RTL - Background

René Schlechter, Charel Schmit a Barbara Gorges-Wagner: Dëse Samschdeg geet et ëm d’Kannerrechter, de Kanner- a Jugendschutz.

Wéi geet et de Kanner hei zu Lëtzebuerg? Wou ass grouss Nout, wéi gesäit et mat der Bildungsgläichheet oder Ongläichheet aus, u wéi enge Schrauwe muss gedréint ginn? Wéi vill Placementer ginn et? Geet den Encadrement vun de Jonken duer? Wou ginn et do Problemer? Nach sinn d’Kannerrechter net an der Verfassung verankert. Wou ass een do drun?

Doriwwer schwätze mir dëse Samschdeg mam René Schlechter vum Ombudscomité fir d'Rechter vum Kand,
dem Charel Schmit vum Lëtzebuerger Fachverband vun der sozialer Aarbecht an der Barbara Gorges-Wagner vum Kanner a Jugendtelefon.

Face-à-Face tëscht dem Nohaltegkeets- an Infrastrukturminister François Bausch a sengem Virgänger de Claude Wiseler

Face-à-Face tëscht dem Nohaltegkeets- an Infrastrukturminister François Bausch a sengem Virgänger de Claude Wiseler

Wéi soll Lëtzebuerg wuessen a wéi kréie mer de Verkéiersproblem an de Grëff?

Invitéen dëse Samschdeg an der Emissioun Background am Gespréich sinn de François Bausch an de Claude Wiseler: den aktuelle gréngen Nohaltegkeets- an Infrastrukturminister a säi Virgänger.

Lëtzebuerg geet am Verkéierschaos ënner. Et hätt een ze laang gewaart, et géif e Retard vun 10 bis 15 Joer ginn, seet de François Bausch. Säin Toun ass haut méi alarmant wéi nach virun e puer Méint.

Wat si wierklech d'Léisungen? Wat sinn d'Proposë vum CSV-Spëtzekandidat?

De François Bausch an de Claude Wiseler - am Face-à-Face – sinn um Samschdeg live bei eis am Studio. De Rendezvous fir de Background ass wéi gewinnt tëscht 12 an 1 Auer.

Invitée ass d'Ëmweltministesch Carole Dieschbourg. Ee vun de Sujeten ass d'Weltklimakonferenz zu Bonn.

Invitée ass d'Ëmweltministesch Carole Dieschbourg. Ee vun de Sujeten ass d'Weltklimakonferenz zu Bonn.

Wat koum no bal 2 Woche Verhandlungen eraus, wéi soll de Klimaaccord vu Paräis ëmgesat ginn, wéi eng Engagementer muss Lëtzebuerg agoen, fir d'Klimaschutzziler ze respektéieren?

Aner Sujete sinn den nationale Klimaplang, wou ass en drun, wéi soll den nationalen Offallplang ëmgesat ginn a wéi positionéiert Lëtzebuerg sech géintiwwer der franséischer Atompolitik? Wéi kann den Drock op Paräis erhéicht ginn, fir dass Cattenom endlech zougemaach gëtt? Ënnert anerem dat froe mer d'Ëmweltministesch.

Den Yves Kaiser, d’Monique Smit-Thijs, de Paul Weimerskirch an d’Carole Zeimetz sinn Invité an der Émissioun Background am Gespréich.

Den Yves Kaiser, d’Monique Smit-Thijs, de Paul Weimerskirch an d’Carole Zeimetz sinn Invité an der Émissioun Background am Gespréich.