RTL - Am Takt

Am Mäerz dëst Joer hu Go By Brooks e Concert am ale Stadhaus zu Déifferdeng gespillt deen et elo zënter Mëtt Juli als Live-Album gëtt a mam Gilles Zeimet war och genuch Material fir en Interview do, de Museker ass scho 35 Joer aktiv.

Och an dësem Episod Am Takt 2 Gespréichspartner, wann een et richteg hëlt souguer 4. De Projet Dontnod ass vum Dave Schmit (Eternal Tango) an David Funez an d'Liewe geruff ginn an den Duo Netty Hugo spillt a produzéiert Techno ronderëm de Globus.

Déi éischt Sendung nom Summer war nawell anstänneg gefëllt. Der Däiwel hat sech ugemellt fir déi nei Plack Delusion of Grandeur unzekënnegen an d'Amii Watson huet iwwert de Weekend eng weider Single Pink Skies publizéiert.

Den Ament ass de Joe Weber zu Tréier op der Uni a preparéiert parallel seng musikalesch Karriär. Ënnert dem Kënschtlernumm Lionheart kënnt elo säin éischt Lidd op Lëtzebuergesch eraus.

An der zweetleschter Sendung vun dëser Saison gouf et lëtzebuergesche Reggae. Gemaach vun der Grupp Le Vibe, déi nach dëst Joer hiren 2. Album TwoDay erausbrénge wëllt.

Fir d'Fête de la musique, déi jo normalerweis den 21. Juni ass, dëst Joer awer op e puer Deeg ausgedeent gouf, waren direkt 2 national Kënschtler am Takt. De Maale Gars bastelt fläisseg un engem 2. Album an de Pascal Dechmann huet e weidert Lidd mam Sonna Rele fäerdeg.

Iwwert de klassesche Wee bei d'Musek komm, fir Dior gemodelt an elo mat Alternative Pop op de Lëtzebuerger Radioen ënnerwee. Bei deem Parcours kann ee scho mol dronke ginn, dowéinst war et och nëmmen eng Fro vun der Zäit bis sech d'Angel Cara eng Kéier Am Takt verlafe géing. Dat war dann eben dës Kéier de Fall.

Mat sengem 8. Studioalbum Somebody's Somebody huet sech den Daniel Balthasar direkt 2 Wënsch erfëllt, e Feature mam Kathryn Williams an e Feature mam Ben Kweller. Den amerikanesche Songwriter hat sech souguer e puer Minutte fir Am Takt Zäit geholl.

Musek ass beim Steve Marinangeli eigentlech ëmmer grouss geschriwwe ginn, dat mam Songwriting ass awer eréischt am Abrëll 2020 lass gaangen, matten an der Pandemie. Bis elo si 4 Lidder fäerdeg a fir de Summer wier dann den éischten Album Hidden Thoughts do.

Déi éischt 10 Joer vu sengem Liewen huet den Petur Oscar Sigurdsson hei zu Lëtzebuerg, zu Waldbriedemes gelieft. Elo nennt hien Island seng Heemecht a mécht vun do aus Musek. Ënnert dem Kënschtlernumm Oscar Leone war de Petur souguer scho fir déi islännesch Grammyen nominéiert.