RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Commentaire, 20/12/2018 07:45
    Et kann een am Liewen net ëmmer just meckeren a kritiséieren... a kritesch si mer op dëser Plaz jo ëmmer. Sou kuerz virun Enn vum Joer huet d'Dany Rasqué geduecht, et géif awer och mol Zäit gi fir eng Kéier ze luewen...
    0 min
  • Carte Blanche, 19/12/2018
    Chrëschtdag
    Nee, ech fänken elo net mat enger Moralpriedegt iwwer de Sënn an d’Wäerter vu
    Chrëschtdag un. Nee, ech wäert och kengem virschreiwen, wéi en sech an der Zäit viru
    Chrëschtdag ze verhalen huet. Nee, ech schwätzen och net iwwer den Ursprong vu
    Chrëschtdag a firwat mir iwwerhaapt haut zwee ganzer gesetzlecher Feierdeeg fir
    Chrëschtdag a Stiefesdag hunn.
    Méin éischte Gedanke geet un déi ganz pseudo-Diskussioun ronderëm d’Thema Plastik
    wou mir awer nëmme bei deene Geleeënheeten driwwer schwätze wou et eis arrangéiert.
    Op e klenge Schallimo aus Plastik, ass mëttlerweil bal jidderee bereet ze verzichten. Ganz
    anescht geséit et awer dann aus, wann ech mech vum Kaafrausch Enn dës Joers
    matrappe loossen, de scho virun Halloween mat grujelegen Doten ufänkt, fir duerno um
    schwaarze Freideg déi kleng Plastikskaart nach emol gutt duerchzerëselen, an dann am
    Endspurt mat blénkegen Etiquetten a Richtung Solden op Héichtoure leeft.
    An der Vir-Chrëschtzäit muss ech mech duerch d’Geschäfter duerchbriechen, tëschent
    Millioune faarwegen Artikelen aus Plastik oder ähnlechem; vun Dekoratiounsartikelen,
    iwwer Spillsaachen, Kleeder, an iergendwellech liichtend oder kaméidismachend
    Géigestänn vun deenen een anscheinend absolut muss am Besëtz sinn, fir mat eiser
    Gesellschaft kënne matzehalen.
    Ass eist gréngt Gewëssen tatsächlech sou kuerzlieweg an sou einfach duerch lackeleg
    Offeren ze ënnerdrécken? Brauche mir vläicht och an eisem Kafverhalen eng europäesch
    Direktiv déi eis Restriktiounen imposéiert, oder eng Regierung déi no Trennung vu Kierch
    a Staat an enger nächster Etapp och schlecht Gewunnechten ënnerdréckt?
    Méin zweete Gedanke geet un d’Chrëschtdeeg selwer. Déi meescht vun eis freeën sech
    jo op dës trotzdeem besënnlech Deeg -op ee gleeweg ass oder net-, wou een seng
    perséinlech Reserven nees fëlle kann. Wann een dann awer de Stress am Alldag geséit,
    wou obligatoresch Cadeau’en gesicht ginn, Bestellunge fir déi bescht Chrëschtgäns oder
    de feierlechste Menü am Restaurant gemaach ginn, d’Kanner e Kleesercherspyjama oder
    Elchekostüm -made in China- an déi Grouss en neie blénkegen Ensembel fir den
    eemolegen Owend kréien; kritt een Zweiwelen um Sënn a Soll vun dëser ganzer Zäit.
    Brauche mir fir e puer schéi Stonnen ze verbréngen, onbedéngt eng ganz Show
    ronderëm, déi souwuel eiser Ëmwelt, wéi och eis selwer zu Schued kënnt? Brénge mir et
    net méi fäerdeg e puer Deeg ze verbréngen, just mat dem wat mir selwer sinn? Mir liewen
    an enger 24Stonnen op 24, 7Deeg op 7 Welt, wou mir ouni permanent Oflenkung sief et
    duerch Animatioun, sief et iwwer sozial Netzwierker, net méi kënne bestoen.
    Et ass elo de Moment, sech op dat Wesentlecht ze konzentréieren, an all déi Oflenkungen
    deene mir dagdeeglech ausgesat sinn op e Minimum ze reduzéieren. Jidderee ka bei
    sech déi richteg Weiche stelle fir eng sozialgerecht Zukunft am Respekt vun eiser Ëmwelt.
    Vill Problemer, déi mir eis selwer am Alldeeglechen duerch eise Liewensstil kreéieren,
    géifen sou guer net optrieden a bräichten also och net geléist ze ginn. Dat ass den Ufank
    wéi mir all zesummen e bessert Ëmfeld mat enger gënschteger Sozialkohäsioun kënne
    schafen.

    0 min
  • Carte Blanche , 19/12/2018 07:45
    Chrëschtdag  - gemittlech Stonnen an der Famill oder mat Frënn, do freeë mir eis dach alleguer drop. Sinn se wierklech sou idyllesch wéi dat an sou munchem Lidd wochelaang gesonge gëtt…? Eng Carte Blanche vun der Kummunikatiouns-Experte Christiane Bram.
    0 min
  • Carte Blanche, 19/12/2018 07:45
    Chrëschtdag  - gemittlech Stonnen an der Famill oder mat Frënn, do freeë mir eis dach alleguer drop. Sinn se wierklech sou idyllesch wéi dat an sou munchem Lidd wochelaang gesonge gëtt…? Eng Carte Blanche vun der Kummunikatiouns-Experte Christiane Bram.
    0 min
  • Commentaire, 18/12/2018 07:45
    Wat war dat dann elo zu Kattowitz? Se hu sech - an wuel eis mat - Reegele ginn, heescht et, verbindlech Reegelen, fir an Zukunft, 2024 - öh - genee Bescheed soen ze kënnen, wéi déi Paräisser Ëmwelt-Zieler vu virun 3 Joer agehale gi sinn. Kléngt komplizéiert. An effizient ass anescht, mengt de Nico Graf a sengem Commentaire.
    0 min
  • Carte Blanche, Roland Pinnel, 17/12/2018



    Gëtt et e Paradigmewiessel an der Noriichtewelt ?

    De Roland Pinnel, Éirendirekter vum Luxembourg City Tourist Office, stellt sech d’Fro, ob et e Paradigme- wiessel an der Noriichtewelt gëtt. Wat hien domat mengt, seet hien eis a senger «carte blanche».

    Ech ginn emol dovun aus, dass mer eis all – oder bal all – eens sinn, dass d’Aart a Weis, wéi de Moment déi aner Säit vum grousse Pull mat dem Duerstelle vun Nouvellen an de Medien ëmgaange gëtt, méi wéi problematesch ass.

    A bei eis? Sinn net och mir dacks vun Informatiouns- quellen ofhängeg, déi net ëmmer eng neutral Duerstellung vun den Tatsaachen erëmginn? 

    Dofir kann ee sech froen, ob haut, an Zäiten, wou vu fakenews an alternative facts geschwat gëtt, et net tatsächlech e Paradigmewiessel an eiser Noriichtewelt gëtt. Wéini ass eng news e fake a wéini gëtt e fake zur news?  Vill verzerrten Noriichten maachen et leider ëmmer méi schwéier, un objektiv Informatiounen erunzekommen. Genee dat ass d’Quadratur vum Krees.

    Et wäert dach hoffentlech net nach esou wäit kommen, dass mer no der Devise vun den dräi Afen handelen: nëmmen näischt héieren, näischt gesinn an näischt soen! ’t géif nach just feelen, dass et och nach e véierten Af géif ginn, deen als  Grondastellung hätt: wann ech glift, och nëmmen näischt maachen!

    De Stéphane Hessel hat an deem Sënn scho Recht, wann e geschriwwen huet, déi schlëmmsten Haltung wär déi, wann et engem «egal» wär. Logescherweis kënnt hien da mat sengem berühmte Saz zur Conclusioun: Indignez-vous!

    Esou eng Opfuederung kann awer och hannen erëmschloen. Wéi - zum Beispill - dat, wat a Frankräich mat de «gilets jaunes» am Gaang ass ze geschéien. Och do gëtt sech indignéiert. Awer bestëmmt net am Sënn vum zitéierten Auteur. Deen huet nämlech – an dat gëtt dacks vergiess - niewent der indignation och zu gläicher Zäit fir d’non-violence plädéiert.

    Dës schro Evenementer beleeë kloer, dass et ebe guer net esou einfach ass, de Spagat tëschent Usproch a Realitéit ze schaffen. D’Duerstellung dovun an de Medie mat abezunn.

    An et gëtt nach manner einfach, wann dann och nach Leit vu vir eran déi konventionell Medien a Fro stellen an da vu «betreitem Denken» schwätzen.  Besonnesch dann, wa Faiten an der Press rapportéiert ginn, déi hinnen net an de Krom passen.

    Wéi soll een da bei Nouvellen iwwerhaapt nach den  Ënnerscheed tëschent Informatioun an Desinforma- tioun gemaach kréien?

    Éierlech gesot: ech wees et net. An dofir géif ech nawell gär als Äntwert de Bob Dylan zitéieren, dee gesong huet: The answer, my friend, is blowin’ in the wind.  



     



       


     

    0 min
  • Reaktanz, 15/12/2018 13:15
    Gëtt Fleesch-Iessen am Restaurant deemnächst verbueden? Wann et dem Christina Figueres no geet, kënnt dat an 10 bis 15 Joer de Fall sinn. Déi Responsabel fir d’Klimaofkommes vu Paräis fënnt, datt Fleesch iessen ëmweltschiedlech ass a vergläicht et mam Fëmmen.  Et gëtt ëmmer méi verbueden. Eng Onmass vu Regelen a Kontrollen loossen der perséinlecher Fräiheet kaum nach Raum. Eegent Denken kréie mir ofgeholl. Dat féiert ganz dacks zu Reaktanz. Wat dat ass, erklärt de Guy Seyler a sengem Apropos vun haut.
    0 min
  • Carte Blanche, Marc Glesener, 14/12/2018
    D’Mobiliséierung vun de giele Gileten am Nopeschland Frankräich ass duerch dat mäerdereschen Attentat zu Stroossbuerg medial an den Hannergrond geréckelt.  Dat ass normal. Domat ass d’Onzefriddenheet an de Protest vu ville Fransousen awer nach net eriwwer.
    Ganz am Géigendeel.
     D’Leit mat de giele Secherheetsvesten hunn eppes ausgeléist, wat der Politik ze denke muss ginn - an dëst iwwer d’Grenze vu Frankräich eraus. Wann d’Zuel vun de Mënschen, déi et net méi fäerdeg bréngen dezent ze liewen ëmmer méi grouss gëtt, ass dat e reegelrecht gesellschaftlecht Polverfaass. Dobäi kennt, dat et an eisen Demokratië matten an Europa Platze gëtt wou de Rechtsstaat komplett demissionéiert huet an esou ze soe rechtsfräi Raim entstane sinn. Frankräich ass hei e gutt Beispill.
     Am Resumé also fille vill Leit sech vun dem Staat eleng gelooss, an net méi beschützt a geschützt.
     Nu ginn et an deem Kontext keng einfach Léisungen. Dofir ass des Situatioun jo och e Nährbuedem fir Populisten an Extremisten, déi op ville Platzen um kommen oder schonn do sinn.
     Et wier elo  definitiv un der Zäit, dat d’Politik eppes ënnerhelt. Dat se Äntwerte liwwert an d’Problemer vun de leit upaakt.
     An dësem Kontext huet mer eng Interventioun vun engem klenge  franséische Kommerzant gefall, deen der Politik d’Fro stellt firwat seng Steierlaascht ëmmer erop geet an seng ëmmer méi grouss an iwwermächteg Konkurrenz, hien huet de weltwäit gréissten Onlinehändler gemengt, guer net oder wann, da ganz moderat, steierlech belaascht gëtt.
     Eng Äntwert op seng Fro krut hien net.
     Heiheem hu mer glécklecherweis nach keng franséisch Verhältnisser.
     Mais och hei besteet de Risiko vun enger sozialer Spaltung. Ech denken hei besonnesch un d‘Logementsfro. Mat enger normaler Pei ass de Kaf vun engem Eegenheem bal net méi dran. D’Loune gëtt ëmmer méi deier. An domat ass de Logement déi sozial Fro zu Lëtzebuerg schlechthin.
    E Luxusproblem, wann een et aus der franséischer Perspektiv kuckt. Awer heiheem eng Fro, déi muss ugepaakt ginn. Et ass eng wann net déi zentral sozial Fro. Et heescht upaken, net nokucken.

    0 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

54 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners