Die eerste van ons nuwe preekreeks. Na aanleiding van 'Black Monday' wat verby is en die ekonomiese terugslae wat ons tans beleef, dui Dawie vir ons aan dat ons as christene te midde van swaarkry soms sterker word in ons geestelike lewe, en dat God alles ten goede sal laat meewerk soos Hy beloof.

Maak nie saak waar op die lewenspad jy jouself bevind nie. Maak nie saak hoeveel terugslae en aanslae jy moet verduur nie. God is nog nie klaar met jou nie. Hy het 'n plan, en Hy sal hom enduit uitvoer.

Elke mens vergelyk homself met iets/iemand. En so leer mens ook ander mense met wie jy gereeld te doen het, se gewoontes en maniertjies aan. Sommige goed, ander sleg. Dawie verduidelik vir ons aan die hand van Jakobus 1 dat mens jouself in die Bybel moet soek en hoor wat God van jou dink en nie noodwendig mense nie.

Christo preek dat elkeen van ons maar op ons eie pelgrimstog is. Ons sal nooit die eindbestemming bereik hier op aarde nie. Die pad is ook nie altyd gelyk en maklik nie, maar ons strek ons uit na wat voorlê in die Hemel.

City Temple pastor Rod Woods teaches us that we need to be empty vessels in order for God to fill us with His Spirit. If we are full of ourselves or any earthly desires, He needs to empty us first before He can use us.

Christo leer ons dat ons onsself moet herhinner waar ons vandaan kom. Hy verduidelik aan die hand van verskeie Bybeltekse waar God die Israeliete herhinner het wat Hy vir hulle gedoen het sodat ons ons huidige situasie in 'n beter lig kan sien.

Die laaste in ons preekreeks Blywees vir Dummies.

Dawie verduidelik aan die hand van Paulus wat in die tronk sit dat daar geen plek is in 'n christen se lewe om te 'moan' nie. Vrees/bewing het 'n noue verwantskap met vreugde as jy dit op die Bybelse manier benader.

Die mate van vreugde in jou lewe word bepaal deur jou toegeweidheid aan Christus. Vreugde is die normale wat gebeur as mens oorgegee is aan Sy Gees en jy gesterf het in jou 'eie ek' met al sy sondige begeertes. Annatjie (musikant) getuig na Dawie se preek oor hoe die Here haar uit haar ellende kom optel het en Sy vreugde kom herstel het.

Ware vreugde lê in die klein dingetjies wat ons doen vir ander. Dit lê in die aflê van jouself en die leef vir God en ander mense - Dit is die hooftema van vandag se preek.