នៅ​ថ្ងៃ​ព្រហស្បតិ៍ ទី២៤ កុម្ភៈ ប្រធានាធិបតី​រុស្ស៊ី​លោក​ពូទីន​បាន​ប្រកាស​បើក​ប្រតិបត្តិការសឹក​លើ​ប្រទេស​អ៊ុយក្រែន។ ការ​សម្រេច​ចិត្ត​របស់​លោក​ពូទីន​នេះ​បាន​ធ្វើ​ឡើង ក្រោយ​ពី​លោក​ពូទីន​បាន​ប្រកាស​ក្នុង​ថ្ងៃ​អង្គារ ទី២២ កុម្ភៈ​ពី​ការ​ទទួល​ស្គាល់​ជា​ផ្លូវការ​នូវ​ឯករាជភាព​តំបន់​អប្បគម​ចំនួន​ពីរ​នៅ​ប៉ែកខាងកើត​អ៊ុយក្រែន គឺ​ដូនែតស្ក៍ និង​លូហ្កាន់ស្ក៍។ សហគមន៍​អន្តរជាតិ​បាន​ថ្កោលទោស​ចាស់ដៃ​លើ​ទង្វើ​របស់​លោក​ពូទីន និង​រៀបចំ​ទណ្ឌកម្ម​ថ្មីៗ​ទៀត​ដើម្បី​ប្រឆាំង​រុស្ស៊ី។