សង្រ្គាម​រុស្ស៊ី​ឈ្លានពាន​អ៊ុយក្រែន​ដែល​បាន​ចាប់​ផ្តើម​ក្នុង​ថ្ងៃទី២៤ កុម្ភៈ​បាន​ឈាន​ចូល​ដល់ ១០០ថ្ងៃ។ នៅ ១០០ថ្ងៃ​ក្រោយ​មក សង្រ្គាម​ដែល​រុស្ស៊ី​គិត​ថា​ជា​សង្រ្គាម​ផ្លេកបន្ទោរ​បាន និង​កំពុង​ក្លាយ​ជា​សង្រ្គាម​រ៉ាំរ៉ៃ អូសបន្លាយ។ ក្រៅ​ពី​រុស្ស៊ី និង​អ៊ុយក្រែន​ដែល​ជា​តួអង្គ​ផ្ទាល់ សង្រ្គាម​នៅ​លើ​ទឹកដី​អឺរ៉ុប​មួយ​នេះ​បាន​ធ្វើ​ឲ្យ​សណ្តាប់ធ្នាប់​ពិភពលោក​ក្រឡប់​ចាក់ និង​ច្របូកច្របល់។ ប្រមុខ​ការទូត​អាមេរិក​លោក​អង់តូនី ប៊្លីនកិន​បាន​យល់​ឃើញ​ក្នុង​ថ្ងៃ​ពុធ ទី១ មិថុនា​ថា សង្រ្គាម​រុស្ស៊ី​ឈ្លានពាន​អ៊ុយក្រែន​អាច​នឹង​បន្ត​មាន​ជា​ច្រើន​ខែ​ទៀត។