SBS Tigrinya - ኤስ.ቢ.ኤስ ትግርኛ

ኣብዚ ሓበሬታ ብፍጥነት ብርሃን ዝውንጨፈሉ ዘሎ ዘመን ፡ ንሓቂ ካብ ሓሶት ፈሊኻ ምርኣይ ኣጸጋሚ እናዀነ ይኸይድ ኣሎ ። ከም ናይ ሓሶት ዜና: ግጉይ ሓበሬታ: ወይ ኮነ ኢልካ ንምግጋይ ዝወሃብ ሓበሬታ: ንኣረኣእያ ሰባት ኣብ ምቕያር፡ ኣብ ምቕራጽ ርእይቶታትን ኣብ ኣገዳሲ ውሳኔታት ጽልዋ ብምሕዳር ዝገብሮ ተጽዕኖ ተመሳሳሊ እዩ ። ሎሚ ፡ ነዚ እተሓላለኸ ዛዕባ እዚ ፡ መበቈሉ እንታይ ምዃኑ ብምቕላዕ ፡ ግጉይ ሓበሬታ ኣብ ሕብረተሰብ ብዛዕባ ክህልዎ ዝኽእል ጽልዋን መብርሂ ኽንህብ ኢና ።

ንሎሚ 27 ለካቲት ዝተዳለወ ሓጸርቲ ዜናታት ኤስ ቢ ኤስ ኣርእስታት፡ እስራኤል ካብ 1967 ኣትሒዛ ኣብ ግዝኣታት ፍልስጤም ዝሓዘቶ መሬት ብዛዕባ ሕጋውነቱ ዝምልከት እቲ ዝለዓለ ቤት ፍርዲ ውድብ ሕቡራት ሃገራት ንመወዳእታ ግዜ ሰሚዑ ። ሽወደን ናብ ኔቶ ክትጽምበር ባይቶ ሃንጋሪ ደጊፍዎ፡ በራጊድ ምጥፋእ ሓዊ ቪክቶሪያ ኣብታ ግዝ ኣት ከቢድ ኵነታት ኣየር ከስዕቦ ንዝኽእል ዝኸፍአ ሓደጋ ኣንጸላልዩ ኣብዘሎ፡ ኣብ ምክልኻል ሞት ኣተኲሮም ክሰርሑ ምዃኖም ኣፍሊጦም ።

ንሎሚ ሰኑይ 26 ለካቲት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ኣውስትራሊያ ንኽቱር ሕማቕ ኩነታት ኣየር ሓደጋ ዝተቓልዐት ሃገር እያ ። ኣብዚ እዋን እዚ ሓድሽ ሃገራዊ መዐቀኒ ዘለዎ ናይ ሓዊ ሓደጋ ስርዓተ ዓቐን ተኣታትዩ ኣሎ ፡ ንማሕበረሰብ ከምኡ "ውን ንናይ ህጹጽ እዋን ግብረ-መልሲ ትካላት ሓደገኛ ዝኾነ ፍጻመታት ከጋጥምከሎ ንኽርድኡ ፡ ንኽዳለዉ ፡ ከምኡ" ውን ንዝተፈላለየ ሓደገኛ ኣጋጣሚታት ከም ባርዕ ጫካ፡ ምዕልቕላቕ ማይ ፡ ህቦብላ ንፋስ ፡ ብርቱዕ ዋዒ ዝኣመሰሉ ግብረ-መልሲ ንምሃብ ዝሕግዝ ስርዓተ-መጠንቀቕታ እዩ። ነዚ ዝምልከት ትሕዝቶ ኣለና። ልኡኽና ዝሰደደልና ጸብጻብ፡ ሰሙናዊ መደብ ስፖርትን ካልእ ዝተፈላለዩ ዜማታትን ቀሪብና ኣለና ። ንኹሉ መደባትና ንምክትታል ምሳና ሃቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ሓደ እስራኤላዊ በዓል ስልጣን ፡ ብዛዕባ ቓዛ ዝምልከት ዝርርብ ኣብ ፓሪስ ይካየድ ከም ዘሎ ፡ ገሊጹ። ስብርባር ናይ ሓንቲ ናይ ኣውስትራልያ ናይ ከሰል መርከብ ፡ 32 ሰራሕተኛታት ጽዒና ካብ እትጠፍእ 120 ዓመት ዝገበረት ተረኺቡ ። ካብ ደብረ ብርሃን ናብ ደሴ ዝወስድ መንገዲ ተዓፅዩ። ቤተ ክርስትያን ኦርቶዶክስ ተዋህዶ ኢትዮጵያ፡ ኣርባዕተ ፈለስቲ ብዕጡቓት ከምዝተቐተልዋ ኣፍሊጣ።

ጸብጻብ፥ መበል 14 ዓመታዊ ስሩዕ ስነ-ስርዓት ምዕዳል ሽልማት ዓዋተ፡ ብ24 ለካቲት 2024 ብቤት ትምህርቲ ቋንቋ ማሕበረሰብ ኤርትራ ኣብ መልበርን ተኻይዱ ። እቲ ስነ ስርዓት ፡ ነቶም ኣብ 2023 ብ VCE, IB. እተመረቑን ዩኒቨርሲቲ ዝወድኡን ንስድራ ቤቶምን ንምጽምባል ዝተገብረ በዓል እዩ ነይሩ ። እቲ ቤት ትምህርቲ ነቶም ተመሃሮን ንስድራ ቤቶምን ናይ ምሽላም ስነ-ስርዓት ወዲቡ ፡ ንዅሎም ተዓወትቲ ናይ ዓወት ምስክር ወረቐት ዓዲሉ ። ኣብ ርእሲ እዚ: እቶም ልዑል ዓወት ዘመዝገቡ ብሉጽ ሽልማት ዓዋተ ተዋሂብዎም ። ብተወሳኺ፡ ግዜኦም ንማሕበረሰብ ኣብ ምግልጋል ዝወፈዩ ወለንተኛታት ንዝገበርዎ ኣበርክቶ'ውን ኣፍልጦ ተዋሂብዎም ። ብዘይካዚ ፡ መደረታትን ባህላዊ ምርኢታትን ቀሪቡ ኣምስዩ ።

ግብጽን ኤርትራን ዞባዊ ብድሆታት ንምፍታሕ ርክባተን ከጠናኽራ ከም ዝተሰማምዓ ገሊጸን፡ ሶማሊያ ንኢትዮጵያ ኣጠንቂቓ።

ሰሙናዊ መደብ ስፖርት (26/02/2024) * ጋንታ ኤርትራ ተዓዋቲት ዙር ሩዋንዳ 2024 ኮይና፣ ኣኽሊሉ ኣረፋይነ ብሉጽ ኣፍሪቃዊ መንእሰይ ተቐዳዳማይ ዳዊት የማነ ኸኣ ብሉጽ ኣፍሪቃዊ ተቐዳዳማይ ተሰይሞም፣ * ኣብ ውድድር ፍርቂ ማራቶን ራስ ኣል ኼይማ ኢትዮጵያዊት ጽገ ገብረሰላማ ተዓዊታ፣ * ቤት ምኽሪ ማሕበራት ኩዕሶ እግሪ ምብራቕን ማእከላይን ኣፍሪቃ ወይ ሴካፋ ኣብ 2024 ዘካይዶም ውራያት ኩዕሶ እግሪ ከአንግዳ ዝመረጸን ሃገራት ዘርዚሩ፣ ኢትዮጵያ ውራያት ደቀንስትዮ ከተአንግድ’ያ፣ * ካብ ግጥማት ፕሪምየርሊግ ዓዲ እንግሊዝ ዘዕረፈት ሊቨርፑል ንቸልሲ ስዒራ ጽዋዕ ዋንጫ ካራባኦ ክትዓትር’ንከላ ኣርሰናልን ማንቸስተር ሲቲን ከኣ ዓወታት ብምምዝጋብ ምስኣ ዝነበረን ፍልልያት ኣጽቢበን፣

Listen to 'English on Repeat,' a podcast to help us improve our speaking skills: Do you enjoy shopping? | I enjoy shopping for new clothes. | I need a new jumper. | I do my grocery shopping online. | The markets have the best fruit and vegetables. - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat' ስምዕዎ፡ ኣብ ዕዳጋ ምሽማት የሐጉሰኩም ዶ፧ | ሓደስቲ ክዳውንቲ ምዕዳግ ደስ ይብለኒ። | ሓድሽ ጎልፎ የድልየኒ’ሎ። | ናይ ግሮሰሪ ሸመተ ዕዳጋይ ኣብ ኦንላይን የካይዶ። | እቶም ዕዳጋታት ዝበለጸ ፍሩታትን ኣሕምልትን ኣለዎም።

ንሎሚ ሓሙስ 22 ለካቲት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ብዛዕባ ክንክን ስኒ ዝምልከት ምስ ዶ/ር ገነት እንድርያስ ቅድሚ ሕጂ ዝገበርናዮ ጠቓሚ ምኽሪ ኣለና። ተመራመርቲ ጠፈር፡ ብ 500 ትሪልዮን ግዜ ካብ ብርሃን ጸሓይ ዝበርህ ነገር ኣብ ዩኒቨርስ ረኪቦም። ነዚ ዝምልከት ሓደ ትሕዝቶን ኣብ ላዕለዋይ ደረጃ ትምህርቲ ንምምሃር ካብ መንግስቲ ዝወሃብ ናይ ልቓሕ መደባትን ኣገባባትን፡ዝምልከት ድማ ኣብ ሰሙናዊ ምንባር ኣብ ኣውስትራሊያ መደብና ክቐርብ እዩ። ጸብጻብ ልኡኽና ዝርእዮም ኣርእስታት ሶማልያ ምስ ቱርኪ ን10 ዓመት ዝጸንሕ ገዚፍ ናይ ምክልኻልን ቁጠባውን ምትሕብባር ስምምዕ ከምዘጽደቐት ተገሊጹ። ኣመሪካ ኣብ መንጎ መንግስቲን ዕጡቓት ፋኖን ልዝብ ክካየድ ጸዊዓ። ኣብ ክልል ኣምሓራ፡ ብዙሓት ሰባት ብሰብ ኣልቦ ነፋሪት ከምዝተቐተሉ መሰኻኽር ገሊጾም።ዝብሉ ትሕዝቶ ዘለዎ ዜና ከቕርበልና እዩ። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ውድብ ሕቡራት ሃገራት ፡ ኣብ ቓዛ ዘሎ ሰብኣዊ ኵነታት እናኸፍአ ይኸይድ ከም ዘሎ ገሊጹ ፡ ኣገልግሎት ህጹጽ ቪክቶርያ ን ኣዚዩ ከቢድ ኩነታት ኣየር ይዳሎ ኣሎ። ሶማልያ ምስ ቱርኪ ን10 ዓመት ዝጸንሕ ገዚፍ ናይ ምክልኻልን ቁጠባውን ምትሕብባር ስምምዕ ከምዘጽደቐት ተገሊጹ።

ኣብ ክልል ኣምሓራ፡ ብዙሓት ሰባት ብሰብ ኣልቦ ነፋሪት ከምዝተቐተሉ መሰኻኽር ገሊጾም። ኣመሪካ ኣብ መንጎ ዕጡቕ ፋኖን መንግስቲ ኢትዮጵያን ልዝብ ክግበር ሓቲታ።

ብኣውስትራልያ ዝምራሕ ጕጅለ ተመራመርቲ ጠፈር (astronomers) ፡ ኣብ ዩኒቨርስ እቲ ዝደመቐ ብርሃን ዘለዎ ነገር ክኸውን ዝኽእል ከምዝረኣየ ኣፍሊጡ ። ምብራሁ 500 ትሪልዮን ግዜ ካብ ጸሓይ ብርሃን ዝበልጽ ከም ዝዀነን quasar, ዝበሃል እዩ ። እዚ ዝስዕብ ዝርዝር ሓበሬታ ናይዚ ርኽበት ዝገልጽ እዩ ።