SBS Khmer - SBS ខ្មែរ

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អ្នកនៅរស់រានមានជីវិតតែម្នាក់គត់ពីឧប្បត្តិហេតុធ្លាក់យន្តហោះ Air India រៀបរាប់ពីពេលកើតហេតុ។ ** អ៊ីស្រាអែលវាយប្រហាររដ្ឋធានីអ៊ីរ៉ង់ និងប្រកាសដាក់ប្រទេសក្នុងគ្រាអាសន្ន។ ** ប៉ូលិសញូសៅវែល ចាប់ខ្លួនបុរសប្រាំនាក់ បន្ទាប់ពីការបាញ់ប្រហារជាសាធារណៈមួយនៅកណ្តាលថ្ងៃចែស ក្នុងទីក្រុងស៊ីដនី។

កាលពីយប់ថ្ងៃទី១២ ខែមិថុនា ឆ្នាំ២០២៥ នេះ លោកនាយករដ្ឋមន្ត្រី ហ៊ុន ម៉ាណែត បានប្រកាសតាមបណ្តាញសង្គម ដើម្បីឆ្លើយតបទៅនឹងការគំរាមរបស់ក្រុមជ្រុលនិយមថៃ ដែលចង់ផ្តាច់ភ្លើងអគ្គិសនី និងអ៊ិនធឺណិន ដល់កម្ពុជា។ លោកនាយករដ្ឋមន្ត្រី ហ៊ុន ម៉ាណែត បានប្រកាសថា «ដើម្បីកុំឲ្យវែងឆ្ងាយ ឬបង្កការលំបាកសម្រាប់ភាគីថៃ ក្នុងការសម្រេចកាត់ ឬមិនកាត់ ឬកាត់ពេលណានោះ កម្ពុជាបានសម្រេចចិត្តធានាការផ្គត់ផ្គង់អគ្គិសនី និងអ៊ីនធឺណិតដោយខ្លួនឯង»។

ក្រុមអង្គការសង្គមស៊ីវិលចំនួន ៧ស្ថាប័ន ដែលរួមមាន មជ្ឈមណ្ឌលសិទ្ធិមនុស្សកម្ពុជា (CCHR) សមាគមការពារសិទ្ធិមនុស្ស និងអភិវឌ្ឍន៍នៅកម្ពុជា ហៅកាត់ថា អាដហុក (ADHOC) សម្ព័ន្ធខ្មែរជំរឿន និងការពារសិទ្ធិមនុស្ស លីកាដូ (LICADHO) មជ្ឈមណ្ឌលសម្ព័ន្ធភាពការងារ និងសិទ្ធិមនុស្ស (សង់ត្រាល់) អង្គការសមធម៌កម្ពុជា (EC) និងអង្គការសមាគមធាងត្នោត បានចេញសេចក្តីថ្លែងការណ៍រួមគ្នា កាលពីថ្ងៃ១១ ខែមិថុនា ឆ្នាំ២០២៥ ពាក់ព័ន្ធទៅនឹងកញ្ញា សេង ធារី អតីតថ្នាក់ដឹកនាំអង្គការសង្គមស៊ីវិល និងជាសកម្មជននយោបាយគណបក្សជំទាស់ បានធ្វើកូដកម្ម បង្អត់អាហារខ្លួនឯង ក្នុងពន្ធនាគារ រយៈពេល ១៤ថ្ងៃចាប់ពីថ្ងៃទី១ ដល់ថ្ងៃទី១៤ ខែមិថុនា ឆ្នាំ២០២៥។ ការបង្អត់អាហារនេះ ជាលើកទី៤ របស់កញ្ញា សេង ធារី។

According to the United Nations, governments around the world are struggling to counter hate speech. - យោងតាមអង្គការសហប្រជាជាតិ រដ្ឋាភិបាលជុំវិញពិភពលោកកំពុងតស៊ូប្រឆាំងនឹងពាក្យសំដីស្អប់ខ្ពើម។

** អូស្ត្រាលីកំពុងបន្ធូរបន្ថយការព្រួយបារម្ភអំពីអនាគតរបស់ Aukus **កាលបរិច្ឆេទត្រូវបានកំណត់សម្រាប់ការបោះឆ្នោតនៅរដ្ឋថាសម៉ាញៀ។ ** នាយកប្រតិបត្តិនៃ Monash IVF បានលាលែងពីតំណែង បន្ទាប់ពីមាន ករណីទីពីរនៃកំហុសដែលពាក់ព័ន្ធនឹងការផ្ទេរអំប្រ៊ីយ៉ុង។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** មនុស្ស ១១នាក់ស្លាប់ រួមទាំងអ្នកវាយប្រហារនៅក្នុងការបាញ់ប្រហារនៅសាលារៀនមួយនៅប្រទេសអូទ្រីស។ ** បម្រាមគោចរបានប្រកាសនៅទីក្រុង Los Angeles បន្ទាប់ពីមានការតវ៉ាអស់ជាច្រើនថ្ងៃ។ ** ក្រុមហ៊ុន Qantas បានប្រកាសថាខ្លួននឹងបិទ Jetstar Asia នៅចុងខែកក្កដា។

យុវជនម្នាក់ ឈ្មោះ អែម ពិសិដ្ឋ ដែលជាសកម្មជនគណបក្សប្រឆាំង និងជាប្រធានបណ្តាញយុវជនកម្ពុជាសកល ប្រចាំប្រទេសថៃ បានថតសម្តែងដោយស្លៀកពាក់ឯកសណ្ឋានកងទ័ពកម្ពុជា ហើយត្រូវបានថ្នាក់ដឹកនាំកំពូលៗកម្ពុជា លោកហ៊ុនសែន លោកហ៊ុនម៉ាណែត ប្រតិកម្ម និងថ្កោលទោស ដោយលើកឡើងថា យុវជននោះ ក្លែងខ្លួនជាទាហាន ហើយផ្សព្វផ្សាយព័ត៌មានមិនពិត ក្នុងខ្លឹមសារញុះញង់រើសអើង ដើម្បីបំបាក់ទឹកចិត្តកងទ័ពកម្ពុជា និងធ្វើឱ្យសាធារណជន មានការយល់ច្រឡំ ខណៈពេលកម្ពុជា កំពុងមានជម្លោះព្រំដែនជាមួយប្រទេសថៃ។

រាជរដ្ឋាភិបាលកម្ពុជា បានសម្រេចបង្កើតគណៈកម្មការរៀបចំឯកសារ ដើម្បីប្តឹងទៅតុលាការយុត្តិធម៌អន្តរជាតិ លើករណីតំបន់មុំបី ប្រាសាទ តាមាន់ធំ ប្រាសាទតាមាន់តូច និងប្រាសាទតាក្របី។ សេចក្តីសម្រេចបង្កើតគណៈកម្មការនេះ ត្រូវបានលោកនាយករដ្ឋមន្ត្រី ហ៊ុន ម៉ាណែត ចុះហត្ថលេខា កាលពីថ្ងៃទី៦ ខែមិថុនា ឆ្នាំ២០២៥ និងទើបត្រូវបានគេផ្សព្វផ្សាយ កាលពីល្ងាចថ្ងៃទី១០ ខែមិថុនា ឆ្នាំ២០២៥។

នៅប្រទេសអូស្ត្រាលី អ្នកត្រូវបានបង្ខំឱ្យសន្សំប្រាក់មួយចំនួននៃប្រាក់ចំណូលរបស់អ្នកនៅក្នុងអ្វីដែលគេហៅថាប្រាក់សោធននិវត្តន៍ ឬហៅកាត់ខ្លីថាជាប្រាក់ស៊ុបភើរ។ ការផ្លាស់ប្តូររបស់រដ្ឋាភិបាលបក្សលេប័រចំពោះវិធីដែលប្រាក់សោធននិវត្តន៍ ឬប្រាក់ស៊ុបភើរនឹងត្រូវបង់ពន្ធ បានបង្កឱ្យមានចលាចលនៅក្នុងផ្នែកខ្លះនៃសហគមន៍។ គោលនយោបាយនេះមិនមែនជារឿងថ្មីទេ ដូច្នេះតើអ្វីទៅជាបញ្ហាធំនៅពេលនេះ? ហើយតើការផ្លាស់ប្តូរទាំងនេះមានន័យយ៉ាងណា?

** លោកនាយករដ្ឋមន្ត្រីរងសម្ពាធចំពោះចំណាត់ការលើករណីដែលអ្នកកាសែតអូស្រ្តាលីត្រូវប៉ូលិសអាមេរិកបាញ់ដោយគ្រាប់កៅស៊ូ។ ** សេចក្តីអំពាវនាវឱ្យស្ត្រីបន្តពិនិត្យសុខភាព បន្ទាប់ពីអភិបាលរងនៃរដ្ឋញូសៅវែល ធ្វើរោគវិនិច្ឆ័យថាមានជំងឺមហារីក។ ** ប៉ូលិសបានកំចាត់បណ្តាញលាងលុយកខ្វក់ដែលចោទប្រកាន់ថា គ្រប់គ្រងដោយក្រុមហ៊ុនសន្តិសុខដោយប្រើប្រាស់សេវាកម្មរថពាសដែក។