RTL - Commentaire

Den LSAP-Minister huet dat no de Publikatioune vu Reporter.lu iwwer seng Fraisen op Déngschtreesen demonstréiert, fënnt d'Michèle Sinner a sengem Tëscheruff.

D’Politik wëllt den Awunner an hire respektive Gemenge méi Matsproocherecht ginn. Grad virun de Gemengewale kënnt esou eng Iddi nawell gutt, a kaum ee wäert sech net fir dës Propos begeeschteren. Ob dës Biergerbedeelegung awer ëmmer eescht gemengt ass? Genee déi Fro stellt sech d’Monique Kater am Kommentar vun haut an hëlt dofir d’Politik an der Gemeng Jonglënster ënnert d’Lupp...

D'Banke-Bilane vun zejoert goufe rezent presentéiert a loosse sech an de meeschte Fäll weisen. Wou d‘Zuele fir d‘Aktionäre glënnere verléiert awer den Zerwiss um klenge Client ëmmer méi u Glanz, kéint ee mengen. De Pit Everling huet sech seng Gedanke gemaach.

A Virwalzäiten ass "gesi ginn" Tromp an dat dierft och erklären, firwat et den Ament keng Generalversammlung, kee Maart a keen Dëppefest ouni Politiker gëtt.

Grousse Succès haten e Méindeg och d'Gewerkschaften op hiren Éischt-Mee-Feieren.

Dat war och alt scho mol anescht, mengt d'Dany Rasqué.

D’Regierung huet wëlles, privat Projeten opzekafen. D’Demarche ass richteg, mee et ass delikaten Exercice. An et geet net duer, sou de Fränz Aulner.

D'CSV leet op Käschte vun LSAP an DP bäi: aus der Sonndesfro, déi d‘Ilres am Optrag vun RTL an dem Wort gemaach huet, geet ervir, dass déi Chrëschtlech-Sozial hire fräie Fall stoppe konnten. Si profitéiere vum Retour vum Luc Frieden an d'Politik. D'CSV sollt hir Ziler awer och no deem Erfollegserliefnis net ze héich usetzen, fënnt de Pierre Jans.

D'lescht Woch huet de Gesondheetsministère eis matgedeelt, dass si selwer net wëssen, wéi vill Kannerdokteren hei am Land aktiv schaffen. D'Police kann net soen, ob d'Zuel vun de Messerattacken hei am Land an d'Luucht ginn an de Logementsminister Henri Kox äntwert op eng Parlamentaresch Fro mat 30 weidere Froen, op déi ee keng Äntwert huet. Ma weess eise Staat iwwerhaapt eppes iwwer Lëtzebuerg?

Nach si se op der Inspection générale des Finances am gaangen ze sortéieren, wiem, wou, wat gehéiert beim Luxembourg Science Center. Mee verschidde Lektiounen kann een nawell elo schonn aus dësem ganz besonnesche Public-Private-Partnership zéien, mengt d’Michèle Sinner a sengem Commentaire.

An eisem Land feelt et u politescher Responsabilitéit, dat heescht, dass Politiker Rechenschaft fir hir Aktiounen ofleeën. D'Annick Goerens ass a sengem leschte Commentaire nach eemol op déi verschidde Skandaler a Skandälercher agaangen, déi sech d'Regierungsparteien an de leschte Joren esou geleescht hunn.

Zu gewëssen Auerzäiten an op gewësse Plazen an der Stad Lëtzebuerg soll d’Heesche jo an Zukunft verbueden a bestrooft ginn. Dat huet d'DP an d'CSV rezent am Gemengerot decidéiert an eng helle Wull u Reaktiounen an Diskussioune lassgetrëppelt. D’Claudia Kollwelter gëtt bei all deem d’Gefill net lass, datt op en neits per Force versicht gëtt, e Bild vun der Stad Lëtzebuerg ze schafen, dat absolut näischt mat der Realitéit ze dinn huet...