Samfélagið

Guðmundur Fertram Sigurjónsson forstjóri Kerecis: Kerecis framleiðir og vinnur með fiskroð sem er notað til að græða upp sár. Nýverið fór fyrirtækið í samstarf með egypsku sjúkrahúsi sem sérhæfir sig í sjúklingum með brunasár, en brunaslys er tíð í Egyptalandi vegna bágra aðstæðna og lélegs aðbúnaðar í eldhúsum. Magnús, Aron, Axel, Hákon, Huldar, Sæmundur, Ingi, Kristján, Leon, kennari og nemendur í Vélaverkfræði: Heimsókn í háskóla Íslands og rætt við nemendur í vélaverkfræði sem eru að kynna fjölbreytt verkefni, meðal annars sjálfvirkan blómapott, sjálfstýrandi seglbát og nýja tegund af vindmyllu Guðrún Línberg Guðjónsdóttir, málfarsráðgjafi RÚV: málfarsspjall, meðal annars um hvort það eigi að vera stór ö í Andrés Önd/önd.

Við setjumst niður með framkvæmdastjóra Jafnréttisstofu og tökum stöðuna á jafnlaunavottun - mál sem hefur verið lengi í framkvæmd - en hvað - klárast þetta verkefni aldrei? Katrín Björg Ríkharðsdóttir. Við ætlum svo að rölta um Akureyri með framkvæmdastjóra Vistorku. Guðmundur Haukur Sigurðarson. Málfarsmínútan. Guðrún Línberg Guðjónsdóttir. Vísindaspjall. Edda Olgudóttir.

Sérsveit Ríkislögreglustjóra hélt ásamt lögreglunni á höfuðborgarsvæðinu, Landhelgisgæslunni og fleirum mikla æfingu þar sem æfð voru viðbrögð við ímyndaðri hryðjuverkaógn. Runólfur Þórhallsson aðstoðaryfirlögregluþjónn. Orkukrísan í Evrópu er orðin grafalvarleg eftir innrás Rússa í Úkraínu - en hvernig bitnar þessi orkukrísa á hinum almenna Evrópubúa? Guðrún Arnbjörg Sævarsdóttir, efnisverkfræðingur og dósent hjá HR. Ný könnun bendir til þess að brunavarnir séu bara í nokkuð góðu lagi almennt á heimilum. Guðjón S. Guðjónsson hjá Landssambandi slökkviðliðs- og sjúkraflutningamanna.

Hver eru áhrif félagslegrar stöðu og ójöfnuðar á heilsufar? Margrét Ólafía Tómasdóttir formaður félags íslenskra heimilislækna. Refur beit fólk við þinghúsið í Washington á dögunum en sá reyndist smitaður af hundaæði. Hvað er það? Anna Karen Sigurðardóttir dýralæknir. Happdrætti Fjáreigendafélags Reykjavíkur 1956. Upptaka úr safni RÚV. Helga Lára Þorsteinsdóttir safnstjóri. Málfarsmínútan. Guðrún Línberg. Ruslarabb. Eiríkur Örn Þorsteinsson sérfræðingur hjá Sorpu.

Gunnar Geir Gunnarsson, Deildarstjóri Öryggis- og fræðsludeildar Samgöngustofu: Rýnt í Slysaskýrslu Samgöngustofu, samantekt frá síðasta ári þar sem eðli slysa í umferðinni er tekið saman og greint. Lena og Aníta, Roller Derby iðkendur: Svo kynnum við okkur áhugaverða íþrótt; Roller Derby, eða hjólaskautaat á íslensku. Við heimsækjum höfuðstöðvar íþróttafélagsins Roller Derby Iceland og keppnisliðsins Ragnaraka. Málfarsmínúta Guðný Vala Þorsteinsdóttir, örverusérfræðingur/ grjótætusérfræðingur/geimlíffræðingur kemur í dýraspjallið til okkar og segir frá hinum mögnuðu og lífseigu örverum.

Kristín Kröyer sérfræðingur hjá Umhverfisstofnun: Hvernig er bensínmengaður jarðvegur hreinsaður? Ráðgert er að hreinsa jarðveg á Hofsósi eftir að í ljós kom að bensíntankur neðanjarðar hafði lekið í langan tíma með þeim afleiðingum að hús í nágrenni hans urðu óíbúðarhæf. Það er ekki beinlínis hlaupið að því að laga svona mengun, en búið er að setja upp búnað til þess. Jónas P. Jónasson fiskifræðingur: Við heimsækjum Hafrannsóknastofnun og spjöllum við sérfræðing í atferli og félagslífi humra sem hefur notað hljóðmerki við rannsóknir sínar. Eiríkur Þorsteinsson sérfræðingur hjá Sorpu: ruslarabb um lyf, flokkun og förgun Stefán Gíslason með umhverfispistil þar sem hann rýnir í 6. stöðuskýrslu Milliríkjanefndar Sameinuðu þjóðanna um loftslagsbreytingar, eða, eins og skýrslan hefur verið kölluð: síðasta viðvörunin.

Hvernig á að jafna tækifærin þegar kemur að íþróttum og aðgengi barna að þeim? Dr. Ingi Þór Einarsson, íþróttafræði HR. Hvaða möguleikar felast í í sjálfbærri áburðarframleiðslu hér á land? Jónas Baldursson, verkefnisstjóri hjá Matís. Ruslarabb; flokkun raftækjar - Eiríkur Þorsteinsson sérfræðingur hjá Sorpu. Málfarsmínúta - Guðrún Línberg Guðjónsdóttir. Vísindaspjall um erfðamengi mannsins - Edda Olgudóttir.

Eldur Ólafsson forstjóri AEX gold námafyrirtækis: Íslenskur jarðfræðingur fer fyrir fer fyrir námafyrirtæki sem leitar að gulli á Grænlandi, og hefur fundið það - með ærnum undirbúningi. Hvernig og hvað gerist svo? Eldur fer yfir ferlið. Ólöf Guðný Geirsdóttir, dósent í næringarfræði: slendingar eru að eldast. Lífslíkur eru hér rúmlega áttatíu ár, sem er með því mesta í heimi og barn sem fæðist núna á mjög góðar líkur á að verða hundrað ára - og rúmlega það. Það er gott en því fylgja áskoranir fyrir samfélagið og mikilvægt að lífsgæði fólks séu tryggð. Við ætlum að forvitnast um stóra rannsókn við Háskóla Íslands sem miðar meðal annar að því að leita að lífstílsþáttum sem hafa áhrif á farsæla öldrun. Eiríkur Þorsteinsson í ruslarabbi dagsins um textíl. Páll Líndal umhverfissálfræðingur með pistil um margvísleg umhverfisáhrif vindorkuvera og vindmyllna.

Netárásir og tölvuglæpir tengjast stríðsrekstri Rússa í Úkraínu - Guðmundur Arnar Sigmundsson forstöðumaður Netöryggissveitarinnar Cert-Ís. Um helgina fór fram skátaþing á Bifröst og þar var kjörinn nýr skátahöfðingi - Harpa Ósk Valgeirsdóttir skátahöfðingi ræðir um skátastarf. Málfarsmínútan - Anna Sigríður Þráinsdóttir málfarsráðunautur. Við ræðum um leigumarkaðinn við Kolbrúnu Örnu Villadsen lögfæðingur leigjendaaðstoðar Neytendasamtakanna.

Ásgrímur Sverrisson ritstjóri Klapptrés: Á sama tíma og við höfum aldrei horft meira á bíó og þætti hefur áhorf á Óskarsverðlaunahátíðina dregist verulega saman síðastliðin ár. En hvað veldur? Rússlandi var á dögunum vikið úr Evrópuráðinu vegna innrásarinnar í Úkraínu og er því ekki lengur aðili að Mannréttindasáttmála Evrópu. Við sláum á þráðinn til Hildar Hjörvar í Strassborg þar hún starfar sem lögfræðingur við Mannréttindadómstólinn. Hún ætlar að segja okkur frá þessum vendingum og hvaða þýðingu þær hafa. Málfarsmínúta Guðríður Gyða Eyjólfsdóttir sveppafræðingur kemur í Dýraspjallið og segir okkur frá sveppum sem nærast á keratíni og hafa lagst á dýr og valdið miklum óskunda.