ក្រុមប្រឹក្សា​សិទ្ធិមនុស្ស​នៃអង្គការសហប្រជាជាតិ កំពុងតែត្រៀម បោះឆ្នោតលើ​គម្រោង​សេចក្តីសម្រេចចិត្តចំនួន២ ដែល​មានខ្លឹមសារថ្កោលទោស​ ចិន និង រុស្ស៊ី ស្តីអំពីការរំលោភសិទ្ធិមនុស្ស​។ ក្រុមប្រទេសលោកខាងលិច ដែលជាអ្នក​ផ្តួចផ្តើម​គំនិតធ្វើគម្រោងសេចក្តីសម្រេចចិត្តនេះ បានស្ទាក់ស្ទើរជាច្រើនខែមកហើយ ព្រោះខ្លាចក្រែងថា មិនអាច​ទទួលបាន​សំឡេងឆ្នោតគាំទ្រគ្រប់គ្រាន់ ពីសំណាក់ប្រទេសសមាជិកនៃក្រុមប្រឹក្សាសិទ្ធិមនុស្ស​។​ តែយ៉ាងណា​ អង្គការ​សិទ្ធិមនុស្សធំៗ​ បាន​ដាក់សំពាធ ដើម្បី​ឲ្យ​​ក្រុមប្រឹក្សាសិទ្ធិមនុស្ស​ ត្រូវតែ​​ប្រើវិធានការច្បាប់អន្តរជាតិ ឈានទៅ​ថ្កោលទោសរុស្ស៊ី និងចិន​។