នៅ​ក្នុង​ប្រទេស​រុស្ស៊ី ក្បួន​បាតុកម្ម​ត្រូវ​បាន​រៀបចំ​ជា​ច្រើន​កន្លែង​នៅ​ទូទាំង​ប្រទេស​ដើម្បី​ប្រឆាំង​នឹង​ការ​សម្រេច​របស់​ប្រធានាធិបតី​លោក​ពូទីន​ក្នុង​ការ​កេណ្ឌទ័ព​មួយ​ភាគ​ទៅ​ជួយ​ច្បាំង​នៅ​លើ​សមរភូមិ​អ៊ុយក្រែន។ តាម​តួលេខ​ផ្តល់​ដោយ​អង្គការ​ក្រៅរដ្ឋាភិបាល មាន​មនុស្ស​ជាង ១ ៣០០នាក់​ត្រូវ​បាន​ប៉ូលិស​ចាប់​ខ្លួន​នៅ​ក្នុង​ក្បួនបាតុកម្ម។ ទន្ទឹម​នឹង​ចុះ​ផ្លូវ​ធ្វើ​បាតុកម្ម មាន​ពលរដ្ឋ​រុស្ស៊ី​មួយ​ចំនួន​បាន​ព្យាយាម​ចាកចេញ​ពី​រុស្ស៊ី​ដើម្បី​គេច​ពី​ការ​កេណ្ឌទ័ព។ ដោយឡែក ការ​ប្រកាស​កេណ្ឌទ័ព​ពី​លោក​ទីន​ពេល​នេះ​ត្រូវ​បាន​ក្រុម​អ្នកជំនាញ​យល់​ឃើញ​ខុសៗ​គ្នា។