SBS Tigrinya - ኤስ.ቢ.ኤስ ትግርኛ

ንሎሚ 5 መጋቢት 2024 ዝተዳለዉ ሓጸርቲ ዜናታት ኤስ ቢ ኤስ; ላዕለዋይ ቤትፍርዲ ኣመሪካ፡ ዶናልድ ትራምፕ ንፕረዚደንታዊ ምርጫ ክሳተፍ ከምዝኽእል በዪኑሉ። ካብ የመን ናብ ስዑድያ ዶብ ክሰግሩ ዝፈተኑ በማኢት ዝቑጸሩ ኢትዮጵያውያን ስደተኛታትን ሓተትቲ ዑቕባን ብ ሓለዋ ዶብ ስዑዲ ከምዝተቐትሉ ተፈሊጡ ። ምስቲ ቅድሚ ዓሰርተ ዓመት ክነጻጸር እንከሎ ፡ ተወሳኺ 2.5 ሚልዮን ኣውስትራሊያዊያን ምሕፋስ ሰውነት ከምዘርኣዩ ሓድሽ ጸብጻብ ኣመልኪቱ ።

ንሎሚ ሰኑይ 4 መጋቢት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ኣእምሮኣዊ ጥዕና ቀንዲ ክፋል ሓፈሻዊ ጥዕናን ድሕነትን እዩ ። ናይ ኣእምሮ ሕማም ዘለዎም ሰባት ኣካላዊ ሕማም ናይ ምሕማም ዕድሎም ሰፊሕ እዩ ። ኣብ ኣውስትራሊያ ሰባት ዝተፈላለዩ ናይ ኣእምሮ ሓለዋ ጥዕና ኣገልግሎታት ክጥቀሙ ይኽእሉ ፤ ይኹን እምበር ምልክታት ናይ ኣእምሮ ጥዕና ፈሊኻ ሓገዝ ምሕታት ኣገዳሲ እዩ ። ነዚ ዝምልከት ሓደ ትሕዝቶ ኣለና። ልኡኽና ዝሰደደልና ጸብጻብ፡ ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና ። ንኹሉ መደባትና ንምክትታል ምሳና ሃቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ቀዳማይ ሚኒስተር ኣንቶኒ ኣልባነሰ ፡ ኣብቲ መራሕቲ ሃገራት ኣስያን ዝገብርዎ ፍሉይ ኣኼባ ፡ ኣብ ጸጥታ ኰነ ኣብ ቊጠባ እቲ ዞባ ዘጋጥም ብድሆታት ንምምካት ኣገዳሲ ምዃኑ ገሊጹ ። ፈረንሳ መሰል ምንጻል ጥንሲ ኣብ ቅዋማ ሕጋዊ ብምግባር ኣብ ዓለም ናይ መጀመርታ ሃገር ክትከውን እያ ። ማንቸስተር ደርቢ ብዓወት ሲቲ 3-1 ተዛዚሙ፣ ፖግባ ኣርባዕተ ዓመት ተፈሪድዎ፣ ሱቱሜ ከበደ ኣብ ቶክዮ ተዓዊታ፣

ዝርዝር ጸብጻብ፡ ግዝያዊ ምምሕዳር ትግራይ ምስ መንግስቲ ፌደራል ዝነበሮ ክልተኣዊ መስርሕ ከም ዘቋረጾ ኣፍሊጡ።

ሰሙናዊ መደብ ስፖርት (04/03/2024) * ሻምፒዮና ውድድራት ውሽጢ ኣዳራሽ ኣትለቲክስ ዓለም ግላስጎው 24 ብዙሓት ኣገረምቲ ውጽኢታት ተመዝጊብዎ ሰንበት ተዛዚሙ፣ * ኢትዮጵያዊት ሱቱሜ ከበደ ኣብ ማራቶን ቶክዮ ተዓዊታ፣ * ሶኑይ ኣብ ዝጅመር ቅድድም ብሽግለታ ቲረኖ ኣድሪያቲኮ ቢንያም ግርማይ ንጋንትኡ ኢንተርማርሸ-ዎንቲ መሪሑ ክሳተፍ ምዃኑ ክረጋገጽ’ንከሎ ኣማኑኤል ገ/ሄር ከኣ ንጋንትኡ ሊድል ትሬክ ወኪሉ ክሳተፍ’ዩ፣ * ፈረንሳዊ ኮኾብ ኩዕሶ እግሪ ተጻዋታይ ጋንታታት ማንቸስተር ዩናይትድን ጁቬንቱስን ዝነበረ ፖውል ፖግባ ዘይሕጋውያን ሓይሊ ዘደንፍዑ ንጥረነገራት ኣብ ነብሱ ድሕሪ ምርካቦም ዝሓለፈ ሰሙን ንኣርባዕተ ዓመታት ካብ ኩዕሶ እግሪ ክእገድ ተወሲንሉ፣

Listen to 'English on Repeat', a podcast to help us improve our speaking skills: I would like a coffee, please. | Can I have a tea with milk, please? | I will take a cappuccino with sugar, please. | I will have a muffin, please. | Nothing for me, thanks. - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat' ስምዕዎ፡ ብኽብረትኩም፣ ቡን ደልየ ኔረ። | ሻሂ ምስ ጸባ ዶ ክእዝዝ፧ | ብኽብረትኩም፣ ካፑቺኖ ምስ ሽኮር ክወስድ'የ፣ | ብኽብረትኩም፣ ሓንቲ ማፊን ክወስድ'የ፣ | ንዓይ ደሓን፣ ዝእዝዞ የብለይን፣ የቐንየለይ።

ንሎሚ ሓሙስ 29 ለካቲት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። መበል 14 ዓመታዊ ስሩዕ ስነ-ስርዓት ምዕዳል ሽልማት ዓዋተ፡ ብ24 ለካቲት 2024 ብቤት ትምህርቲ ቋንቋ ማሕበረሰብ ኤርትራ ኣብ መልበርን ተኻይዱ ። ነዚ ዝምልከት ጸብጻብ ከነቕርብ ኢና። ንግጉይ ሓበሬታ ብኸመይ ንፈልጦን ንቃለሶን። ኣብ ሰሙናዊ ምንባር ኣብ ኣውስትራሊያ መደብና ክቐርብ እዩ። ጸብጻብ ልኡኽና ዝርእዮም ኣርእስታት ሰበስልጣን መንግስቲ ኤርትራ ንልዕሊ 20 ዓመታት ናይ ዝሰወሩዎም ሰባት ሃለዋት ክነግሩ ተሓቲቶም። ኢትዮጵያን ኬንያን ዝምድናአን ዝያዳ ንምጥንኻር ተሰማሚዖም። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ብዛዕባ ሓገዝ ንናይ ፈለማ ዓደግቲ ገዛ ዝምልከት ፈደራል መንግስቲ ዘቕረቦ እማመ ኣብ ካንቤራ ዝርከብ ታሕተዋይ ባይቶ ኣሓሊፍዎ ኣብ ዝቕጽሉ ሰሙናት ምስ መደራደርቲ ስምምዕ ፕሪቶርያ መደብ ተታሒዙ ከምዘሎ ተገሊጹ። ሃገራዊት ጋንታ ኲዕሶ እግሪ ደቂ ኣንስቶ ኣውስትራሊያ፡ ማቲልዳስ ንጋንታ ኡዝበኪስታን ስዒራ ኣብ ፓሪስ ኣብ ዝግበር ጸወታታት ኦሎምፒክ ምስታፋ ኣረጋጊጻ ።

ወ/ሮ ሶሎሜ ሞጎስ ናብ ኣውስትራሊያ ካብ ትመጽእ ነዊሕ እዋን'ኳ እንተ ዘይገበረት፡ ቆልዑ ቋንቋ ትግርኛ ክመሃሩ ኣለዎም ካብ ዝብል ተበግሶ ቋንቋ ኣዲኦም ከጽንዑ ትጽዕር ኣላ። ምስዚ ዝተኣሳሰር ብዛዕባ ትገብሮ ንጥፈታት ኣዕሊላ ኣላ።

ሰበስልጣን መንግስቲ ኤርትራ ንልዕሊ 20 ዓመታት ናይ ዝሰወሩዎም ሰባት ሃለዋት ክነግሩ ተሓቲቶም። ኢትዮጵያን ኬንያን ዝምድናአን ዝያዳ ንምጥንኻር ተሰማሚዖም።

ኣብ ሱዳን ካብ ዘሎ ኲናት ዝሃደሙ ኣሽሓት ስድራቤታት ፣ ኣብ ቻድን ደቡብ ሱዳንን ዓቢ ናይ ምምዝባል ቅልውላው ይፈጥሩ ኣለዉ ። ፕሮግራም መግቢ ዓለም፡ ኣብ ደቡብ ሱዳን ስደተኛታት ከቢድ ጥምየት ፡ ሕጽረት መግቢን ሕማማትን የጋጥሞም ኣብዘሎ እዋን እቲ ሕማቕ ሰብኣዊ ኩነታት ይገድድ ከምዘሎ ይገልጽ ።

ንሎሚ 28 ለካቲት ዝተዳለወ ሓጸርቲ ዜናታት ኤስ ቢ ኤስ ኣርእስታት፡ ሬሳ ናይቶም ብሓደ ኣባል ፖሊስ ተቐቲሎም ተባሂሉ ዝተገልጸ፡ ድሕሪ ሓደ ሰሙን ኣብ ርሑቕ ከባቢ ኣብ ዝርከብ ገዛ ተረኺቡ። ኣብ ደቡባዊ ጋዛ ኣብ ራፋ ዝርከብ ህንጻ ብመጥቃዕቲ ኣየር እስራኤል ድሕሪ ምህራሙ፡ ኣብቲ ገዛ ዝነበሩ ደቂ ኣንስትዮን ህጻናትን ተቐቲሎም