RTL - Commentaire

D‘Tripartite war also en Echec. Den Onofhängege Gewerkschaftsbond huet de Mesuren-Pak vun der Regierung refuséiert an e Mëttwoch den Owend d‘Dier geklaakt. Déi aner zwou Gewerkschaften droen de Pak mat. Si beweisen domat e Gefill fir déi quokeleg Situatioun, an där mir all zesumme sinn. Dem OGBL seng Fuerderunge sinn ze héich, seet de Pierre Jans a sengem Commentaire.

Anscheinend si mer aktuell mat "multiple Krisen" konfrontéiert - sou soen eis et mol d'Politiker. Dat stëmmt och, just datt keen am Stand ass oder de Wëllen huet, Äntwerten ze fannen. D'Tripartite ass esou e Versuch, mee nach laang ass näischt an dréchenen Dicher. Als Gewënner gesäit sech allemol d'Regierung, an dat éier en Accord fonnt gouf. Effektiv steet besonnesch een aus der Koalitioun gutt do, fënnt de Roy Grotz a sengem Commentaire.

D’Regierung an d’Sozialpartner hu sech - wéinst den héije Präisser, besonnesch den Energiepräisser - prinzipiell op e Mesurëpak gëeenegt. Den Index bleift a Bensinn a Masutt gi vum Staat méi bëlleg gemaach. D’Carine Lemmer huet sech doriwwer Gedanke gemaach.

Viru 27 Deeg huet Russland d'Ukrain iwwerfall, e Krich, deen ëmmer méi brutal gëtt. E Krich, an deem Zivilisten an zivil Ziler wéi Wunnquartieren, Spideeler, Maternitéen a Schoulen ëmmer méi reegelméisseg bombardéiert ginn. Schrecklech Biller, déi d'selwecht sinn, wéi déi aus anere Kricher. Zum Beispill déi aus dem syresche Biergerkrich, ma "ausgerechent den Diktator vun Damaskus, de Krichsverbriecher aus Syrien gouf an de leschten Deeg mat oppenen Äerm zu Dubai empfaangen", kritiséiert d'Dany Rasqué a sengem Commentaire.

Zanter dem Ufank vum Krich an der Ukrain virun 3 Woche sinn elo scho méi Flüchtlingen zu Lëtzebuerg ukomm wéi nach ni an engem Joer. Den Accueil wäert kee Selbstläufer ginn. Ouni Solidaritéit a vill gudde Wëlle wäert et net goen. Duerfir wier et wichteg, déi ablécklech Solidaritéit sou laang et geet um Liewen ze halen. An dat ass awer alles anescht wéi evident.

No bal 2 Joer gëllt zu Lëtzebuerg keng Maskeflicht méi. Mat Ausnam vum ëffentlechen Transport an dem Gesondheets- a Fleegesecteur. Och den obligatoresche CovidCheck gëllt just nach fir Ariichtungen, déi sech ëm vulnerabel Leit këmmeren. Zréck an en normaalt Liewen - wat eng Erliichterung... an awer, huet d’Raphaëlle Dickes gemëschte Gefiller dobäi.

D’Präisser un der Pompel sinn hënt op en neits zolidd geklommen. De Fränz Aulner mengt am Commentaire, datt d’Regierung d’energetesch Transitioun an den Ausbau vun alternative Verkéiersmëttele net séier a resolut genuch ënnerholl huet. A sengen Ae muss d’Regierung elo handelen, mä hiren Aktiounsradius fir d’Präisdeierecht ofzefiederen ass elo kuerzfristeg limitéiert.

Resignatioun, Frustratioun an Angscht. Déi ukrainesch Flüchtlingen, déi et bis iwwer d‘Grenz packen, hunn e Calvaire hannert sech. D‘Europäesch Unioun ass hir Rettung. Et ass een Hoffnungsschimmer... dee sech awer als eng weider Epreuve erausstellt. D‘Annick Goerens huet 28 Flüchtlingen op hirem Wee op Lëtzebuerg begleet.

Elo gëtt et kulturell. Fir eise Commentaire vun haut kucke mir nämlech op d'Kulturjoer Esch2022. Et soll eng Chance si fir Esch an de ganze Minett. Mee ass d'Ouverture de leschte Samschden dëser Hoffnung gerecht ginn? D'Monica Camposeo war dobäi.

Zanter 2 Joer huet d’Corona-Pandemie d’Gesellschaft elo scho fest am Grëff. An deenen 2 Joer ass och ëmmer erëm op den Impakt vun der Pandemie op d’mental Gesondheet vun de Leit opmierksam gemaach ginn. Ma konkret huet sech awer net wierklech eppes gedoen, fënnt d’Claudia Kollwelter a sengem Commentaire.