លោកអង់តូនីញ៉ូ ហ្គូទែរស៍ បានទៅដល់ទីក្រុងកៀវ ប្រទេសអ៊ុយក្រែន កាលពីថ្ងៃព្រហស្បតិ៍​ទី​២៨មេសា​​។ នៅវេលាយប់ កងទ័ពរុស្ស៊ីបានបាញ់មីស៊ីល ចំនួន​៥គ្រាប់​មកលើទីក្រុងកៀវ បង្កឲ្យមាន​ការព្រួយបារម្ភបំផុត ពី​សុវត្ថិភាព​របស់​លោកអគ្គលេខាធិការអង្គការសហប្រជាជាតិ។ គួរកត់​សំគាល់​ថា អស់រយៈពេលប្រមាណ​២សប្តាហ៍មកហើយ ដែលរុស្ស៊ីបាន​បានផ្អាកលែងបាញ់មីស៊ីល មកកាន់ទីក្រុងកៀវ។ ការបាញ់មីស៊ីល ក្នុងខណៈពេល​ដែល​លោកអគ្គលេខាធិការអង្គការ​​សហប្រជាជាតិ កំពុងស្ថិតនៅទីក្រុងកៀវនេះ ត្រូវបាន​គេមើលឃើញថា វាជាទង្វើផ្គើន ដោយ​គ្មានការគោរព​​របស់រុស្ស៊ី មក​លើ​អង្គការសហប្រជាជាតិ ដែលជា​ស្ថាប័នអន្តរជាតិកំពូលឡើយ។