សាច់​ញាតិ​បុរស​ដែល​ស្លាប់​ពេល​ប៉ូលិស​ឃុំ​ខ្លួន​សួរ​ចម្លើយ​នៅ​នគរបាលស្រុក​សង្កែ ខេត្ត​បាត់​ដំបង កាល​ពី​ដើម​មេសា បន្ត​ទទូច​ស្នើ​សុំ​ឲ្យ​មន្រ្តី​ពាក់​ព័ន្ធ​ពន្លឿន​ការ​ស៊ើប​អង្កេត និង​ចាត់​វិធាន​ការ​ច្បាប់​លើ​ជន​ដៃ​ដល់ ដើម្បី​ផ្តល់​យុត្តិ​ធម៌ដល់​ពួក​គាត់។ មន្រ្តី​សង្គម​ស៊ីវិល​យល់​ថា​សមត្ថ​កិច្ច​ជំនាញ​ក្រសួង​មហាផ្ទៃ​គួរ​តែស៊ើប​អង្កេត​ករណី​នេះ​ឱ្យ​បាន​ឆាប់ ដើម្បី​ឱ្យ​ពួក​គាត់​មាន​ទំនុក​ចិត្ត​លើ​ស្ថាប័ន​អនុវត្ត​ច្បាប់ ។