SBS Khmer - SBS ខ្មែរ

** អូស្ត្រាលី ខិតកាន់តែជិតទៅរកកិច្ចព្រមព្រៀងពាណិជ្ជកម្មសេរីជាមួយអឺរ៉ុប។ ** អូស្ត្រាលីសង្ឃឹមថានឹងដើរតាមផ្លូវរបស់ចក្រភពអង់គ្លេស បន្ទាប់ពីលោកដូណាល់ត្រាំ ផ្តល់ការលើកលែងការបង្កើនពន្ធទ្វេដង លើដែកថែប និងអាលុយមីញ៉ូម។ ** សកម្មជនបរិស្ថានបានស្ទាក់ចាប់ប្រតិបត្តិការនេសាទខុសច្បាប់ នៅឆ្នេរសមុទ្រនៃប្រទេសអូស្ត្រាលី និងដោះលែងសត្វសមុទ្រជាង10ក្បាល។

ឆ្នាំ 1975 គឺជាពេលវេលានៃការផ្លាស់ប្តូរនយោបាយពិភពលោក។ ភាពភ័យរន្ធត់នៃរបបប្រល័យពូជសាសន៍ ប៉ុល ពត ការបញ្ចប់នៃសង្រ្គាមវៀតណាម ខណៈដែលនៅប្រទេសអូស្ត្រាលីមានការបណ្តេញរដ្ឋាភិបាលលោក Whitlam នៃគណបក្សលេប័រចេញពីតំណែង។ វាក៏ជាពេលដែលប្រទេសអូស្ត្រាលីកំពុងផ្លាស់ប្តូរយ៉ាងឆាប់រហ័ស ទៅក្នុងសង្គមពហុវប្បធម៌ដែលយើងឃើញនាពេលបច្ចុប្បន្ននេះ ស្របពេលជាមួយនឹងកំណើតនៃកម្មវិធីផ្សាយពហុភាសារបស់ប្រទេសនេះ នោះគឺ SBS។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** វិស្វករអូស្ត្រាលីមួយរូប ត្រូវបានដោះលែងពីពន្ធនាគារនៅក្នុងប្រទេសអ៊ីរ៉ាក់។ ** ឥណ្ឌូណេស៊ី និងអូស្ត្រាលីនឹងធ្វើសមយុទ្ធយោធារួមគ្នា នៅលើកោះយុទ្ធសាស្រ្ត ភាគខាងកើត ក្នុងប្រជុំកោះ។ ** អូស្ត្រាលីកំពុងពិចារណាអនុញ្ញាតឱ្យមានការនាំចូលសាច់គោពីសហរដ្ឋអាមេរិក។

រាជរដ្ឋាភិបាលកម្ពុជា បានប្រកាសពីការបញ្ជូនវិវាទតំបន់ព្រំដែន នៅតំបន់មុំបី ប្រាសាទតាមាន់ធំ ប្រាសាទតាមាន់តូច និងប្រាសាទតាក្របី ទៅកាន់តុលាការយុត្តិធម៌អន្តរជាតិ ICJ នៅទីក្រុងឡាអេ រួចហើយ កាលពីថ្ងៃទី២ ខែមិថុនា ឆ្នាំ២០២៥។ តាមសេចក្តីថ្លែងការណ៍ បញ្ហាព្រំដែននៅតំបន់ទាំង ៤នេះ មិនត្រូវបានដាក់បញ្ចូលក្នុងរបៀបវារៈ នៃកិច្ចប្រជុំនៃគណៈកម្មការចម្រុះខណ្ឌសីមា និងបោះបង្គោល ព្រំដែនគោកកម្ពុជា-ថៃ (JBC) ដែលគ្រោងធ្វើ នៅថ្ងៃទី១៤ ខែមិថុនា ឆ្នាំ២០២៥ នៅរាជធានីភ្នំពេញ នោះទេ។

ស្នងការនគរបាលរាជធានីភ្នំពេញ បានប្រកាសថា ការចាប់ខ្លួនលោក ឌឿន ឆាន ចៅសង្កាត់រងទី២នៃសង្កាត់ស្ទឹងមានជ័យទី១ ខណ្ឌមានជ័យ មកពីគណបក្សភ្លើងទៀន គឺជាការអនុវត្តតាមដីការបស់អយ្យការអមសាលាដំបូងរាជធានីភ្នំពេញ។ ប៉ូលិសរាជធានីភ្នំពេញ ទទួលបានពាក្យបណ្តឹងរបស់ឈ្មោះ ឡេង វ៉ាន់ឌី ដែលបានប្តឹងចោទថា លោក ឌឿន ឆាន បានប្រព្រឹត្តសកម្មភាពក្លែងបន្លំឯកសារសាធារណៈ។ ចំណែកគណបក្សភ្លើងទៀន ចាត់ទុកសកម្មភាពចាប់ខ្លួនសកម្មជនរបស់ខ្លួននេះ ថាមានគោលបំណងរារាំងការធ្វើសកម្មភាពនយោបាយស្របច្បាប់របស់សកម្មជនគណបក្សភ្លើងទៀន នៅទូទាំងប្រទេស។

** អភិបាលរដ្ឋថាសម៉ាញៀសារភាពថា ការបោះឆ្នោតបន្ទាន់អាចនឹងមាននៅលើសន្លឹកបៀរ។ ** កំណើនសេដ្ឋកិច្ចអូស្ត្រាលីបានធ្លាក់ចុះមកត្រឹម ០,២ ភាគរយក្នុងរយៈពេល ៣ ខែដំបូងនៃឆ្នាំនេះ។ ** លោកដូណាល់ ត្រាំ ចុះហត្ថលេខាលើសេចក្តីប្រកាសមួយ ដែលរារាំងប្រជាជនពីប្រទេសជាងដប់មិនឱ្យចូលសហរដ្ឋអាមេរិក។

រដ្ឋាភិបាលរដ្ឋវិចថូរៀបានប្រកាសនូវកញ្ចប់ថវិកាសម្រាប់ឆ្នាំ២០២៥-២៦ ដែលរដ្ឋាភិបាលអះអាងថាដើម្បីជួយសម្រួលដល់ថ្លៃចំណាយលើការរស់នៅរបស់ប្រជាជនក្នុងរដ្ឋនេះ។ តើកញ្ចប់ថវិកានេះផ្តល់ប្រយោជន៍អ្វីខ្លះដល់សហគមន៍ខ្មែរយើង សូមស្តាប់បទសម្ភាសន៍ជាមួយលោក តាក់ ម៉េងហ៊ាង សមាជិកសភាតំបន់ក្លារីនដា។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ញត្តិគ្មានទំនុកចិត្តបានដាក់ឡើងប្រឆាំងនឹងអភិបាលរដ្ឋថាសម៉ាញៀ ** គណបក្សសម្ព័ន្ធបង្កើនការប្រឆាំងរបស់ខ្លួន ចំពោះការផ្លាស់ប្តូរដែលបានគ្រោងទុក របស់រដ្ឋាភិបាលបក្សលេប័រ ចំពោះការយកពន្ធលើសមតុល្យប្រាក់ស៊ុបភើរលើសពី 3 លានដុល្លារ។ ** លោក Lee Jae-myung ជាប្រធានាធិបតីថ្មីរបស់កូរ៉េខាងត្បូង។

ក្នុងពិធីបិទសមាជរដ្ឋសភា និងព្រឹទ្ធសភា កាលពីល្ងាចថ្ងៃទី៣ ខែមិថុនា លោកនាយករដ្ឋមន្ត្រី ហ៊ុន ម៉ាណែត បានប្រកាសជាថ្មីពីការព្យាយាមសម្របសម្រួល ដោះស្រាយទ្វេភាគីជាមួយថៃ លើបញ្ហាព្រំដែន តែបើមិនឯកភាពគ្នា លោកថា កម្ពុជា នឹងប្តឹងជាឯកតោភាគី ទៅតុលាការយុត្តិធម៌អន្តរជាតិ ICJ។

A free, independent and diverse press is a fundamental pillar of democracy. Australia has two taxpayer-funded networks that serve the public interest (ABC and SBS), plus a variety of commercial and community media outlets. Although publicly funded media receives money from the government, it is unlike the state-sponsored outlets found overseas. - សេរីភាពសារព័ត៌មាន និងទិដ្ឋភាពប្រព័ន្ធផ្សព្វផ្សាយចម្រុះ គឺជាសសរស្តម្ភនៃលទ្ធិប្រជាធិបតេយ្យ។ ប្រទេសអូស្រ្តាលីមានប្រព័ន្ធផ្សព្វផ្សាយសាធារណៈចំនួនពីរ ដែលទទួលបានមូលនិធិពីប្រាក់ចំណូលពន្ធ នោះគឺជាសាជីវកម្មផ្សព្វផ្សាយអូស្ត្រាលី (ABC) និងសេវាកម្មផ្សព្វផ្សាយពិសេស (SBS) គួបផ្សំជាមួយនឹង ប្រព័ន្ធផ្សព្វផ្សាយពាណិជ្ជកម្មរបស់ក្រុមហ៊ុនឯកជន និងបណ្តាញដែលឧបត្ថម្ភដោយសហគមន៍ ។ ទោះបីជាប្រព័ន្ធផ្សព្វផ្សាយសាធារណៈទទួលថវិកាពីរដ្ឋាភិបាល តែវាមិនដូចប្រព័ន្ធផ្សព្វផ្សាយរដ្ឋដែលគេឃើញនៅបរទេសទេ។