បេសកម្ម​​បោសសំអាតក្រុមភេរវកម្ម​ជីហាតអ៊ីស្លាម នៅតំបន់​សាហ៊ែលអាហ្វ្រិក កំពុងតែជួបភាពរង្គោះរង្គើរយ៉ាងខ្លាំង បន្ទាប់ពី​មានភាព​ចម្រូងចម្រាស ជាមួយ​នឹង​របបសិកម៉ាលី។ កងទ័ពសម្ព័ន្ធមិត្ត​អឺរ៉ុប ដែលដឹកនាំដោយ​កងទ័ពបារាំង បាន​លើកឡើងនូវ​ឧបសគ្គ និង​ការបង្កបញ្ហាជាច្រើន ពី​សំណាក់​​របបសិក​ម៉ាលី ដើម្បី​រារាំងបេសកកម្មនេះ។ ដោយ​យោងលើហេតុ​ផលនេះ ក្រុមកងទ័ពសម្ព័ន្ធមិត្ត នឹងរួមគ្នាពិចារណារយៈពេល​២សប្តាហ៍ ដើម្បី​សម្រេចថាត្រូវធ្វើយ៉ាងណាបន្តទៀត ជាមួយ​នឹងបេសកកម្ម​បោសសំអាតក្រុមជីហាត នៅតំបន់សាហ៊ែលនេះ។