SBS Tigrinya - ኤስ.ቢ.ኤስ ትግርኛ

ሜሪማግደላን ደበሳይ ካብ መስረትቲ ዋዕሮ ኮይና እዚ ምትእኽኻብ ብ ኣሻሓት ደቂ ኣንስትዮ ካብ ምሉእ ዓለ ዝሳተፋኦ እዩ፡ ንደቂ ኣንስትዮ ብትምህርቲ፡ ብተክኖሎጂን ኣብ ዋኒን ብምስታፍን ንምሕያል ዝሰርሕ መርበብ እዩ። ብዛዕባዚ መሪማግደሊን መብርሂ ትህብ።

ንሎሚ 6 ታሕሳስ ዝተዳለዉ ሓጸርቲ ዜናታት ኤስ ቢ ኤስ ትግርኛ ኣርእስታቶም፡ ኣብ ትግራይ 2 ሚልዮን ዜጋታት ንጥምየት ተቓሊዖም ከም ዘለዉ መንግስቲ ክልል ትግራይ ኣፍሊጡ፣ ውድብ ሕቡራት ሃገራት ፡ ኣብ ጋዛ ኣብ ዝርከብ መዕቈቢታቱ ንዚርከቡ ሰባት ውሕስነት ክዀኖም ከም ዘይክእል ገሊጹ ፡ ፋይናንሲያዊ ጸቕጢ ኣብ ጥዕና ኣእምሮ ናይቶም ኣብ ሓደጋ ዝርከቡ ጉጅለ ሕብረተሰብ ከምዝለዓለ ተረጋጊጹ።

ወቕቲ ሓጋይ/ሳመር ፡ ብሩህ ሰማያትን ምዉቕ ኵነታት ኣየርን ዝረኣየሉ ወቕቲ እዩ ። ንብዙሓት ሰባት ፡ ናይ ቁሪ ኣዋርሕ ድሕሪ ምጽማሞም ፡ ብሓጐስ ዝቕበልዎ እዩ ። ይኹን "ምበር ኣብ ኣውስትራሊያ ዘሎ ሙቐት ቀልጢፉ ናብ ከቢድ ሃሩርን ጽንኩር ኩነታትን ክቕየር ይኽእል'ዩ ። ብተወሳኺ ፡ እቲ ልዑል መጠን UV (ኣልትራቫዮለት) ቈላሕታን ኣብ ግምት ክኣቱ ኣተኩሮ ይሓትት ። እሞ ደኣ ሓደ ሰብ ኣብ ኣዝዩ ሃሩርን ደረቕ ሓጋይ ናይ ኣውስትራሊያ ወቕቲ ውሕስነት ብዘለዎን ዝሑልን ኮይኑ ክጸንሕ ዝኽእል ብኸመይ እዩ?

ናይ 5 ሕዳር 2023 ዜናታት ኤስ ቢ ኤስ ትግርኛ; ኣርእስታት ዜና፡ ኣብ ቓዛ ከቢድ ድምጺ ነትጒ ተሰሚዑ፡ ኣብ ኢትዮጵያ ህይወት ሰባት ዝወስድ ዘሎ ደርቂ ጸማም እዝኒ መራሕትን ኣብ ሓያሎ ወረዳታት ክልል ኣምሓራ: ዳግም ዝባራዕ ዘሎ ግጭት ብከበድቲ መዳፍዕን መጥቃዕቲ ድሮንን ሰላማዊያን ሰባት ሞይቶም: ናዳል ናብ ሜዳ ክምለስ ይህቅን።

ሰሙናዊ መደብ ስፖርት (04/12/2023) * ማራቶን ቫለንስያ ኢትዮጵያውያን ኣትሌታት ሲሳይ ለማን ወርቅነሽ ደገፋን ተዓዊቶሞ፣ * ሓንቲ ካብ'ቶም ዝለዓለት ስም ኣብ ኣትለቲክስ ዓለም ወይ ውድድራት ነዊሕ ርሕቀት ጉያ እግሪ ኢትዮጵያ ዘለዋ ጸሃይ ገመቹ ብምክንያት ዶፒንግ ወይ ምጥቃም ብቕዓት ዘደንፍዑ ንጥረ ነገራት እገዳ ተነቢሩላ፣ * ኣብ ግጥማት ኩዕሶ እግሪ ዩሮ 2024 ኣብ ጀርመን ዝሳተፋ ሃገራት ምድባተን ፈሊጠን፣ * ኣብ ናይ’ዚ ሰሙን ግጥማት ፕሪምየር ሊግ ኣርሰናል፣ ሊቨርፑልን ኒውካስትል ዩናይትድን ዝለዓለ ነጥብታት ከመዝግባ’ንከለዋ ማንቸስተር ሲቲ፣ ቶተንሃም፣ ማንቸስተር ዩናይትድን ኣስቶንቪላ ግን ነጥብታት ከሲረን፣

ናይ ሰኑይ 4 ታሕሳስ 2023 ዝተቐረቡ ናይ ሓደ ሰዓት ትሕዝቶ፡ ልብኹም ክሳብ ክንደይ ጥዑይ ከምዘሎ ትፈልጡዶ? ሕማም ልቢ እቲ ኣብ ቅድሚት ዝስራዕ ጠንቂ ሞት ብምዃኑ ጥዕና ልብኹም ከመይ ከምዘሎ ምፍላጥ ኣዚዩ ኣገዳሲ እዩ። ብዛዕባ ልብን ክግበር ብዛዕባ ዝግባእ ክንክንን ዝምልከት ሓደ ትሕዝቶ ድሕሪ ዜና ክቐርብ እዩ። ብዛዕባ ዘቤታዊ ዓመጽን ምክልኻሉን ዝምልከት ዝጀመርናዮ ዛዕባ ሎሚውን ክንቅጽሎ ኢና ምስ ወ/ሮ ከዲጃ ካብዝተገብረ ዕላል ሎሚ ናባኹም ከነብሎ ኢና። ልኡኽና ካብ ዝለኣኸልና ጸብጻብ ኣርእስታት፦ ልዕሊ ፍርቂ ሚልዮን ጋሻ ኣብ በዓል ንግስ ሕዳር ጽዮን ኣኽሱም ከም ዝተረኽቡ ተገሊጹ። ኤርትራ ኣብ ዓለምለኻዊ ዋዕላ ለውጢ ነባሪ ኣየር ትሳተፍ ኣላ። ፀጋታት ቱሪዝም ትግራይ ዘላሊ ምርኢት ስእሊ ኣብ ናይሮቢ ተኻይዱ። ኣሜሪካ ገበነኛታት ግህሰት ሰብኣዊ መሰላት ክፍረዱ ንመንግስታት ኢትዮጵያን ኤርትራን ጸቕጢ ትገብር ከም ዘላ ኣፍሊጣ። ሰሙናዊ መደብ ስፖርት ናይ ኢብራሂም ዓሊ: ሶኑይ ብምዃኑ ድማ ዘዛንዩ ዜማታት ክንጋብዝ ኢና። ኣርእስታት ዜና፥ ** ኣብ ከተማ ጋዛ ዝሰርሑ ናይ ጥዕና ሰራሕተኛታት እቲ ናይ ሸውዓተ መዓልቲ ስምምዕ ተዂሲ ደው ምስ ኣበለ ቁጽሪ ሞት ብቕልጡፍ ክውስኽ ጀሚሩ ክብሉ ሓቢሮም ። ** ምንቅስቓስ ሑቲ ናይ የመን ፡ ሓይሊ ባሕሩ ኣብ ልዕሊ ክልተ መራኽብ እስራኤል ፡ ከም ዘጥቅዐ ገሊጹ ። ** ኣሜሪካ ገበነኛታት ግህሰት ሰብኣዊ መሰላት ክፍረዱ ንመንግስታት ኢትዮጵያን ኤርትራን ጸቕጢ ትገብር ከም ዘላ ኣፍሊጣ።

ልዕሊ ፍርቂ ሚልዮን ጋሻ ኣብ በዓል ንግስ ሕዳር ጽዮን ኣኽሱም ከም ዝተረኽቡ ተገሊጹ። ኤርትራ ኣብ ዓለምለኻዊ ዋዕላ ለውጢ ነባሪ ኣየር ትሳተፍ ኣላ። ፀጋታት ቱሪዝም ትግራይ ዘላሊ ምርኢት ስእሊ ኣብ ናይሮቢ ተኻይዱ። ኣሜሪካ ገበነኛታት ግህሰት ሰብኣዊ መሰላት ክፍረዱ ንመንግስታት ኢትዮጵያን ኤርትራን ጸቕጢ ትገብር ከም ዘላ ኣፍሊጣ።

ኣውስትራሊያ መስተንክር ገማግም ባሕሪ ፡ ዓዳሚ ባህልታት ገማግም ባሕሪ ፡ ከምኡ "ውን ብዙሕ ዓይነት ህይወት ባሕሪ ትውንን ሃገር ብምዃን ትሕበን ሃገር እያ። ይኹን እምበር: ከስዕብ ዝኽእል ሓደጋታት ምግንዛብ ወሳኒ እዩ ። ከም ስቲንግ ጀሊፊሽ ፡ ስቲንገርስን ፡ ከምኡውን ብዙሓት ዓሌታት ሻርክ ዝኣመሰሉ ኣብ ባሕሪ ዝነብሩ ፍጥረታት ፡ ኣብዚ ማያት እዚ ስለ ዝነብሩ ፡ ንቑሓት ምዃን ይሓትት ። ብፍላይ ኣብ ዘይትፈልጦ ከባቢ ፡ ብዛዕባ ድሕንነት ገማግም ባሕሪ ምርዳእ ፡ ምስ ማይ ዝተሓሓዝ ሓደጋታት ንምውጋድ ፡ ከምኡ "ውን ምስ ሻርክ ክጓነፉ ንዝኽእሉ ነገራት ጥንቃቐ ዘድሊ እዩ ።

ንሎሚ 28 ሕዳር 2023 ዝተዳለዉ ሓጸርቲ ዜናታት ኤስ ቢ ኤስ ትግርኛ ፡ ኣርእስታት ዜና፡ ውድብ ሕቡራት ሃገራት ኣብ ጋዛ ተገይሩ ዘሎ ምንዋሕ ናይ ሰብኣዊነት ስምምዕ ረድኤት ንምቕራብ እኹል ኣይኮነን ይብል ። ብፍታው እናተሓገዝካ ህይወትካ ምሕላፍ ዘፍቅድ ሕጊ ኣብ ኒው ሳውዝ ዌልስ ካብ ሎሚ [28 ሕዳር] ጀሚሩ ኣብ ግብሪ ክውዕል ጀሚሩ። ኣብ ትግራይ ወረዳ ኣበርገለ 46 ሰባት ብሰንኪ ጥምየት ከምዝሞቱ ተፈሊጡ።

ናይ ሎሚ ሰኑይ 27 ሕዳር 2023 ምሉእ ትሕዝቶ፡ ኣውስትራሊያ ኣብ ዓለም ካብተን ዝለዓለ መጠን ናይ ቆርበት ካንሰር ዘለወን ሃገራት ሓንቲ እያ። ሜላኖማ ሓዊስካ መብዛሕትኦም መንሽሮታት ቆርበት ዝፍጠሩ ፡ ዋህዮታት ቆርበት ምክልኻል ከይተገብረሎም ናብ ኣልትራቫዮለት ወይ UV, ወይ ናብ ጨረርታ ጸሓይ ምስዝቃልዑ እዩ። ነቶም ጸሊም ናይ ቆርበት ሕብሪ ዘለዎም ወሲኹ፡ ቆርበት መንሽሮ ዝስዕቡ ሓደገኛ ረቛሒታት ኣብ ኣውስትራሊያ ካብ ዘሎ ጸሓይ ሓደጋ ብኸመይ ትከላኸሎ ዝጥምት ሓደ መደብ ክቐርብ'ዩ ። ልኡኽና ካብ ዝለኣኸልና ጸብጻብ ኣርእስታት፦ ኣቦ-መንበር ልኡላዊ ባይቶ ሱዳን ጀነራል ዓብዱልፋታሕ ኣልቡርሃን፡ ኣብ ኤርትራ ናይ ስራሕ ምብጻሕ ፈጺሙ። ግዝያዊ ምምሕዳር ብደርቂ ንዝተጠቕዑ ዝውዕል 50 ሚልዮን ብር ሰሊዑ ኣብ ከተማ መቐለ ዝህነፅ መፍረይ ሓፂን ሌጀንድ ብወግዒ ተኸፊቱ ቆምስ ኣብ ሰረቀብርሃን ፡ ብፁእ ኣቡነ ሰላማ ተባሂሎም ሊቀ ጳጳስ ሃገረ ሰብከት ኣውስትራሊያን ኒውዝላንድን ኮይኖም ከገልግሉ ተሸይሞም ብብልሽውና ዝተዘምተ 9 ቢሊየን ብርን ልዕሊ 4 ሚሊየን ካሬ ሜትር ቦታን ከም ዘምለሰ ኮሚሽን ስነ ምግባርን ፀረ ግዕዝይናን ኢትዮጵያ ሓቢሩ። ሰሙናዊ መደብ ስፖርት ናይ ኢብራሂም ዓሊ፥ ከም ኡውን ዘዛንዩ ዜማታት ክንጋብዘኩም ኢና። Newzealand ኣርእስታት ዜና፥ ** ስድራቤታት ናይቶም ብሓማስ ተታሒዞም ዝጸንሑን እሱራት እስራኤልን ሓራ ብምውጻኦም ፈተውቶም ሓጎሶም ይገልጹ ኣለዉ ። ** ላዕለዋይ ሚኒስተር ካቢነ ሚኒስተራት ክሪስ ቦወን ፡ ናጽነት እስራኤል ኣብ ናጽነትን ውሕስነትን ፍልስጤማውያን ዝምርኰስ ምዃኑ ገሊጹ ። ** ኣሰልጣኒ ኣንጌ ፖስተኮጎሉ ዝመርሓ ጋንታ ቶተንሃም ፡ ኣብ ፕሪሜር ሊግ ዓዲ እንግሊዝ ካብ ናይ ሳልሳይ ደረጃኣ ናብ ሓሙሻይ ወሪዳ።