SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (20/11/2023) * መበል 23 ዓመታዊ ዓቢይ ጉያ ኢትዮጵያ ኣብ ኣዲስ ኣበባ ተኻይዱ ቢንያም መሓሪን መልክነህ ውዱን ተዓዊቶም፣ ካብ ሓፋሽ ተሳተፍቲ ምረት ናብራ ዝገልጹን ንፋኖ ዝድግፉን ፖለቲካዊ መልእኽታት ተመሓላሊፎም፣ * ኢትዮጵያ ዝሓለፈ ሮቡዕ ምሸት ኣንጻር ሲየራ ሊዮን ዘካየደቶ መጻረዪ ግጥም ንዋንጫ ዓለም 2026 ብጽዑቕ ግመ ተሽፊኑ ስለዝተሰናኸለ ናብ ፊፋ ጥርዓን ኣቕሪባ፣ ዝቕጽል ግጥማ ኣንጻር ቡርኪና ፋሶ ዝጅመረሉ ግዜ ተቐይሩላ፣ * ነዘርላንድስ፣ ስዊዘርላንድን ሮማንያን ኣብ ግጥማት ኩዕሶ እግሪ ዩሮ 2024 ክሳተፋ ቦትአን ውሑስ ከምዝገበራ ተፈሊጡ፣ * እንግሊዛዊት ጋንታ ኤቨርተን መምርሒታት ፋይናንስ ፕሪምየር ሊግ ጥሒሳ ተባሂላ 10 ነጥቢ ክቕነሳ ተወሲኑ፣

ጸብጻባት ዜና * ፕረዚደንት ኢሰይያስ ኣፈወርቂ ወረቀት ስራሕ ኣምባሳድራት 17-ሃገራት ተቐቢሉ፣ * ፕረዚደንት ክልል ትግራይ ጌታቸው ረዳ ምስ ጉጅለ ልኡኽ ኔዘርላድስ ዘትዩ፣ * ዩኒቨርሲቲ መቐለ ልዕሊ 2ሽሕ ተምሃሮ ኣመሪቑ፣ * ታሪኽ ኤርትራን ጉዕዞ ናጽነትን ዝገልጽ ስእላዊ ምርኢት ኣብ ሳዋ ይቐርብ፣ * ኣብ ትግራይ ንልዕሊ ሓደ ሚልዮን ህዝቢ ክታበት ፀረ ሕማም ትራኮማ ክወሃብ’ዩ፣ * ኢትዮጵያ ተጠቃምነት በሪ ባሕሪ ንምርግጋፅ ዓለም ለኸ ተሞክሮታት ዝምልከት ዋዕላ ምሁራት ከም ዘካየደት ገሊጻ፣ * ኣብ ኣምሓራ ዝፍጸም መጥቃዕቲ ድሮን ከምዘሻቐሎ ሕቡራት ሃገራት ገሊጹ፣

ኲናት እስራኤልን ሓማስን ካብ ዝጅምር ኣትሒዙ፡ እቲ ብኩፊያ ዝፍለጥ ጸሊምን ጻዕዳን ስካርፍ፡ መሸፈኒ መንዲል ወይ መሃረም ወይ ሻርባ፣ ኣብ ደገፍቲ ፍልስጤም ኣብ ዝካየዱ ተቓውሞታት ጎሊሑ ዝረአ እዩ። ኣውስትራልያውያን ፖለቲከኛታት መህሪን ፋሩቒን ሊድያ ቶርፕን ኣብ ባይቶ ተኸዲነንኦ ኔረን፡ ኣብ ዋሽንግተን ኣብ ልዕሊ ሓወልቲ ቤንጃሚን ፍራንክሊን ከይተረፈ ብላዕሊ ተሰንዲዩ መሸፈኒ ኮይኑ’ዩ። ስለዚ እዚ ስካርፍ እንታይ እዩ?

ሓጸርቲ ዜናታት ኤስቢኤስ ትግርኛ * ተቐናቐንቲ ወገናት ሱዳን ኣብ ደቡብ ኻርቱም ዝርከብ ዲጋ ድሕሪ ዝወረዶ ዕንወት ክልቲኦም ነንሓድሕዶም ተኻሲሶም * ቀዳማይ ሚኒስተር ኣውስትራልያ መራሕቲ ኣሜሪካን ቻይናን ኣብ ጎድኒ ዋዕላ ኤፐክ ኣብ ሳንፍራሲስኮ ተራኺቦም ኣብ ዝተዘራረብሉ ኣብ ዝቐረባ ግዜ ዝተነሃሃሩ ወጥሪታት ‘ኣዝሒሎሞም ኣለዉ’ ኢሉ፣ * እስራኤል ነቶም ኣብ ደቡባዊት ከተማ ኻን ዩኒስ ዘለዉ ፍልስጤማውያን ናብ ካልእ ክግዕዙ ደጊማ ኣዚዛቶም፣ * ቤተመንግስቲ ዋይት ሃውስ ንወናኒ X ኢሎን ማስክ ነቲ ‘ሓደገኛ' ጸረሴማውነት ውዲታዊ ስነሓሳብ ኢላ ዝገለጸቶ ብምድጋፉ ኮኒናቶ፣

ኣብ ኣውስትራልያ ብዛዕባ ሰባት ዝወስድዎም ወይ ዝጥቀሙሎም ዘለዉ መጠናት ሓሳኹ ዝቐትሉልና ጸረነፍሳት/ኣንቲባዮቲክስ እናወሰኸ ይኸይድ ምህላዉ ሻቕሎት ፈጢሩ'ሎ። ሓካይም ኣድማዕነትን ቀረብን ኣንቲባዮቲክስ ደረት ዘይብሉ ከምዘይኮነን ሓደስቲ ጸገማት ጥዕና እንተተቐልቂሎም ከቢድ ሳዕቤን ክህልዎም ከም ዝኽእልን የጠንቅቑ።

Learn how to talk about fishing. Plus, find out a bit of history on why Australians love fishing. - ብዛዕባ ምግፋፍ ዓሳ ከመይ ገይርኩም ምስ ካልኦት ተዕልሉ ኣብ'ዚ ተመሃሩ። እግረ መንገድኹም ከኣ ኣውስትራልያውያን ከመይ ኢሎም ምግፋፍ ዓሳ ፈትዮም ታሪኾም ትመሃሩ።

ቀጥታ ምሉእ ትሕዝቶ ኤስቢኤስ ትግርኛ (16 ሕዳር 2023) * ቀዳማይ ሚኒስትር ኣቢይ ኣሕመድ ምስ ፕሬዚዳንት ሉኣላዊ ቤት ምኽሪ ሪፐብሊክ ሱዳን ተዛትዩ: ሃገሩ ንኣፍደገ ባሕሪ ክትብል ኣብ ኲናት ከም ዘይትኣቱ kea ተዛሪቡ: ፕረዚደንት ኢሳይያስ ኣፈወርቂ፣ ንፀገም ኣፍሪቃውያን ንሕብረት ኣፍሪቃ፣ ኢጋድን ኤኮዋስን ተሓተትቲ ገይሩ: መንገዲ ኣየር ኢትዮጵያ ልዕሊ 40 ነፈርቲ ክዕድግ ከም ዝወሰነ ኣፍሊጡ: ኣመሪካ ኣብ ኢትዮጵያ ዘቋረጸቶ ዕደላ ሰብኣዊ ሓገዝ ክትጅምር ምዃና ኣፍሊጣ: ቤት ፍርዲ ብሪጣንያ ስደተኛታት ናብ ሩዋንዳ ምልኣኽ ንዝብል ውጥን ነጺግዎ ዝብሉ ’ጸብጻባት ንሎሚ ዘለውና'ዮም * እስራኤልን ምዕራባውያን መሓዙታን ተኹሲ ደው ክብል ንዝቐርብ ዘሎ ጻውዒት ምንጻጎም ይቕጽሉ'ለዉ] ኣብ ውዱብ ሕቡራት ሃገራትን ኣብ ኣውስትራልያን ከኣ ተረርቲ ነቐፌታታት ኣብ ዓለምለኻዊ ግብረመልሲ ነቲ ኩነታት ይቐርቡ'ለዉ። ሓማስ ኣብ ሰሜን ቓዛ ተሳዒሩ'ዩ ንዝብሉ ዘረባታት ክነጽጎ'ንከሎ ቀዳማይ ሚኒስተር እስራኤል ቤንጃሚን ነታንያሁ ሓይልታት ምክልኻል ሃገሩ ጥቓ ዶብ እስራኤልን ሊባኖስን ነቲ መጥቃዕቲ ከዛይዶ ተዳሊዩ'ሎ ኢሉ። ነዚ ዝምልከት ሓደ ትሕዝቶ ኣለና። * ፍልስፍናን ሕብረተሰብን ዝብል ትሕዝቶ ኣብ መደብ ሞዛይክ ባህሊ * ኣውስትራልያውያን በቲ ቅልል ዝበለ ወይ ተዛናዪ ባህሎምን ዝተረኽበ ዕድላት ኣውደኣመት] ጽብምል ወይ መደብ ምዝንጋዕ ብዝለዓለ መጠን ብምስትምቓርን ፍሉጣት' ዮም። እንተኾነ ግን ወግዓውያን ንጥፈታት ወይ ውራያት ጥራይ ኣይኮኑን ናቶም ኣካይዳታትን ኣገባባትን ሒዞም ዝመጹ። ዝኾነ መደብ ምዝንጋዕ ወይ ፓርቲ ክሳብ ክንደይ ብዕቱብ ይተሓዝ ብዘየገድስ ዘይዝረበሎም ትጽቢታት ባህላዊ ስነምግባር ኣለዎም ፧ ነዚ ዝምልከት ንኣውስትራልያ ኣብ ዝገልጽ መደብና ከነቕርቦ ኢና።

ጸብጻባት ዜና ኤስቢኤስ ትግርኛ፡ * ቀዳማይ ሚኒስትር ኣቢይ ኣሕመድ ምስ ፕሬዚዳንት ሉኣላዊ ቤት ምኽሪ ሪፐብሊክ ሱዳን ተዛትዩ። ሃገሩ ንኣፍደገ ባሕሪ ክትብል ኣብ ኲናት ከም ዘይትኣቱ ከኣ ተዛሪቡ። * ፕረዚደንት ኢሳይያስ ኣፈወርቂ ኣፍሪቃውያን ንዘጋጥምዎም ዘለዉ ጸገማት ንሕብረት ኣፍሪቃ፣ ኢጋድን ኤኮዋስን ተሓተትቲ ገይሩ።’ * መንገዲ ኣየር ኢትዮጵያ ልዕሊ 40 ነፈርቲ ክዕድግ ከም ዝወሰነ ኣፍሊጡ። * ኣመሪካ ኣብ ኢትዮጵያ ዘቋረጸቶ ዕደላ ሰብኣዊ ሓገዝ ክትጅምር ምዃና ኣፍሊጣ። * ቤት ፍርዲ ዓባይ ብሪጣንያ ስደተኛታት ናብ ሩዋንዳ ምልኣኽ ንዝብል ውጥን ነጺግዎ።

እስራኤልን ምዕራባውያን መሓዙታን ተኹሲ ደው ክብል ንዝቐርብ ዘሎ ጻውዒት ምንጻጎም ይቕጽሉ'ለዉ፡ ኣብ ውዱብ ሕቡራት ሃገራትን ኣብ ኣውስትራልያን ከኣ ተረርቲ ነቐፌታታት ኣብ ዓለምለኻዊ ግብረመልሲ ነቲ ኩነታት ይቐርቡ'ለዉ። ሓማስ ኣብ ሰሜን ቓዛ ተሳዒሩ'ዩ ንዝብሉ ዘረባታት ክነጽጎ'ንከሎ ቀዳማይ ሚኒስተር እስራኤል ቤንጃሚን ነታንያሁ ሓይልታት ምክልኻል ሃገሩ ጥቓ ዶብ እስራኤል ምስ ሊባኖስ ነቲ መጥቃዕቲ ከዛይዶ ተዳሊዩ'ሎ ኢሉ።

Australians are known for their laid-back culture and seize every opportunity to celebrate special occasions. But it's not only business events that come with etiquette rules to follow; every party, no matter how casual, has its unspoken cultural expectations. - ኣውስትራልያውያን በቲ ቅልል ዝበለ ወይ ተዛናዪ ባህሎምን ዝተረኽበ ዕድላት ኣውደኣመት፡ ጽብምል ወይ መደብ ምዝንጋዕ ብዝለዓለ መጠን ብምስትምቓርን ፍሉጣት'ዮም። እንተኾነ ግን ወግዓውያን ንጥፈታት ወይ ውራያት ጥራይ ኣይኮኑን ናቶም ኣካይዳታትን ኣገባባትን ሒዞም ዝመጹዝመጹ፡ ዝኾነ መደብ ምዝንጋዕ ወይ ፓርቲ፡ ክሳብ ክንደይ ብዕቱብ ይተሓዝ ብዘየገድስ፡ ዘይዝረበሎም ትጽቢታት ባህላዊ ስነምግባር ኣለዎም።