SBS Tigrinya - ኤስ.ቢ.ኤስ ትግርኛ

ሓጸርቲ ዜናታት ኤስቢኤስ ትግርኛ * ኣብ ምብራቓዊ ከባቢታት ኢትዮጵያ ምዕላቕላቓት ኣሽሓት ከመዛብሉ’ንከለዉ መንግስቲ ኢትዮጵያን ሰራዊት ሓርነት ኦሮሞን ኣብ ታንዛንያ ካልኣይ ዙርያ ዘተ ኣካይዶም፣ * ፍልይቲ ልኡኽ ውዱብ ሕቡራት ሃገራት ኣብ ሰብኣዊ መሰላት ፍልስጤማውያን ኣብ ግብረመልሲ ኣውስትራልያ ንወተሃደራዊ ጎነጻት እስራኤል ኣብ ቓዛ ሓያል ነቐፌታ ኣቕሪባ፣ * ንውሳነ ቤት ፍርዲ ተኸቲሎም ኣብ መዳጎኒ መዓስከራት ዝጸንሑ 80 ስደተኛታትን ሓደስቲ መጻእትን ድሕሪ ምልቃቖም መንግስቲ ድሕነት ሕብረተሰብ ቀዳምነት ይህብ’የ ክብል ተኸላኺሉ፣

ሰሙናዊ መደብ ስፖርት (13/11/2023) * ኢትዮጵያውያን ፎትየን ተስፋይ፣ ሰንበረ ተፈሪን ጽገ ገብረሰላማን ኣብ ውድድር ፍርቂ ማራቶን ቦስቶን ተመራሪሐን ተዓዊተን፣ * ኤርትራ ኣብ መጻረዪ ግጥማት ንዋንጫ ዓለም 2026 ዘይትሳተፍ ምዃና ፊፋን ካፍን ብወግዒ ኣረጋጊጾም፣ * ሓድሽ ኣሰልጣኒ ሃገራዊት ጋንታ ኢትዮጵያ ገብረመድህን ሃይለ ኣንጻር ሲየራሊዮንን ቡርኪና ፋሶን ንዘለዎም መጻረዪ ግጥማት ንዋንጫ ዓለም 2026 ዝኾንዎ ናይ መወዳእታ 23 ተጻወቲ መሪጹ፣ * ዓመተ 2023 ክትውዳእ ኣብ ትቃረበሉ ዘላ ኣብ ዝሓለፉ 10 ዓመታት ንቅድድም ብሽግለታ ዝቐየሩ ሓያሎ ዓበይቲ ተቐዳደምቲ ካብ ምውድዳር ይሰናበቱ፣ * መሓመድ ሳላሕ መበል 200 ሽቶኡ ኣብ ፕሪምየር ሊግ ድሕሪ ምምዝጋቡ ሊቨርፑል ተዓዊታ ናብ ካልኣይ ተርታ ደይባ፣ ሻምፒዮን ማንቸስተር ሲቲ ከኣ ምስ ቸልሲ ማዕረ ድሕሪ ምውጽኣ መሪሕነት ፕሪምየር ሊግ ዓቂባ፣

ናይ ሰኑይ 13 ሕዳር 2023 ዝተቐረቡ ናይ ሓደ ሰዓት ትሕዝቶ፡ ኣእምሮኣዊ ጥዕና ቀንዲ ክፋል ሓፈሻዊ ጥዕናን ድሕነትን እዩ ። ናይ ኣእምሮ ሕማም ዘለዎም ሰባት ኣካላዊ ሕማም ናይ ምሕማም ዕድሎም ሰፊሕ እዩ ። ሰባት ዝተፈላለዩ ናይ ኣእምሮ ሓለዋ ጥዕና ኣገልግሎታት ክጥቀሙ ይኽእሉ ፤ ይኹን እምበር ምልክታት ናይ ኣእምሮ ጥዕና ፈሊኻ ሓገዝ ምሕታት ኣገዳሲ እዩ ። ነዚዝምልከት ትምህርታዊ ትሕዝቶ ኣለና። ልኡኽና ዝሰደደልና ኣርእስታት ጸብጻብ፥ ኮሌጅ ሕክምናን ስነ-ፍልጠት ጥዕናን ኦሮታ፡ 252 ተመሃሮ ብዲግሪን ዲፕሎማን ኣመሪቑ። ፕሮጀክታት ህንጸት ማይ ከተማ መቐለን ዓድግራትን ንምጅማር ዕድጊት ናውቲ ከም ዝተገብረ ተገሊጹ ካብ ቤት ህንፀት ከምልጡ ዝፈተኑ ዝተብሃሉ ተሃነፅቲ ሕጊ ብዝተወሰደ ስጉምቲ 4 ተቐቲሎም። --- ሚኒስትር ገነዘብ ኢትዮጵያ ኣሕመድ ሽዴ ስዑዲ ዓረብ ኣብ ኢትዮጵያ ኣብ ዝሳለጥ ሪፎርም ዓውዲ ማክሮ ኢኮኖሚ ንምሕጋዝ ድልውቲ ከምዝኾነት ገሊፆም። ዝብሉ እዮም ድሕሪ ዜና ክቐርብ እዩ። ሰሙናዊ መደብ ስፖርት ናይ ኢብራሂም ዓሊ ክቐርብ እዩ። ኣርእስታት ዜና፥ ** ማሕበር ቀይሕ ወርሒ ፍልስጤማውያን ኣብ ጋዛ ዝርከብ ሆስፒታል ኣል-ቁድስ "ካብዚ ንደሓር ኣይሰርሕን እዩ" ብምባል ኣዊጁ ። ** ፕረዚደንት ኢሳይያስ ኣፈወርቂ፡ ምስ ግብጺ ትርከቦም ዝተፈላለዩ መራሕቲ ሃገራትን መንግስታትን ርክባት ከም ዘካየደ ተገሊጹ። ** ኢትዮጵያ ኣብ ኣፍሪቃ ዝለዓለ ቁጽሪ ስደተኛታት ካብ ዝረከቡላ ካብ ቀዳማይ ናብ ሳልሳይ ደረጃ ትርከብ ሃገር ኮይና።

ኣእምሮኣዊ ጥዕና ቀንዲ ክፋል ሓፈሻዊ ጥዕናን ድሕነትን እዩ ። ናይ ኣእምሮ ሕማም ዘለዎም ሰባት ኣካላዊ ሕማም ናይ ምሕማም ዕድሎም ሰፊሕ እዩ ። ሰባት ዝተፈላለዩ ናይ ኣእምሮ ሓለዋ ጥዕና ኣገልግሎታት ክጥቀሙ ይኽእሉ ፤ ይኹን እምበር ምልክታት ናይ ኣእምሮ ጥዕና ፈሊኻ ሓገዝ ምሕታት ኣገዳሲ እዩ ።

ልኡኽና ዝሰደደልና ኣርእስታት ጸብጻብ፥ ኮሌጅ ሕክምናን ስነ-ፍልጠት ጥዕናን ኦሮታ፡ 252 ተመሃሮ ብዲግሪን ዲፕሎማን ኣመሪቑ። ፕሮጀክታት ህንጸት ማይ ከተማ መቐለን ዓድግራትን ንምጅማር ዕድጊት ናውቲ ከም ዝተገብረ ተገሊጹ ካብ ቤት ህንፀት ከምልጡ ዝፈተኑ ዝተብሃሉ ተሃነፅቲ ሕጊ ብዝተወሰደ ስጉምቲ 4 ተቐቲሎም። --- ሚኒስትር ገነዘብ ኢትዮጵያ ኣሕመድ ሽዴ ስዑዲ ዓረብ ኣብ ኢትዮጵያ ኣብ ዝሳለጥ ሪፎርም ዓውዲ ማክሮ ኢኮኖሚ ንምሕጋዝ ድልውቲ ከምዝኾነት ገሊፆም።

ሓሙስ 9 ሕዳር 2023 ንሓደ ሰዓት ዝጸንሕ መደብና፥ ከፋልጠኩም ኣቶ ካሳሁን ቸኮል፡ ብዝገበሮ ሰፊሕ ኣበርክቶ ፐን ኤርትራ ናይ 2023 ተሸላሚ ክኸውን መሪጽዎ። ብዛዕባ ዝሰርሖም ስራሓት ዘዕለለና ካል ኣይ ክፋል ።ኣብ ናይ ቃለ መሕትት መደብና ከነቕርቦ ኢና።። ልኡኽና ዝሰደዶ ጸብጻብ እዞም ዝስዕቡ ኣርእስታት ኣለዎ፡ " ትግራይ ማእኸል ካልእ ኣዕናዋይ ኩናት ክንገብራ ኣይንፈቅድን።" ፕረዚደንት ጌታቸው ረዳ 4 ላዕለዎት መራሕቲ ክልል ትግራይ ካብ መንግስታዊ ሓላፍነት ተኣልዮም። ውሩይ ደራፋይ ቦብ ጌልዶፍ ናውቲ ትምህርቲ ንትግራይ ኣበርኪቱ ኣብ ወደባዊት ከተማ ዓሰብ ብዛዕባ ኣዋህባ ኣገልግሎት ዝምልከት ኣኼባ ተኻይዱ። ካልኣይ ዙር ልዝብ መንግስቲ ኢትዮጵያን ግንባር ናጽነት ኦሮሞን ኣብ ታንዛንያ ምጅማሩ ተሰሚዑ።ኣብ መደብ ምንባር ኣብ ኣውስትራሊያ፥ ጥዕና ኣእምሮን ሕውየትን ደቂ ተባዕትዮ ንሰላም ሓንቲ ስድራቤት ወሳኒ ባእታ።ብዝብል ኣርእስትን ካልእ ትሕዝቶታትውን ቀሪብና ኣለና ቀንዲ ነጥቢታት ዜና፡ ** ትማሊ 8 ሕዳር ኣቋሪጹ ዝነበረ ኣገልግሎት ቴሌኮሚኒኬሽን ኦፕተስ ኣብ ኣውስትራሊያ ጀሚሩ እኳ እንተሎ ፡ ምኽንያት ናይቲ ምቁራጽ ግና ገና ዛጊት ኣይተፈልጠን ። ** ዋና ጸሓፊ ውድብ ሕቡራት ሃገራት ፡ ቍጽሪ እቶም ኣብ ጋዛ ዝሞቱ ሰላማውያን ሰባት ፡ ምስቲ እስራኤል እተካይዶ ዘላ ወተሃደራዊ ስርሒታት "ንጹር ጌጋ" ከም ዝዀነ ገሊጹ ። ** " ትግራይ ማእኸል ካልእ ኣዕናዋይ ኩናት ክንገብራ ኣይንፈቅድን።" ክብል ፕረዚደንት ግዚያዊ ምምሕዳር ትግራይ ጌታቸው ረዳ ገሊጹ።

ልኡኽና ዝሰደዶ ጸብጻብ ካልኦት ኣርእስታት ዜና፡ 4 ላዕለዎት መራሕቲ ክልል ትግራይ ካብ መንግስታዊ ሓላፍነት ተኣልዮም። ውሩይ ደራፋይ ቦብ ጌልዶፍ ናውቲ ትምህርቲ ንትግራይ ኣበርኪቱ ኣብ ወደባዊት ከተማ ዓሰብ ብዛዕባ ኣዋህባ ኣገልግሎት ዝምልከት ኣኼባ ተኻይዱ።

ደቂ ተባዕትዮ፡ ኣብ ህይወት ንዝገጥም ዝኾነ ይኹን ጽንኩር ኩነታት ክጻወሩ ከምዝኽእሉ ተነጊርዎም እዮም ዝዓብዩ። እንተኾነ ስምዒታት ካብ ቁጽጽር ወጻኢ ኣብዝወጽሉ እዋን ኣብ ሓድሽ ሃገር ህይወት ንምጥያስ ዝተጀመረ ጉዕዞን፡ ዝምድናታት ኣብ ስድራቤት ክፈርስ ይጅምር። ስሚዒትካ ንኻልእ ምንጋር ድኽመት ዘይኮነስ ጥንካረ ምዃኑ ኪኢላታት ይዛረቡ።

ናይ ኤውሮጳ ተለስኮፕ ጠፈር ዪክሊድ ካብ ኬፕ ካናቨራል ካብ እትለኣኽ ድሕሪ ኣርባዕተ ወርሒ ዝወሰደቶ ናይ መጀመርታ ስእልታት ተመራመርቲ ስነ ፍልጠት ወግዓዊ ገይሮሞ ። እታ ቴለስኮፕ ፡ ኣብ ዝቕጽል ሽዱሽተ ዓመት ኣብ ላዕሊ ኮስሞስ ዘሎ እተማልአ ኣይ 3D ስእሊ ኣብ ምእካብ ከተሕልፎ እያ ።

ንሎሚ 8 ሕዳር 2023 ዝተዳለወ ሓጸርቲ ዜናታት ኤስ ቢ ኤስ ትግርኛ ; ኣርእስታቶም እስራኤል ንሓማስ ንምድምሳስ ሰራዊታ ኣብ ከተማ ጋዛ ኣዕሚቖም ብምእታው ይቃለሱ ከም ዘለዉ ገሊጻ ። ሚሊዮናት ኣውስትራሊያዊያን ብሰንኪ ምቁራጽ ኣገልግሎት ኢንተርነት ንቡር ምንቅስቓሳቶም ተጸልዩ፡ ኣብ ብዙሕ ከባቢታት ክልል ኣምሓራ ኣብ መንጎ ሰራዊት ኢትዮጵያን ዕጡቓት ፋኖን ከቢድ ውግእ ይቕጽል ኣሎ።