RTL - Background

Konstruktiv-kritesch war seng Oppositiounsaarbecht am Parlament,mee och an der Escher Gemengepolitik: de fréieren Deputéierten André Hoffmann setzt sech nach ëmmer géint sozial Ongerechtegkeeten an an interesséiert sech staark fir d'Politik, och wann hien net méi un éischter Front steet.

Mam fréiere Professer an Déi Lénk-Politiker schwätze mer e Samschdeg an der Emissioun Background iwwert d'Politik vun der Dräierkoalitioun, d'Situatioun vun der Gauche an Europa an d'populistesch Tendenzen weltwäit.

Mam Vincent Theis, dem fréiere Prisongsdirekter

Mam Vincent Theis, dem fréiere Prisongsdirekter

Déi Kéier kucke mer hannert d’Kulisse vum Prisong, zesumme mam fréieren Direkter vum Centre Pénitentiaire Schraasseg, dem Vincent Theis. Hien huet während bal 40 Joer am Prisong geschafft a war vun 2000 bis 2016 Direkter zu Schraasseg.

Mat him schwätze mer iwwert d’Liewen an den Alldag hannert de Gitter, awer och iwwert d’Prisongsreform, déi um Instanzewee ass. Wat ännert mam neie Prisong fir Untersuchungshäftlingen, den zu Suessem gebaut gëtt a wéi setzt de Vincent Theis seng Erfahrungen, déi hien am Laf vun de leschte 40 Joer am Prisongswiese konnt sammelen, haut am Kader als Consultant a Formateur an?

Dat si weider Sujeten dëse Samschdeg an der Emissioun Background mam fréiere Prisongsdirekter, dëse Samschdeg tëscht 12 an 1 Auer hei op der Antenn.

Invitée ass déi éischt Schäffen an der Stad an d'Spëtzekandidatin vun deene Gréng fir d'Gemengewahlen.

Invitée ass déi éischt Schäffen an der Stad an d'Spëtzekandidatin vun deene Gréng fir d'Gemengewahlen.

D'Mobilitéit, d'Liewensqualitéit an de Wunnraum an der Stad sinn Sujete an eiser Emissioun Background am Gespréich.

Mat der fréierer Parteipresidentin diskutéiere mer awer och iwwert d'Aarbecht vun déi Gréng op nationalem Niveau, iwwer Fraen an der Politik an iwwert de Staatsrot, an deem si zënter 2015 Member ass.

Invité am Background am Gespréich e Samschdeg de Mëtteg ass d'Deputéiert Martine Hansen

Invité am Background am Gespréich e Samschdeg de Mëtteg ass d'Deputéiert Martine Hansen

Zënter geschwë 4 Joer mécht d'Martine Hansen elo Politik. An der Emissioun Background am Gespréich wëlle mer méi gewuer gi vun der fréierer Ministesch iwwert hir Oppositiounsaarbecht an der Chamber, iwwert d'Educatioun an iwwert d'Landwirtschaft. Wat fir eng Note kritt Blo-Rout-Gréng no 3 Joer um Pouvoir, wou steet d'CSV a wat kéint fir de Wahlbezierk Norden gemaach ginn.