SBS Tigrinya - ኤስ.ቢ.ኤስ ትግርኛ

ኣብ ኢትዮጵያ፣ ክልል ኣምሓራ ኣብ ዝርከብ መዓስከር ኣለምዋጭ ተዓቝቦም ዝርከቡ ኤርትራውያን ስደተኛታት፣ ህይወቶምን ንብረቶምን ኣብ ሓደጋ ከምዘሎ ገሊጾም። ኣብ ኣዲስ ኣበባ ዝርኸብ ኤምባሲ ኣመሪካ ንሱዳናውያን፡ስደተኛታት ንምሕጋዝ ድልውነቱ ገሊጹ። ፕረዝደንት ጌታቸው ረዳ ኣብ ሱዳን መዕቆቢ ስደተኛታት ዝርከቡ ተጋሩ ሓለዋ ክግበረሎም ፀዊዑ።

ቅድድም ብሽግለታ ኤርትራ ብኸመይ ተበጊሱ’ዩ ኣብ’ዚ ደረጃ በጺሑ፧ እቶም ሰረት ዘንጸፉ በዓል መን’ዮም፧ እንታይ ዓይነት መሰናኽላት ተሓሊፎምን ወርቃውያን እዋናት ከ ኣየኖት’ዮምን ወዘተ ዝብሉ ኣብ ብዙሕ መድረኻት ተጻሒፎምን ተዓሊልሎምን እንተኾኑ’ኳ; ተቐዳዳማይን ኣሰልጣንን ዝነበረ ብቐረባ ነቲ ጉዕዞ ዝፈልጦን ዝነበሮን ኣብ ገሊኡ እውን ኣብ ገለ እዋን ንጡፍ እጃም ዝነበሮን፥ ከምኡ’ውን ‘ቅድድም ብሽግለታ ኣብ ኤርትራ 1936-2012’ ትብል መጽሓፍ ምስ ዝጸሓፈ ኣቶ መዋእል መሃንሾ ኣብ’ዚ ከዕልለና ዓዲምናዮ ኣለና። መዋእል ኣብ 2013 ሓላፊ ቴክኒክ ሃገራዊ ፌደረሽን ብሽክለታ ኤርትራ ከምኡ’ውን ካብ 2004 - 2014 ኣካያዲ ቅድድም ብሽክለታ 'ማውንቴይን ባይክ' ዝነበረ’ዩ፣ ድሕሪ ስደት ኣብ ኣዲስ ኣበባ ንሓንቲ ጋንታ ቅ/ብ ኤርትራውያን ስደተኛታት ኣሰልጢኑ ኔሩ። ቀዳማይ ክፋል ዕላል ኣብ'ዚ ኣለኩም።

ንሎሚ 3 ሓምለ 2024 ዝትዳለዉ ዜናታት ኤስ ቢ ኤስ ትግርኛ፡ ኣርእስታት: ኣብ መላእ ዓለም ዝርከቡ ኤርትራዊያን ብዓወት ቢንያም ግርማይ ሓጎሶምን ሓበኖምን ይገልጹ ኣለዉ። ሰራዊት እስራኤል ንፍልስጤማውያን ካብ መብዛሕትኡ ግዝኣት ክሃን ዪኒስ ክግዕዙ ኣዚዙ። ጆ ባይደን ካብ ዉድድር ምርጫ ኣመሪካ ክእለ ካብ ሰልፊ ደሞክራት ጻዊዒት ምቕራብ ጀሚሩ።

Observing the cultural protocols of Aboriginal and Torres Strait Islander peoples is an important step towards understanding and respecting the First Australians and the land we all live on. - ፕሮቶኮላት ህዝብታት ኣቦሪጂናልን ደሴታት መጻብቦ ቶረስን ናይ ኣውስትራክልያ ምኽታል ወይ ምዕዛብ ንልምዳውያን ወነንቲ ናይ'ዚ ኩላህና ንነብረሉ ዘለና መሬት ናብ ምርድኦምን ምኽባሮምን ዝወስድ ሓደ ኣገዳሲ ስጉምቲ'ዩ። እዚ ንኣውስትራልያ ዝገልጽ ትሕዝቶ መእተዊ ናብ ገለ ባህሪይና ክጸልዉ ዝኽእሉ ኣገደስቲ ፕሮቶኮላትን ቀዳሞት ኣውስትራልያውያን ዝውንንዎም ፍሉያት ፍልጠታትን ክብርታትን ኣኽብሮት ዝህብ'ዩ።

ሓጸርቲ ዜናታት ኤስቢኤስ ትግርኛ * ኤርትራዊ ቢንያም ግርማይ ኣብ ቅድድም ብሽግለታ ዙር ፈረንሳ መድረኻዊ ዓወት ዘመዝገበ ቀዳማይ ጸሊም ኣፍሪቃዊ ብምዃን ታሪኽ ሰሪሑ። * ፈደራላዊ መንግስቲ ኣውስትራልያ ብሰንኪ ምውንዛፍ ኣባልነት ሰነተር ፋጢማ ፐይማን ኣብ ዝመጽእ ምርጫ ኣሉታዊ ግብረመልሲ ኣድመጽቲ ኣይፈርሕን’የ ይብል፣ * ንመጻኢ ተመዲቡ ዘሎ እገዳ ኣብ ሰደድ ህያው ኣባጊዕ ቀልጢፉ ክተኣታቶ መጸዋዕታታት ቀሪቦም፡ * ኣብ ግጥማት ኮፓ ኣሜሪካን ዩሮ 2024ን ቦታታት ርብዒ ፍጻመ ንምውሳድ ዝካየዱ ጻዕርታት ብዕቱብ ቀጺሎም፣

ኣርእስታት ዜና፥ ወጻኢታት መነባብሮ ንምቕላል ዝሕግዝ ሓያሎ ስጕምትታት ፡ ካብ ሎሚ (1 ሓምለ) ፡ ኣብ ቀዳመይቲ መዓልቲ ፋይናንስያዊ ዓመት ክትግበር ክጅምር እዩ ። ፖለቲካ ሕሉፍ የማናይ ዝኽተሉ ሰልፍታት ናብ ፓርላማ ሃገራት ኣውሮጳ ይቀላቐሉ። ብሰንኪ ኲናት ዓዶም ሓዲጎም ዝተመዛበሉ ክልተ ሽሕ ነበርቲ ወረዳ ፀለምቲ ንዓዶም ከም ዝተመልሱ ተገሊጹ።

ጋዜጠኛ ካልድ ዓብዱ ኣብ ኤርትራን ኣብ ኢትዮጵያን ዘሎ ፖለቲካዊ ምዕባለታት ዝትንትን ነባሪ ሃገረ ሽወደን እዩ። ኣብ ኣውስትራሊያ ኣብ ዝበጽሓሉ ብዛዕባ ታሪኹን ዘካይዶም ንጥፈታትን ሰፊሕ ዕላል ኣካይድናሉ ኣለና። ኣብዚ ናይ ሎሚ ካልኣይ ክፋል ዕላል ኣብ ወጻኢ ሃገራት ዝሰርሖም ስርሓት፡ ምስ መንነቱ ዝተኣሳሰር ዝገጥሞ ብድሆታትን ዝህቦ ምላሽን ገሊጹ ኣሎ። ሳልሳይን ናይ መወዳእታ ክፋሉን ኣብዝመጽእ ክቐርብ እዩ።

ሰሙናዊ መደብ ስፖርት (01/07/2024) * ኣብ መበል 23 ውድድራት ሻምፒዮና ኣትለቲክስ ኣፍሪቃ ዝተሳተፈት ሃገራዊት ጋንታ ኢትዮጵያ ውድድራታ ፈጺማ ቀዳም ናብ ሃገራ ተመሊሳ፣ * ቅድድም ብሽግለታ ዙር ፈረንሳ ንፈለማ ግዜ ካብ ኢጣልያ ከተማ ፍሎረንስ ብምብጋስ ተጀሚሩ፣ ቢንያም ግርማይ መድረኻዊ ዓወት ዘመዝገበ ፈላማይ ኣፍሪቃዊ ንምዃን ይጽዕር፣ * ወይኒ ቀላቲ ኦሎምፒካዊት ኣትሌት ኣሜሪካ ክትከውን ዝነበራ ሕልሚ ተጋሂዱ፣ * ግጥማት ኣውዲቕካ ምሕላፍ ኩዕሶ እግሪ ዩሮ 2024 ተጀሚሮም፣ ጀርመን ኣንጻር ስፐይን፣ ስዊዘርላንድ ከኣ ኣንጻር እንግሊዝ ኣብ ርብዒ ፍጻመ ክገጥማ ምዃነን ኣረጋጊጸን፣

ንሎሚ ሰኑይ 1 ሓምለ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ጋዜጠኛ ካልድ ዓብዱ ኣብ ኤርትራን ኣብ ኢትዮጵያን ዘሎ ፖለቲካዊ ምዕባለታት ዝትንትን ነባሪ ሃገረ ሽወደን እዩ። ኣብ ኣውስትራሊያ ኣብ ዝበጽሓሉ ብዛዕባ ታሪኹን ዘካይዶም ንጥፈታትን ሰፊሕ ዕላል ኣካይድናሉ ኣለና። ኣብዚ ናይ ሎሚ ቀዳማይ ክፋል ዕላል ኣብ ኣስመራ ኣብዝነበረሉ እውዋን ብፍላይ ድማ ምስ ብሕታውያን ጋዜጣታት ዝተኣሳሰር ምስ ዘሕለፎ ኩነታት ኣልዒሉ ኣሎ። ኣብ ዝቕጽል መደባት፡ ምስ መንነቱ ዝተኣሳሰር ዝገጥሞ ብድሆታትን ዝህቦ ምላሽን ገሊጹ ኣሎ። ንሎሚ ዝገበርናዮ ዘተ ቀዳማይ ቀሪቡ ኣሎ። ልኡኽና ዝሰደደልና ጸብጻብ፡ ኣብ መንጎ ኤርትራን ኢጣልያን 'ቀጥታዊ ናይ ኣየር ርክብ' ንምጅማር ውጥን ከምዘሎ ተገሊጹ። ሚኒስትር ጉዳይ ወፃኢ ኢትዮጵያ ታዬ ኣፅቀስላሴ ምስ ልኡኽ ፓርላማ ጣልያን ዘትዩ። ሰሙናዊ መደብ ስፖርት፡ ካልእ ትሕዝቶን’ውን ክቐርብ’ዩ። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ወጻኢታት መነባብሮ ንምቕላል ዝሕግዝ ሓያሎ ስጕምትታት ፡ ካብ ሎሚ (1 ሓምለ) ፡ ኣብ ቀዳመይቲ መዓልቲ ፋይናንስያዊ ዓመት ክትግበር ክጅምር እዩ ። ፖለቲካ ሕሉፍ የማናይ ዝኽተሉ ሰልፍታት ናብ ፓርላማ ሃገራት ኣውሮጳ ይቀላቐሉ። ብሰንኪ ኲናት ዓዶም ሓዲጎም ዝተመዛበሉ ክልተ ሽሕ ነበርቲ ወረዳ ፀለምቲ ንዓዶም ከም ዝተመልሱ ተገሊጹ።

ኣብ መንጎ ኤርትራን ኢጣልያን 'ቀጥታዊ ናይ ኣየር ርክብ' ንምጅማር ውጥን ከምዘሎ ተገሊጹ። ሚኒስትር ጉዳይ ወፃኢ ኢትዮጵያ ታዬ ኣፅቀስላሴ ምስ ልኡኽ ፓርላማ ጣልያን ዘትዩ። ኣብ ኣምሓራ፡ ኣብ ውሽጢ ሰሙን ኣብ ክልተ ዞባታት ኣስታት 27 ሰባት ከምዝተቐትሉ ተሓቢሩ።