn, zesumme mam Vojtech, deemools Battle-Partner bei The Voice, den Titel Can't Help Falling In Love gecovert an zënter engem Mount gëtt et mat Être moi eng fonkelnei Nummer vum George.

Den Anselme Pau komponéiert drop an derwidder Musek; mol Musek fir e Film, mol eng Pop-Nummer, mol Folk, mol Rock. An anere Wierder, den Anselme huet sech net op e Genre festgeluecht. Genee sou onkonventionell ass d'Iddi vum Projet Band of Strangers.

Et war mol erëm un der Zäit fir 2, 3 Wierder mam David Ianni ze wiesselen. De Komponist a Pianist war déi lescht Wochen a Méint richteg fläisseg a freet sech elo op e weidere Concert, mat deels neier Musek.

D'Bud war voll; de Georges Urwald freet sech op de Release-Concert vun der neier Flott-Plack, de Maz ass genee sou frou iwwer säi Concert an der Kulturfabrik a wéi eng Musek The Cookie Jar Complot maachen, war och ze gewuer ginn.

En Jazzquartett dee sech am Athenée fonnt huet, en Debutalbum vum Pleasing dee ganz vill Gefiller verschafft an e Festival fir Grouss a Kleng zu Zolwer am Artikuss.

Won't Stop ass déi 5. Produktioun tëscht dem Pascal Dechmann am Sonna Rele, a se hunn nach net direkt wëlles ze stoppen. Iwwer déi aktuell Single an d'Pläng fir d'Zukunft huet de Pascal Am Takt geschwat.

Den Album ass eigentlech schonn 2 Joer prett, kënnt awer elo eréischt eraus; d'Pandemie huet de musikaleschen Alldag vun Ice In My Eyes och op d'Kopp geheit, ma elo ass de Moment do fir New Romatic op d'Leit lass ze loossen.