មហោស្រព​ភាពយន្ត​អន្តរជាតិ​កានលើកទី​៧៥ ​បាន​ឈាន​មក​ដល់​ទីបញ្ចប់ នៅថ្ងៃសៅរ៍ ទី ២៨​ឧសភា បន្ទាប់ពី​ចាប់បើក​ជិត​២សប្តាហ៍មកនេះ។ តាមអ្នករៀបចំ​មហោស្រព អ្នកធ្វើការ​នៅក្នុង​វិស័យភាពយន្ត អ្នកសេ្នហាកុន ជាង ៣ម៉ឺននាក់​បានចូលរួម ក្នុង​មហោស្រពភាពយន្តកាន ដើម្បី​អបអរ​សិល្បៈទី៧ បន្ទាប់​ពី​ត្រូវរអាក់រអួល​អស់ ២ឆ្នាំ ដោយសារ​វិបត្តិកូវីដ។ នៅថ្ងៃបិទបញ្ចប់កម្មវិធីមហោស្រពភាពយន្តអន្តរជាតិ​ធំជាង គេ​ក្នុងពិភពលោក គណៈមេប្រយោគ ចម្រុះជាតិសាសន៍ ត្រូវ​ប្រកាស​ជ័យលាភី​ដែលត្រូវ​ទទួល​រង្វាន់តាល់ប័ត្រមាស រង្វាន់ធំជាងគេ​របស់​មហោស្រព។ តើ​ខ្សែភាពយន្ត​មួយណា​ដែល​ត្រូវសក្តិសម​ទទួល​បាន​រង្វាន់​តាល់ប័ត្រមាស​របស់​មហោស្រពកាន នៅឆ្នាំនេះ?