គិត​ត្រឹម​ថ្ងៃ​ទី​២១ ខែ​សីហា ឆ្នាំ​២០២៤ ​រដ្ឋសភា​នីតិកាល​ទី៧​មានអាយុ​ ១ឆ្នាំ​គត់​។ ​លទ្ធផល​ផ្លូវការ​នៃ​ការបោះឆ្នោត​ជ្រើសតាំង​តំណាងរាស្ត្រ​កាលពី​ថ្ងៃទី​២៣ ខែ​កក្កដា ​ឆ្នាំ​២០២៣ ​បាន​បង្ហាញថា ​គណបក្ស​ប្រជាជន​កម្ពុជា​ដែលកាន់​អំណាច​បច្ចុប្បន្ន​ទទួលបាន​អាសនៈ​ចំនួន​ ១២០ អាសនៈ ​និង​គណបក្ស​ហ្វ៊ុនស៊ីនប៉ិច​ទទួលបាន ​៥​អាសនៈ​ ក្នុងចំណោម​អាសនៈ​សរុប​ចំនួន ១២៥ ​នៅក្នុង​រដ្ឋសភា។​ តើរយៈពេល ​១ឆ្នាំ​កន្លងទៅនេះ ​រដ្ឋសភា​ខ្មែរ​បាន​បំពេញ​តួនាទី​អ្វីខ្លះ​ជាប្រយោជន៍​ដល់ម្ចាស់ឆ្នោត ​និង​ប្រទេសជាតិ​? សំណួរនេះត្រូវបាន​អ្នកតាមដាន​សង្គម ​និង​នយោបាយ​ផ្តល់​ចម្លើយផ្សេង​ៗ​គ្នា​ដោយមាន​ទាំង​ចំណុច​វិជ្ជមាន ​និង​អវិជ្ជមាន​។