ពីរថ្ងៃក្រោយ​ផ្ទុះស្ពានគ្រីមេ ក្រុងធំៗ​របស់​អ៊ុយក្រែន ក្នុងនោះរួមមានទាំង​រដ្ឋធានីកៀវផង រង​ការ​វាយប្រហារ​ដោយ​ទម្លាក់គ្រាប់បែក។  លោក ​ វ្ល៉ាឌីមៀរ ពូទីន បាន​លើកឡើងថា «ការឆ្លើយតបរបស់រុស្ស៊ី គឺឲ្យសក្តិសមនឹងទំហំនៃការគំរាមកំហែងចំពោះប្រទេសរុស្ស៊ី»។ ប្រសាសន៍​នេះ ទំនង​ជា​សំដៅដល់​ការវាយបក​ចំពោះ​ការ​បំផ្ទុះ​ស្ពាន​គ្រីមេ ដែល រុស្ស៊ី​ ចោទថា​ជាស្នាដៃ​របស់ ​អ៊ុយក្រែន​។ នៅ​ម៉ូស្គូ ថ្ងៃទី១០តុលា ក្រុមប្រឹក្សា​សន្តិសុខជាតិរុស្ស៊ី​ជួបប្រជុំគ្នា​ក្រោម​អធិបតីភាព​របស់​លោកប្រមុខ​រដ្ឋ​ វ្ល៉ាឌីមៀរ ​ពូទីន។