SBS Tigrinya - ኤስ.ቢ.ኤስ ትግርኛ

Listen to 'English on Repeat,' a podcast to help us improve our speaking skills: Will you come to the party? | I’m looking forward to the party. | I'm going to my friend’s for a barbecue. | I'll bring some chips and dips. | What will you bring? - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat' ስምዕዎ፡ ናብ'ቲ ድግስ (መደብ ምዝንጋዕ) ክትመጹ ዲኹም? | ነቲ ድግስ ብሃንቀውታ'የ ዝጽበዮ ዘለኹ። | ስጋ ክንጠብስ ናብ እንዳ ዓርከይ ክኸይድ'የ። | ኣነ ገለ ዝተጠብሰ ድንሽ (ቺፕስ)ን ዝጥማዕን ከምጽእ'የ። | ንስኹም'ከ እንታይ ከተምጽኡ ኢኹም፧?

ሰራሕተኛታት ምእላይ ኣረጋውያን ወይ ኤጅድ ኬይር ታሪኻዊ ዝኾነ ወሰኽ ኣብ ክፍሊት ወይ ደሞዝ የብዕሉ’ለዉ። ኮሚሽን ርትዓዊ ስራሕ ወይ ዘ ፈይር ዎርክ ኮሚሽን ብዝሃቦ ውሳነ ገለ ኣለይቲ ኣረጋውያን ደሞዞም ብ28% ክውስኸሎም’ዩ - እዚ ወሰኽ ዶንጊዩ ከማን ተባሂሉ ዝግለጽ ዘሎ’ዩ። እንተኾነ ግን ኩሎም ኣብ’ቲ ጽላት ዝተዋፈሩ ኣይኮኑን ናይ’ዚ ወሰኽ ተረጋሕቲ ዝኾኑ።

ንሎሚ ሓሙስ 14 ጥሪ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ምስ ግዚያዊ ኣቦወምበር ሓድሽ ሃገራዊ ሰልፊ ኤርትራ ኣቶ መርሃዊ ወልደሚካኤል ዝገበርናዮ ቃለ መሕትት። ብዛዕባ ምማት ኣዛዚ ሓይሊ ባሕሪ ኤርትራ ሜ/ ጀነራል ሑመድ መሓመድ ካሪካሬ ካልእን ዝሓዘ ጸብጻብ ልኡኽና። ኣብ ሃይቲ ተፈጢሩ ዘሎ ኩነታት ዝድህስስ ትንታነ ዜና ን ካልእ ዝተፈላለዩ ትሕዝቶታትውን ኣዳሊና ኣለና። ኣርእስታት ዜና፥ ዝለዓለ ኣካል ኣስራሕቲ ኣውስትራሊያ መንግስቲ ን ኮቪድ 19 ዝሃቦ ምላሽ ብሮያል ኮምሽን ክምረምር ጸዊዑ ። ቲክቶክ ኣብ ውሽጢ ሽዱሽተ ኣዋርሕ ነቲ ዝተዋህቦ መምርሒ እንተዘይተግቢርዎ ኣብ መላእ ኣመሪካ ከይሰርሕ ዝእግድ ሕጊ ባይቶ ወከልቲ ህዝቢ ሕቡራት መንግስታት ኣመሪካ ኣሕሊፉ ። ሰራዊት ጅቡቲ ብሰንኪ ከባብያዊ ግጭት ካብ ማእከላይ ሶማል ወጺኡ።

ኣዛዚ ሓይሊ ባሕሪ ኤርትራ፡ ሜጀር ጀነራል ሑመድ መሓመድ ካሪካሬ ዓሪፉ። ኣብ ኤርትራ ኣብ ናይ ሎምዘበን ዓመተ-ትምህርቲ፡ ኣስታት 30-ሽሕ ተማሃሮ፡ መልቀቂ ፈተና ካልኣይ ደረጃ - ማትቲክ ክሳተፉ ምኳኖም ተገሊጹ፡

ቀዳማይ ሚኒስተር ሀይቲ ፡ ኣርየል ሄንሪ ፡ መሰጋገሪ ፕረዚደንታዊ ባይቶ ምስ ተፈጥረ ፡ ካብ ስልጣኑ ከም ዝወርድ ኣፍሊጡ ። እዚ ዝመጸ ድሕሪ እቲ ንልዕሊ ሓደ ሰሙን ዝቐጸለ ብዕጡቓት ዓዋሉ ዝተፈጥረ ከቢድ ናዕቢን 360,000 ሰባት ድሕሪ ዘመዛበለን እዩ ፣ ናይ ውድብ ሕቡራት ሃገራት ፕሮግራም መግቢ ዓለም ድማ ሕጽረት መግቢ የጋጥሞም ከም ዘሎ ይገልጽ ።

ሃገራዊ ሰልፊ ኤርትራ ኣብ ወጻኢ ብዝነብሩ ተመስሪቱ ዘሎ ሓድሽ ሰልፊ ፖለቲካ እዩ። ናይዚ ሰልፊ ግዚያዊ ኣቦ ወምበር መርሃዊ ወልደሚካኤል፡ ነዞም ዝስዕቡን ካልእ ሕቶታትን መሊሱ ኣሎ፧ ኣብ ወጻኢ እናሃለኻ ሰልፊ መስሪትካ ምዕዋት ይከኣልዶ፧ ቅድሚ ሕጂ ተራእዮም ካብ ዝጠፍ ኡ ተመሳሳሊ ውዳበታት እንታይ ትምህርቲ ወሲድኩም፧ ራኢን ዕላማን፧ ወዘተ።

ን ሎሚ 13 መጋቢት 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ ; ኣርእስታት ዜና፡ ኬንያ 1000 ኣባላት ፖሊስ ናብ ሀይቲ ክትሰድድ ዝመደበቶ ኣደናጒያቶ። "ቀጥታ ኣፍደገ ባሕሪ ምርካብ ን ኢትዮጵያ ናይ ርግኣትን ሃገራዊ ድሕነትን ሕቶ እዩ።" ክብል ሚኒስተር ጉዳያት ወጻኢ ኢትዮጵያ ታየ-ኣጽቀ ስላሴ ገሊጹ። ብብጀነራል ኣል-ቡርሃን ዝምራሕ ሰራዊት ሱዳን ንቀንዲ መደበር ማዕከን ዜና እታ ሃገር ከምዝተቖጻጸሩ ተፈሊጡ።

As Muslims in Australia and around the world observe Ramadan, a month-long period of devotion and fasting, in this episode, we explore the religious significance of this holy month.  - ኣብ ኣውስትራልያን ኣብ መላእ ዓለምን ዝርከቡ ኣስላም ን ወርሒ ራመዳን ተቐቢሎም ንወርሒ ዝጸንሕ ናይ ጾምን ምስትንታንን ጸሎትን ቅንያት ጀሚሮም ኣለዉ። ሃይማኖታዊ ትርጕም እዛ ቅድስቲ ወርሒ ክንድህስስ ኢና።

ን ሎሚ 12 መጋቢት 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ አቕርበልኩም ፈለማ ኣርእስታት ዜና፡ ሓደ ካብ ላዕለዎት ሰበ-ስልጣን ሓማስ ፡ ብ ወተሃደራዊ መጥቃዕቲ ኣብ ጋዛ ከም እተቐትለ ተሓቢሩ ። ካብ ሲድኒ ናብ ኦክላንድ ኣብ ትበርር ዝነበረት ነፋሪት ቴክኒካዊ ጸገም ስለዘጋጠማ እንተ ወሓደ 50 ሰባት ተጐዲኦም ። ማሌዥያ ንጸወታታት Commonwealth 2026 ንምእንጋድ 100 ሚልዮን ዶላር ሓገዝ ተዋሂብዋ ከምዘሎ ተፈሊጡ ።

ኣብ ጉዳይ ተፈጻምነት ስምምዕ ፕሪቶርያ ዘድሃበ ልዝብ ኣብ ኣዲስ ኣበባ ተጀሚሩ: ኢታማዦር ሹም ኢትዮጵያ ሰራዊቱ ኣብ ልዕሊ ነበርቲ መጥቃዕቲ ሰብ ኣልቦ ነፈርቲ ፈጺሙ ከም ዘይፈልጥ ተዛሪቡ: ንትግራይ ህፁፅ ህይወት ኣድሕን ሓገዝ ክውስኽ ዩኒሴፍ ጸዊዑ: ኣብ ኤርትራ ብምውላ ሕብረት ኤውሮጳ ንክልተ ዓመታት ዝሰልጠና 26 ጸገም ምስማዕ ዘለወን ደቂንስትዮ ተመሪቐን ዝብሉ ንሎሚ ዝተላእኩልና ጸብጻባት ዜናዮም። ወዲ 22 ዓመት መንእሰይ ቀታሊ ናይ’ታ ንሓያሎ ሰሙናት ደሃያ ጠፊኡ ዝቐነየ ሰማንታ መርፊ ሕጂ መንነቱ ተገሊጹ። ስምን ስእልን ናይ’ቲ ቀታሊ ከይርቋሕ ወይ ከይግለጽ ቤት ፍርዲ ኣንቢርዎ ዝጸንሐ ማዕቀብ ድሕሪ ምልዓሉ እቲ መንእሰይ ፓትሪክ ስቲፈንሰን ዝተባህለ ምዃኑ ተፈሊጡ’ሎ። ነዚ ዝምልከት ሓደ እዋናዊ ዛዕባ ኣለና። ዝሓለፈ ሰሙን ኣብ’ዚ ኣብ ኣውስትራልያን ኣብ መላእ ዓለምን መዓልቲ ደቀንስትዮ ብዝተፈላለየ ንጥፈታትን ተግባራትን ተኸቢሩ ሓሊፉ። ነዚ በዓል ምኽንያት ጌርና ንደቀንስትዮ ኣገልግሎታት ምኽርን ኣስተምህሮን ኣብ ምሃብ ምስ ትነጥፍ ወይዘሮ ዛህራ ዓሊ ዓብዱራሕማን ዘካየድናዮ ሰፊሕ ቃለመሕትት ኣለና፣ ሎሚ ቀዳማይ ክፋሉ ከነቕርበልኩም ኢና። ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat' ሎሚ ዝቐርብ ኣለና። ኣብ መወዳእታ ኣብ ሰሙናዊ መደብ ስፖርት ኣብ ማራቶን ባርሴሎና ደጊቱ ኣዝመራውን ታደሰ ኣብርሃምን ተዓዊቶም፣ ኣብ ግጥማት ፕሪምየር ሊግ ዓዲ እንግሊዝ ማንቸስተር ሲቲን ሊቨርፑልን ማዕረ ብምፍልላየን መሪሕነት ፕሪምየር ሊግ ኣርሴናል ተረኪባ፣ ቢንያም ግርማይ ኣብ ቅድድም ብሽግለታ ቲረኖ ኣድሪያቲኮ ኣብ ካልኣይ መድረኽ ሳልሳይ ወጺኡ እንተነበረ'ኳ ዘይንቡር ምፍንጣስ ኣካይዱ ተባሂሉ ውጽኢቱ ተሰሪዙ፣ ግጥማት ኣፍሪቃ ኣብ ኣክራ፣ ተጀሚሩ፣ ት20 መንእሰያት ኢትዮጵያ ብጋናውያን ተሳዒረን፣ ንሓደ ጻዕዳ ‘ጻዕዳ’ ኢልካ እንተጸረፍካዮ ኣድልዎ ዓሌትነት ድዩ፧ ዝብሉ ንዝርዝሮም ኣርእስታትና’ዮም።