ដើម្បីជំរុញប្រជាជនបារាំង ឲ្យ​ទៅចាក់វ៉ាក់សាំងបង្ការកូវីដ រដ្ឋាភិបាលបារាំងបានធ្នើសេចក្តីស្នើច្បាប់មួយ ទៅកាន់សភា ដើម្បី​ដាក់កំហិតឲ្យ​ប្រជាជនម្នាក់ៗ មានកាតព្វកិច្ចបង្ហាញ​លិខិតបញ្ជាក់ថាបានចាក់វ៉ាក់សាំង មុននឹងអាចចូលទៅ​កាន់ទីតាំងមួយចំនួន​បាន។ សេចក្តីស្នើច្បាប់នេះ ត្រូវបាន​រដ្ឋសភាបារាំងបោះឆ្នោត កាលពីវេលាទាបភ្លឺ ព្រឹកថ្ងៃសៅរ៍ទី១៥មករានេះ បន្ទាប់ពីមានការជជែកតវ៉ាគ្នា ស្តីបន្ទោសគ្នាយ៉ាងចម្រូងចម្រាសបំផុត។ តើច្បាប់ថ្មីនេះ បានចែងកំណត់ពីអ្វីខ្លះ ហើយ​តើហេតុអ្វី បានជាអ្នកនយោបាយ ក៏ដូចជា​សង្គមបារាំង មាន​ការខ្វែងគំនិតគ្នាខ្លាំងដូច្នេះ ?​