RTL - Background

Table Ronde iwwer nohalteg Liewensmëttelproduktioun

Am Kader vun enger Table Ronde, live vun der Springbreak, schwätze mer iwwert eis Iessgewunnechten a wéi jidderee säin Deel kann dozou bäidroen nohalteg ze produzéieren. Mat um Dësch sëtzen d'Ëmweltministesch Carole Dieschbourg an de Landwirtschaftsminister Fernand Etgen. Weider Invitéë sinn den Tom Jungblut, ee jonke Bauer den sech op nohalteg Liewensmëttelproduktioun spezialiséiert huet, d'Geschäftsfra Christiane Wickler, d'Soziologin Rachel Reckinger vun der Uni.lu, där hir Fuerschungsberäicher Ernährung a Nohaltegkeet sinn, souwéi den Direkter vun der Veterinärsinspektioun Felix Wildschutz.

Background Spezial iwwer nohalteg Liewensmëttelproduktioun, dëse Samschdeg live vun der „Springbreak“, tëscht 12 an 13 Auer.

D'Invitéë vum Background am Gespréich sinn dëse Samschden d'Viviane Reding an de Robert Goebbels.

D'Invitéë vum Background am Gespréich sinn dëse Samschden d'Viviane Reding an de Robert Goebbels.

60 Joer no der Ënnerschrëft vun de Verträg vu Roum ass et der Europäescher Unioun net fir ze feieren. D'Nouvellë gi vum Brexit, de Menacen aus der Tierkei an der Angscht virum Rietspopulismus dominéiert. Wou soll d'Rees vun der EU, op Basis vum Kommissiounspresident Jean-Claude Juncker sengem Wäisse Buch, higoen a wéi kënnt déi Europäesch Unioun aus der latenter Kris eraus?

Doriwwer schwätze mer dëse Samschdeg an eiser Emissioun Background am Gespréich mat eisen Invitéen.
Déi fréier Vizepresidentin vun der EU-Kommissioun an aktuell CSV-Europadeputéiert Viviane Reding an de fréieren Europadeputéierten an LSAP-Minister, deen an der Zäit den Accord vu Schengen mat ënnerschriwwen huet, de Robert Goebbels, sinn tëscht 12 an 13 Auer bei eis am Studio.

Invitée vum Background am Gespréich ass dëse Samschdeg d'Familljen- an d'Integratiounsministesch Corinne Cahen.

Invitée vum Background am Gespréich ass dëse Samschdeg d'Familljen- an d'Integratiounsministesch Corinne Cahen.

De Congé Parental an d'Kannergeld huet se scho reforméiert, den neien RMG ass um Instanzewee..., d'Corinne Cahen ass e Samschdeg eis Invitée am Background.

Mir schwätze mat Hir iwwer familljefrëndlech Politik an iwwer flexibel Aarbechtszäiten.

D'Aarmut mam neien RMG, dem Revis, an d’Kritiken dorunner, kucke mer eis méi genee un. An de Logement an d'Integratioun vun de Flüchtlingen ass ee grousst Thema mat der Familljen- an Integratiounsministesch. Background am Gespréich mam Corinne Cahen e Samschdeg tëscht 12 an 13 Auer op RTL Radio Lëtzebuerg.

Invité vum Background am Gespréich ass dëse Samschdeg de fréiere Professer a Politiker vun Déi Lénk.

Invité vum Background am Gespréich ass dëse Samschdeg de fréiere Professer a Politiker vun Déi Lénk.