SBS Tigrinya - ኤስ.ቢ.ኤስ ትግርኛ

ንሎሚ ሓሙስ 21 መጋቢት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ምስ ኪኢላ ፋይናንስ መሓረና ይከኣሎ ካብ ዝገበርናዮ ቃለ መሕትት፡ ኣብ ናይ ቃለ መሕትት መደብና ከነቕርቦ ኢና። ኣብ መቐለ መኻናት ሰባት ውሉድ ዝረኽቡሉ ሕክምና ከም ዝተጀመረ ተገሊጹ። ንግዳዊ ባንክ ኢትዮጵያ፡ ክሳብ መወዳእታ ናይዚ ሰሙን ገንዘቡ ንዘይመለሱ ዓማዊል ብሕጊ ከምዝሓትት ኣፍሊጡ። ካልእን ዝሓዘ ጸብጻብ ል ኡኽና። ከምኡውን “ምርዳእ ብዛዕባ ጥፈሻ (bankruptcy): መን’ዩ ዝግብኦ፡ ትርጉሙ’ኸ እንታይ እዩ፧ዝድህስስ ሰሙናዊ መደብ ምባር ኣብ ኣውስትራሊያን ን ካልእ ዝተፈላለዩ ትሕዝቶታትውን ኣዳሊና ኣለና። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ቋንቋ እንግሊዝኛ ዝመልኩ ክኢላታት ቀልጢፎም ስራሕ ክረኽቡን ዝሓሸ ደሞዝ ክኽፈሉን ከምዝኽእሉ ተፈሊጡ። ኣብ ምብራቕ ፐርዝ ካብዝተላዕለ ባርዕ ብዙሕ ኣባይቲ ከምዝደሓነን መበገሲ ናይቲ ባርዕ ብጥርጣረ ከምዝጥምትዎን ሰበ-ስልጣን ኣፍሊጦም ። ውድብ ሕቡራት ሃገራት፣ ንኤርትራ ናይ15 ሚልዮን ዶላር ሓገዝ ሓንጺጹ።

ኣርእስታት ዜና፥ ቋንቋ እንግሊዝኛ ዝመልኩ ክኢላታት ቀልጢፎም ስራሕ ክረኽቡን ዝሓሸ ደሞዝ ክኽፈሉን ከምዝኽእሉ ተፈሊጡ። ኣብ ምብራቕ ፐርዝ ካብዝተላዕለ ባርዕ ብዙሕ ኣባይቲ ከምዝደሓነን መበገሲ ናይቲ ባርዕ ብጥርጣረ ከምዝጥምትዎን ሰበ-ስልጣን ኣፍሊጦም ። ውድብ ሕቡራት ሃገራት፣ ንኤርትራ ናይ15 ሚልዮን ዶላር ሓገዝ ሓንጺጹ።

ኣብ መቐለ መኻናት ሰባት ውሉድ ዝረኽቡሉ ሕክምና ከም ዝተጀመረ ተገሊጹ። ውድብ ሕቡራት ሃገራት፣ ንኤርትራ ናይ15 ሚልዮን ዶላር ሓገዝ ሓንጺጹ። ንግዳዊ ባንክ ኢትዮጵያ፡ ክሳብ መወዳእታ ናይዚ ሰሙን ገንዘቡ ንዘይመለሱ ዓማዊል ብሕጊ ከምዝሓትት ኣፍሊጡ። ኣብ ኢትዮጵያ ተጨውዮም ዝቐነዩ ስራሕተኛታት ክወጽኡ እናተጸብዩ ዳግም ተጨውዮም። ፊልድ ማርሻል ብርሃኑ ንዑደት ስራሕ ጁባ ኣትዩ

ንሎሚ 20 መጋቢት 2024 ዝተዳለዉ ሓጸርቲ ዜናታት ኣርእስታቶም፡ ካብ ፐርዝ ብሸነኽ ምብራቕ ተኸሲቱ ዘሎ ባርዕ ጫካ ኣብ ህይወት ሰባትን ኣባይትን ስግኣት ፈጢሩ። እስራኤል ኣብ ልዕሊ ራፋ መጥቃዕቲ ክትፍጽም ወጢናቶ ዘላ መደብ ደው ንምባል ፡ ካብ ፕረዚደንት ኣመሪካ ጆ ባይደን ንዝቐረበሉ ጻውዒት በንጃሚን ናታንያሁ ነቲ ነጺግዎ ። ስፖርታዊያን ሩስያውያንን ቤላሩሳውያንን ኣብ ፓሪስ ዝካየድ መኽፈቲ ስነ-ስርዓት ኦሊምፒክ ንኸይሳተፉ ተኣጊዶም።

ብዙሓት ሰባት ብሰንኪ ምጥፋሽ ገንዘብ (bankruptcy) ይሓፍሩን ይጭነቑን እኳ እንተ ኰኑ ፡ ካብ ፋይናንሲያዊ ጸገማት ንምንጋፍ ግና ዝበለጸ ስጕምቲ ክኸውን ይኽእል እዮ ። ዕዳኻ ኽትምሕድሮ እንተ ዘይክኢልካ ፡ ንዕዳኻ ናይ ጥፈሻ ወይ bankruptcy. ፋይል ክትከፍተሉ ትኽእል ኢኻ ። ሞያዊ ምኽሪ ብምርካብ ምጥፋሽ ወይ bankruptcy. እቲ ቅኑዕ ኣማራጺ ምዃኑን ሳዕቤናቱን ከም እትርድኦን እዩ ዝገብር ።

ኣቶ መሓረና ይከኣሎ ኣብ ኣመሪካ ኣማኻሪ ፋይናንስ እዩ። ኣብ ኣውስትራሊያ ኣብዝመጻሉ ብዛዕባ ኣብ ቢዝነስ ምንጣፍ፡ ኣገባብ ልቓሕን ምሕደራ ዕዳ፡ ምውናን ገዛን ካልእ ምስ ዋኒን ዝተኣሳሰር ትምህርታዊ ትሕዝቶ ኣካፊሉ ኣሎ። እዚ ቀሪቡ ዘሎ ቀዳማይ ክፋሉ ኮይኑ ኣብ መጻኢ ካልኣይ ክፋሉ ክቐርብ እዩ።

ንሎሚ 19 መጋቢት 2024 ዝተዳለዉ ሓጸርቲ ዜናታት ኣርእስታቶም፡ ትሮፒካዊ ሳይክሎን ወይ ኣውሎ ንፋስ ሜጋን ን ሰሜናዊ ምብራቕ ኣውስትራልያ ብቐጻሊ ይወቕዖ ኣሎ: ሓይልታት እስራኤል ነቲ ኣብ ቓዛ ዝርከብ ሆስፒታል ኣል-ሺፋ ብምውራር ፡ ብዙሕ ጕድኣት ኣውሪዶም ፡ መራሕቲ ምዕራባዊ ዓለም ፕረዚደንት ሩስያ ቭላድሚር ፑቲን ዳግማይ ብምምራጹ ይነቕፋ ቻይናን ኢራንን፤ ናይ እንቋዕ ሓጎሰካ መልእኽቲ ናብ ፕረሲደንት ፑቲን ይሰዳ።

ሶኑይ 18 መጋቢት 2024 ዝተፈነወ ምሉእ ትሕዝቶ ፖድካስት ኤስቢኤስ ትግርኛ - ዜና፣ ቃለመሕትት ምስ ግዝያዊ መራሒ ሓድሽ ኣብ ደገ ዝተመስረተ ሃገራዊ ሰልፊ ኤርትራ፣ ሓረጋት ቋንቋ እንግሊዝ እናደጋገምካ ዝምህር መደብ (መበል 11 ክፋል)፣ ጸብጻባት ዜና ካብ ልኡኽናን ሰሙናዊ መደብ ስፖርት ኤስቢኤስ ትግርኛን

ጉዳይ ደቡብን ምዕራብን ትግራይ ብህፁፅ ንክፍትሑ ኣብ ስምምዕ ተበፂሑ፣ ካቢኔ ግዝያዊ ምምሕዳር ትግራይ ኣማኻሪ ካውንስል ንምጥያሽ ዝቐረበ ረቂቕ ኣፅዲቑ፣ ፕረዚደንት ሶማልያ ሓሰን ሸኽ መሓመድ ናብ ኣስመራ ኣትዩ፣ ክልተ ኤርትራውያን ኣብ መስመር ኬንያ-ዩጋንዳ ብዘጋጠመ ሓደጋ መኪና ህይወቶም ሓሊፉ ዝብሉ ንሎሚ ንጽብጽቦም ዜናታት’ዮም::

ሰሙናዊ መደብ ስፖርት (18/03/2024) * ማራቶን ሲዮል ሰንበት ተኻይዱ ጀማል ይመርን ፍቅርተ ወረታን ተዓዊቶም፣ * ዮሚፍ ከጀልቻ ኣብ ውድድር 10ኪሜ ኣብ ታሪኽ ሳልሳይ ዝቐልጠፈ ግዜ ብምምዝጋብ ኣብ ስፐይን ተዓዊቱ፣ * ኣብ ርብዒ ፍጻመ ግጥማት ዩኤፋ ሻምፒዮንስ ሊግ ኣርሰናል ኣንጻር ባየርን ሙኒክ ማንቸስተር ሲቲ ኸኣ ኣንጻር ሪያል ማድሪድ ክገጥማ’የን፣ * ቢንያም ግርማይ ኣብ ቅድድም ብሽግለታ ሚላኖ-ሳንሬሞ ተሳቲፉ፣ * ኣብ ግጥማት ኣፍሪቃ ኤርትራ 6 መዳልያታት ወርቂ ዝርከቦም 13 መዳልያታት ኣዋህሊላ ሻምናይ ተርታ ሒዛ ኣብ ዝለዓሉ 10 ሃገራት ተሰሪዓ፣ * ግጥማት ዋንጫ ኤፍኤ ካፕ ዓዲ እንግሊዝ ሊቨርፑል ተገሊፋ ናብ ፍርቂ ፍጻመ ኣብ ዝበጽሓሉ ማንቸስተር ዩናይትድ ኣንጻር ኮቨንትሪ ሲቲ፣ ማንቸስተር ሲቲ ኸኣ ኣንጻር ቸልሲ ክገጥማ ምኻነን ተፈሊጡ፣