RTL - Commentaire

D'Ouschtereeër fonnt? D'Péckvillercher kaf? D'Fréijoers-Wieder genoss? Wéi war d'Vakanz?
Dat wieren sou déi üblech Froen, no engem  laangen Ouschterweekend.
Ma dëst Joer ass alles anescht. D'Corona-Pandemie erdréckt déi ganz Welt.
Wéi geet et virun, freet de Pit Everling sech de Moien a kënnt zur Conclusioun, datt mer eis keng Illusioune solle maachen.

Den Ament steet alles. Mä keng Angscht, dat leeft schonn erëm, mengt den Nico Graf, deen awer net optimistesch ass, datt eppes geléiert gëtt.

Während der Coronakris a wann se sech berouegt sinn et rëm déi mi schwaach déi de mi deiere Präiss musse bezuelen. Wéi all Kris waert dës Kris nei Normalitéiten schafen an dës Kéier mussen déi richteg Weichë gesat ginn, seet de François Aulner an dësem Commentaire.

D'Gestioun vum Coronavirus  huet en Afloss op d'Liewen vu jidder Eenzelem dee wäit iwwert déi akut Behandlung vun de Corona-Patienten erausgeet. Mir hunn an de leschten Deeg a Wochen vill iwwert den Drock op d'Santéspersonal, d'Existenzsuergen vun de Betriber an d'Erausfuerderungen vun der Schoul doheem geschwat. D'Claude Zeimetz dediéiert säi Commentaire de Moien deenen villen Eenzelschicksaler déi den Ament mat mënschleche Krisen an der Kris konfrontéiert sinn.

Net nëmmen de Virus verbreet sech den Ament op der ganzer Welt. Och falsch Informatiounen, soi-disant Tipps oder esouguer Verschwörungstheorie ginn vu ville Leit mat Famill a Frënn gedeelt.
Dat ouni ze iwwerpréifen, wat dohannert stëscht.
Mir mussen ophaalen, Noorichten ouni Sourcen, ouni Verifikatioun an ouni wëssenschaftlecht Fundament an de sozialen Reseau oder privaten Chatgruppen ze deelen, fuerdert d'Monica Camposeo am Kommentar vun de Moien.....

„Coronavirus - made in China“ hat et den 1. Februar op der Titelsäit vum Spiegel geheescht. Knapp zwee Méint dono huet d'Longekrankheet den Tour vun der Welt gemaach an ass och zu Lëtzebuerg eng batter Realitéit. Den Eric Ewald mat engem Commentaire.

Betrëfft mech net, intresséiert mech net?
Wann d'Räiskären aus dem Sak, deen a China ëmgefall ass, op eemol virun der eegener Dier leien, gëtt et Zäit fir nozedenken. E Commentaire vum Dany Rasqué.

Et ass eng Situatioun, wéi mir se an Europa an hei zu Lëtzebuerg nach net kannt hunn. Eis Gesondheetssystemer ginn op eng schwéier Prouf gestallt an et geet drëm méiglechst vill Mënscheliewen ze retten. An dësen Zäite vun der Kris goufen eng Rei drastesch Mesure geholl a mir all mussen all eisen Alldag an eis Gewunnechten upassen. Ma eng Mesure ass komplett dernieft, fënnt d’Maxime Gillen a sengem Commentaire.

Musek-Play-Lëschten, Buch-Recommandatiounen, Serien- a Film-Tipps… Mëttlerweil misst jidderee verstanen hunn, wéi eescht d’Situatioun wéinst der Corona-Pandemie ass, an d’Leit gi kreativ a proposéieren Entertainment-Méiglechkeeten. D’Devise ass elo, virsiichteg ze sinn ouni ze panikéieren – méi einfach gesot wéi gemaach. D’Fanny Kinsch huet a sengem Commentaire vun haut e puer Iddien, wéi ee sech a Quarantän- a sozialen Distanz-Zäite beschäftege kann.

“Al wäiss Männer ? Brauch kee Mënsch”. Esou ee Banner war e Samschden op der Plëss ze gesinn, wéi Fraen A Männer beim éischte Fraestreik zu Lëtzebuerg matgoungen. D’Nadine Gautier mat engem Commentaire.