សង្រ្គាមរុស្ស៊ី​ឈ្លានពាន​អ៊ុយក្រែន​បាន​ឈានចូលដល់​១៤៤ថ្ងៃ នៅថ្ងៃអាទិត្យ​ទី ១៧​កក្កដានេះ។ នៅ​ជាង​៥ខែ​នៃ​សង្រ្គាមឈ្លានពាន​អ៊ុយក្រែន រុស្ស៊ីមិនបាន​បង្ហាញ​សញ្ញា ចង់​បញ្ឈប់​សង្រ្គាម​នៅ​អ៊ុយក្រែន។ នៅ​ថ្ងៃ​សៅរ៍ រដ្ឋមន្រ្តីការពារ​ជាតិ​រុស្ស៊ី​បាន​ចេញ​សេចក្តីថ្លែងការណ៍ ចេញ​បញ្ជា​ឲ្យ​កងទ័ព​បង្កើន​ការវាយប្រហារ​កាន់តែ​ខ្លាំង​នៅអ៊ុយក្រែន។ នៅ​ក្រោយរុស្ស៊ី​បាញ់​គ្រាប់មីស៊ីល​ចេញពីមជ្ឈមណ្ឌលនុយក្លេអ៊ែរ សំដៅ​សង្កាត់រស់នៅ​របស់​ប្រជាជន​ស៊ីវិល​ នៅ​ភាគខាងត្បូង​អ៊ុយក្រែន សហភាព​អឺរ៉ុប​កំពុង​គិត​ពិចារណា​បន្ថែម​ការដាក់ទណ្ឌកម្ម​ទៅលើ​រុស្ស៊ី។