SBS Tigrinya - ኤስ.ቢ.ኤስ ትግርኛ

ኤርትራ መገዲ ኣየር ኢትዮጵያ ናብ ኣስመራ ዘካይዶ በረራ ከቋርጽ ከም ዝወሰነት ኣፍሊጣ። ኤርትራ ሱዳናዊ ዲፕሎማት ካብታ ሃገር ክወጽእ ከም ዝኣዘዘት ተሓቢሩ። ማእኸላይ ኮምሽን ቁፅፅር ህወሓት ካብቲ ክካየድ ዝሕሰብ ዘሎ ጉባኤ ኣባላቱ ከም ዝሰሓቡ ኣፍሊጡ። ምክትል ቀዳማይ ሚኒስተር ማይክል ማርቲንን ኣምባሳደር ኣብ ኢትዮጵያን ሃገረ ኣየርላንድ ኣብ ኣዲስ ኣበባ ንጉዳይ ትግራይ ዘትዮም። ላዕለዋይ ወተሃደራዊ ኣዛዚ ፋኖ ናብ መንግስቲ ኢዱ ሂቡ ኣብ ደቡብ ኢትዮጵያ ብምህማም መሬት ልዕሊ 200 ዜጋታት ምይቶም።እዚ ልኡኽና ዝሰደዶ ኣርእስታት ዜና እዩ፡

ንሎሚ - 24ሓምለ 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ ኣርእስታት ዜና፥ ሓድሽ መዐቀኒ ድምጺ ህዝቢ ከም ዝሕብሮ ምክትል ፕረዚደንት ኣመሪካ ካማላ ሃሪስ ኣብ ልዕሊ ዶናልድ ትራምፕ ብክልተ ሚእታዊት መሪሓ ። ጉጅለ ስፖርት እስራኤል ኣብ ኦሎምፒክ ፓሪስ ከይሳተፍ ጻዊዒት ቀሪቡ። ሓይልታት ጸጥታ ኡጋንዳ ብሰሉስ ንሓያሎ መንእሰያት ኣብ ትሕቲ ቀይዲ ከምዘእተዉ ሓደ ጉጅለ ተጣባቒ መሰላት ገሊጹ።

ዶ/ር ፍጹም ሰመረ ወልደጊዮርጊስ ምስ ዕደና ተፈጥሮኣዊ ሃብትታት፣ ትሕተ ቅርጽን ልምዓት ኢንዱስትሪታትን ዝተኣሳሰሩ ወሲኽካ ጽልዋታት ቁጠባዊ ንጥፈታት ኣብ ዘላቒ ሰብኣዊ ምዕባለ ዘተኲር ክኢላ ስነቁጠባን ማሕበራዊ ህይወት ዘጽንዕን’ዩ። ንሱ ብማዕድን ሃብታማት ዝኾና ሃገራት ምትእስሳራት ጽላት ዕደና ምስ ካልኦት ጽላታት ንቁጠባዊ ለውጢ ክጥቀማሉ ዘሎ ተኽእሎን፣ ነዚ ኣብ ምዕዋቱ ሓንጸጽቲ ፖሊሲን ካልኦት ኣብ ኢንዱስትሪ ዝዋስኡ ዘለዎም ተራን፣ ዘካይዶ መጽናዕትን ዘበርከቶ ስራሕን ብደረጃ ዓለም ተፈላጥነት ኣለዎ። ዶክተር ፍጹም ናብ ብዙሓት ሃገራት ብምጋሽ ንዕደና ዝምልከቱ ፖሊሲታት ኣብ ምሕንጻጽ ሓጊዙ፣ መደባት ዕዮ ኣጣይሱን ኣገልግሎት ምኽሪ ሂቡን’ዩ። ኣብ’ዚ 3ይ ክፋል ዕላል፡ ብዛዕባ ናብዚ ዘለዎ ደረጃ ትምህርትን ስራሕን ክበጽሕ ዝሓለፎ መስርሓት ገሊጹ ኣሎ።

ስርዓተ ሕጊ ኣውስትራሊያ ፍትሒ ንምርግጋጽን መሰላት ዜጋታታ ንምሕላውን ተባሂሉ ዝተገብረ ዝተሓላለኸ ቅርጺ እዩ ። ኣውስትራልያ ከም ፈደረሽን ፡ ሽዱሽተ ግዝኣታትን ክልተ ክልላትን ትሓቍፍ ፣ ነፍሲ ወከፍ ግዝኣታ ድማ ናይ ገዛእ ርእሳ መንግስትን ሓጋጊ ኣካልን ስርዓተ-ቤት ፍርድን ዘለዋ ኰይና ፡ ጐድኒ ጐድኒ ናይ ሓባራዊ ኃብቲ (ፌደራላዊ) ስርዓታት ኰይና ትዓዪ ። ኣብዚ ናይ ሎሚ ምንባር ኣውስትራሊያ ትሕዝቶ እዚ ፡ እዚ ስርዓት ብኸመይ ከም ዝዓዪን ሕጋዊ ሓገዝ ንምርካብ ዘሎ ኣማራጺታትን ክንርኢ ኢና ።

ንሎሚ 23 ሓምለ 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ፡ ቱርኪየ ሓይሊ ባሕራ ናብ ሶማሊያ ትልእኽ። ተወሰኽቲ ኣባላት ዴሞክራት ነቲ ሰልፊ ንምምራሕ ን ምክትል ፕረሲደንት ኣመሪካ ካመላ ሃሪስ ይድግፉ ኣለዉ ። ኣብ ደቡባዊ ኢትዮጵያ ብዘጋጠመ ክልተ ናይ ውሕጅ ሓደጋ ፡ ካብቲ ጭቃ ብውሕዱ 50 ሬሳ ክወጽእ ተኻኢሉ ።

ንሎሚ ሰኑይ 22 ሓምለ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ኣብዚ ረፍዲ ዝበዝሓ ማዕከናት ዓለምጎኒ ንጎኒ እቲ ፕረሲደንት ኣመሪካ ጆ ባይደን ካብ ዉድር ምርጫ ምስሓቡ ታሪኻዊ ዓወት ብንያም ግርማይ ኣብ ዙር ፈረንሳ ዓብሊሉ ዘሎ ኣርእስተ ዜና ኮይኑ ኣሎ። ነዚ ዓወት ኣብ ዜናናን ኣብ ሰሙናዊ መደብ ስፖርትን ክንጥምቶ ኢና። ልኡኽና ዝሰደደልና ጸብጻብ፡ ፕረዚደንት ጌታቸው ረዳ ንኤርትራዊ ቢንያም ግርማይ፡ ናይ ታሕጓስ መልእኽቲ ኣመሓላሊፉ ኣሎ። ኣስታት 15-ሽሕ ተመዛበልቲ ትግራይ ናብ መንበሪኦም ምምላሶም ተገሊጹ ኮሌጅ ምህንድስናን ቴክኖሎጂን ማይ-ነፍሒ፡ 381 ተመሃሮ ኣመሪቑ። ኣብ ጐንደር ‘ዕጡቓት ፋኖ’ ፈጺሞምዎ ዝተባህለ መጥቃዕቲ ሞትን ምዝንባል ልዕሊ 10 ሽሕ ነበርትን ኣስዒቡ ዝብሉን ካልእን ዝሓዘ ጸብጻብ ል ኡኽና ክቐርብ እዩ። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ኣብ ኢትዮጵያ ክልል ኣምሓራ ዝርከብ መዓስከር ስደተኛታት ዝነብሩ ኤርትራዊያን ስደተኛታት ቅትለትን ካልእ ከቢድ ጸገማትን የሕልፉ ኣለዉ። ብዛዕባ'ዞም ረዳኢ ስኢኖም ዝሳቐዩ ዘለዉ ኩነታቶም ዝከታተል ዘሎ ሃብተኣብ የማነ ካብ "ሕያዋይ ሳምራዊ" ብፍላይ ኣብዚ ቅንያት ዝተፈጸመ ቅትለት ገሊጹልና ኣሎ። ኣርእስታት ዜና፥ ጂ ባይደን ካብ ዉድድር ንፕረሲደንትነት ስሒቡ፡ ንምክትሉ ካሜላ ሃሪስ ክትትክኦ መዚዙ። ኣውስትራሊያ ምስቲ እናበዝሐ ዝኸይድ ዘሎ ህዝባ ዝመጣጠን እኹል ኣባይቲ ኣይትሃንጽን ዘላ ተባሂሉ ። እስራኤል ፡ ካብ የመን ዝተወንጨፈ ሚሳይል ከምዘፍሸለቶ ገሊጻ ። ኣብዚ ረፍዲ ዝበዝሓ ማዕከናት ዓለምጎኒ ንጎኒ እቲ ፕረሲደንት ኣመሪካ ጆ ባይደን ካብ ዉድር ምርጫ ምስሓቡ ታሪኻዊ ዓወት ብንያም ግርማይ ኣብ ዙር ፈረንሳ ዓብሊሉ ዘሎ ኣርእስተ ዜና ኮይኑ ኣሎ። ነዚ ዓወት ኣብ ዜናና ተንጸባሪቑ ኣሎ።

ኣርእስታት ዜና፥ ጂ ባይደን ካብ ዉድድር ንፕረሲደንትነት ስሒቡ፡ ንምክትሉ ካሜላ ሃሪስ ክትትክኦ መዚዙ። ኣውስትራሊያ ምስቲ እናበዝሐ ዝኸይድ ዘሎ ህዝባ ዝመጣጠን እኹል ኣባይቲ ኣይትሃንጽን ዘላ ተባሂሉ ። እስራኤል ፡ ካብ የመን ዝተወንጨፈ ሚሳይል ከምዘፍሸለቶ ገሊጻ ። ኣብዚ ረፍዲ ዝበዝሓ ማዕከናት ዓለምጎኒ ንጎኒ እቲ ፕረሲደንት ኣመሪካ ጆ ባይደን ካብ ዉድር ምርጫ ምስሓቡ ታሪኻዊ ዓወት ብንያም ግርማይ ኣብ ዙር ፈረንሳ ዓብሊሉ ዘሎ ኣርእስተ ዜና ኮይኑ ኣሎ። ነዚ ዓወት ኣብ ዜናና ተንጸባሪቑ ኣሎ።

ሰሙናዊ መደብ ስፖርት (22/07/2024) * ኤርትራዊ ቢንያም ግርማይ ቀጠልያ ማልያ ለባሲ ዝኾነሉ ምድብ ናይ ነጥቢ መሪሑ ዝተዓወተሉን ሰለስተ መድረኻዊ ዓወታት ዘመዝገበሉን ታሪኻዊ ቅድድም ብሽግለታ ዙር ፈረንሳ 2024 ሰንበት ተዛዚሙ፣ * ንኢትዮጵያ ወኪሎም ኣብ ኦሎምፒክስ ፓሪስ ዝሳተፉ ኣትሌታት ዝሓለፈ ሰሙን ስሞም ድሕሪ ምግላጹ ፈደረሽን ኣትለቲክስ ኢትዮጵያ ብገለ ካብ’ቶም ዘይተመርጹ ኣትሌታት ነቐፌታታት ይቐርብሉ፣ * ኦሎምፒክስ ፓሪስ 2024 ብዙሓት ስክፍታታት ኣብ ልዕሊኡ ተፈጢሮም እናሃለዉ ዝመጽእ 26 ሓምለ ክኽፈት እዩ፣

ኣስታት 15-ሽሕ ተመዛበልቲ ትግራይ ናብ መንበሪኦም ምምላሶም ተገሊጹ። ኮሌጅ ምህንድስናን ቴክኖሎጂን ማይ-ነፍሒ፡ 381 ተመሃሮ ኣመሪቑ። ኣብ ትግራይ ድማ ኮሌጅ ኢትዮ ሌንስ ካብ ዲፕሎማ ክሳብ ማስተርስ ዘሰልጠኖም 1557 ተምሃሮ ኣመሪቑ። ኣብ ጐንደር ‘ዕጡቓት ፋኖ’ ፈጺሞምዎ ዝተባህለ መጥቃዕቲ ሞትን ምዝንባል ልዕሊ 10 ሽሕ ነበርትን ኣስዒቡ።

ኣብ ኢትዮጵያ ክልል ኣምሓራ ዝርከብ መዓስከር ስደተኛታት ዝነብሩ ኤርትራዊያን ስደተኛታት ቅትለትን ካልእ ከቢድ ጸገማትን የሕልፉ ኣለዉ። ብፍላይ ኣብዚ ቅሩብ እዋን መንነቶም ብዘይተፈልጠ ብዙሕ ቅትለት ይፍጸም ኣሎ። ብዛዕባ'ዞም ረዳኢ ስኢኖም ዝሳቐዩ ዘለዉ ኩነታቶም ዝከታተል ዘሎ ሃብተኣብ የማነ ካብ "ሕያዋይ ሳምራዊ" ብፍላይ ኣብዚ ቅንያት ዝተፈጸመ ቅትለት ገሊጹልና ኣሎ።