SBS Tigrinya - ኤስ.ቢ.ኤስ ትግርኛ

ጸብጻባት ዜና (21/07/2022) * 4000 መማህራን ዩኒቨርሲታት ትግራይ ናብ ካልኦት ዩኒቨርሲታት ተመዲቦም: * ቅድሚ ክልተ ወርሒ ኣብ ትግራይ ዝተኣስሩ 5 ጋዜጠኛታት ገና ኣይተኸሰሱን ተባሂሉ: * ህወሓት ምስ ተቓወምቲ ሰልፍታት ትግራይ ብሕገ መንግስቲ ኢትዮጵያን መጻኢ ዕጻ ትግራይን ይካሰስ: * ሶማልያ ኣብ ኤርትራ ዘለው ወተሃደራታ ኣብ ኲናት ትግራይ ተሳቲፎም ዝበሃል 'ሓሶት'ዩ' ትብል

ጣሊባን ንኣፍጋኒስታን ካብ ዝቆጻጸር ናብ ሓደ ዓመት ይቐርብ ኣሎ [[Aug 15]]። ኣብ’ቲ እዋን እቲ ተፈጥሮኣዊ ሓደጋታት፡ እገዳታትን ብድሆታት ቁጠባን ኣብ ልዕሊ ህዝቢ ኣደራዕ ኣውሪዶም’ዮም። ህጻናት ካብ’ቶም ኣዝዮም ዝተሃስዩ ኮይኖም ህይወት ኣብ’ታ ሃገር ንዝነብሩ ሰባት ኣዝዩ ከቢድ ኮይኑ’ሎ።

ዝለዓሉ ዶክተራት ኣውስትራልያ መንግስቲ ምስፍሕፋሕ’ዚ ሓድሽ ዓሌት ኦሚክሮን ኮቪድ ደው ንምባል ዝያዳ ክገብር መጸዋዕታ ኣቕሪቦም። ማሕበር ሓካይም ኣውስትራልያ (Australian Medical Association) እዚ ማዕበል ኮቪድ-19 ካብ’ቲ ኣብ ወርሒ ጥሪ ዝነበረ ጠርዚ ምልባዕ ብዝለዓለ ዝኸፍአ ክኸውን’ዩ ድሕሪ ምባል እቲ ጸቕጢ ኣብ ልዕሊ ሆስፒታላት ኣዝዩ ልዑል ክኸውን’ዩ ኢሉ። እንተኾነ ግን ቀዳማይ ሚኒስተር ኣንቶኒ ኣልባነዚ እቲ ዘሎ ምኽሪ ክንክን ጥዕና ማስክ ወይ መሸፈኒ ኣፍን ኣፍንጫን ክግበር ክተባባዕ ኣለዎ እንበር ብሕጊ ክሕገግ ወይ ከገድድ የብሉን ዝብል’ዩ ክብል ገሊጹ።

ፖለቲካዊ ኣተሓሳስባን ዝንባለን ብዘየገድስ ንኹሉ ጠርኒፎም ከተሓዋውሱ፣ ከዘናግዑን ከምህሩን ዝኽእሉ ፈስቲቫላት ኤርትራውያን ኣለዉ ዶ፧ ክግበሩ ኸ ይከኣል ድዩ፧ ፈስቲቫል ካብ ጽልዋ ፖለቲካን ህሉው ኩነታትን ክትንጽሎ ወይ ክትሕልዎ ይከኣል ዶ፧ ዶክተር ፍትዊ ወልዳይ ነዚኦምን ካልኦት ዝተተሓሓዙ ጉዳያትን ክምልስ ፈቲኑ'ሎ።

ሞቕሽሽ ንሰራሕተኛታት ከም ዓስቢ ጽቡቕ ኣገልግሎት ገንዘብ ምሃብ እዩ ። ብጥረ ገንዘብ ወይ ብኻልእ መገዲ ክፍሊት ክኽፈል ይኽእል ። ኣብ ኣውስትራሊያ ብዙሕ ዘይንጹር ነገር ኣሎ ፤ ሞቕሽሽ ምሃብ ከምዘይግባእ ሓደሓደ ግዜ ይቑጸር እዩ ።

ናይ ሰኑይ 18 ሓምለ 2022 ሰዓት 6 ናይ ሚሸት ምሉእ መደባት ፡ ካብ ኣርእስታት ጸብጻብ፥ መንግስቲ ኢትዮጵያ 3.4 ቢልዮን ብር ንኣርባዕተ ዩኒቨርሲታት ትግራይ ከም ዝሰለዐ ገሊጹ። ሱዳን ኣብ ምስ ኢትዮጵያ ኣብ ዘዳውብ ግዝኣታ ሰዓታት እቶ እቶ ኣዊጃ። ኣብ ኤርትራ ሕጽረት ኤለትሪክን ማይን ኣብ ዘሻቕል ኩነታት ከም ዘሎ ተሓቢሩ። ዝብሉን ካልኦትን ኣርእስታት ዝሓዘ ጸብጻብ ኣለና ከነቕርቦ ኢና፣ ሓድሽ ፕረሲደንት ሶማልያ ናብ ኤርትራ ምብጻሑን ንክልቲኤን ሃገራት ዘለዎ ትርጉምን እንታይ እዩ፧ ድሕሪ ናብ ሃገሩ ምምላሱ ህዝቢ ሶማል ብፍላይ ድማ ስድራ እቶም ደቀን ክዕስከሩ ናብ ኤርትራ ዝኸዳ እንታይ መልሲ ሒዙሎም’ዩ ዝኸይድ ዘሎ፧ ዝብሉን ካልእ ዞባዊ ጽልዋታትን ዝምልከት ምስ ሳልሕ ቓዲ ጆሃር ዝተገብረ ቃለ መሕትት ኣለና። ሰሙናዊ መደብ ስፖርት ናይ ኢብራሂም ዓሊን ካልእ ትሕዝቶንውን ቀሪቡ ኣሎ።

ሱዳን ኣብ ምስ ኢትዮጵያ ኣብ ዘዳውብ ግዝኣታ ሰዓታት እቶ እቶ ኣዊጃ። ኣሜሪካን ግብጽን ብዛዕባ ዓብዪ ግድብ ህዳሰ ኢትዮጵያ ከምዝተዘራረባ ተሓቢሩ። ትካል ሜትሮሎጂ ትግራይ ኣብ ዝበዝሕ ክፋል ናይታ ክልል ጽቡቕ ዝናብ ይቕጽል ከምዘሎ ሓቢሩ። ኣብ ኤርትራ ሕጽረት ኤለትሪክን ማይን ኣብ ዘሻቕል ኩነታት ከም ዘሎ ተሓቢሩ። ዝብሉን ካልኦትን ኣርእስታት ዝሓዘ ጸብጻብ ፣

ኣብ ታሪኽ ዓባይ ብሪጣንያ ንመጀመርታ ግዜ ፡ ሙቐት 40 ዲግሪ ሰኑይን ሰሉስን ክበጽሕ ትጽቢት ኣብ ዝግበረሉ ፡ ናይ ልዑል መጠን ምቘት ቅድመ ጥንቃቐ ክግበር እዩ ። ኣብ ስጳኛ ፡ ግሪኽን ፈረንሳን እውን ፡ ኣብ ኤውሮጳ ብርቱዕ ሃሩር ኣንጸላልዩ ኣሎ ፣ መጥፋእቲ ሓዊ ክሳዕ 45 ዲግሪ ሰልሲየስ ኣብ ዝበጽሕ ኩነታት ቃልሲ ምጥፋእ ሓዊ ኣብ ዝካየደሉ ዘሎ እዋን ፡ ብዓሰርተታት ኣሽሓት ዝቝጸሩ ሰባት ካብታ መንበሪኦም ክወጹ ምኽንያት ኰይኑ ኣሎ ።

ሰሙናዊ መደብ ስፖርት (18/07/2022) * ኣብ ኣሜሪካ ኣብ ዝካየድ ዘሎ ሻምፒዮናታት ኣትለቲክስ ዓለም ኦሬገን 2022 ኢትዮጵያዊት ወናኒት ክብረወሰን ዓለም ለተሰንበት ግደይ ኣብ 10ሽሕ ሜ፣ ታምራት ቶላ ኣብ ማራቶን፣ ተዓዊቶም፣ * ኤርትራዊ ኣጥቃዓይ ሃገራዊት ጋንታ ዓሊ ሱለይማን ካብ ጋንታ ባህር ዳር ሲቲ ወጺኡ ናብ ጋንታ ሃዋሳ ሲቲ ናይ ሓደ ዓመት ውዕል ብምፍርራም ተዘዋዊሩ፣ * ፕረዚደንት ኮንፈደረሽን ኩዕሶ እግሪ ኣፍሪቃ ፓትሪስ ሞትሰፐ ዝሓለፈ ሰሙን ናብ ኢትዮጵያ ምብጻሕ ፈጺሙ ምስ ፕረዚደንት ሳህለወርቅ ዘውደ ተራኺቡ፣ * ኣብ ቅድድም ብሽግለታ ጂሮ ቺኪሊስቲኮ ደላ ቫለ ዳ’ኦስታ ኢትዮጵያዊ ወላይ ሓጎስ በርሀ ካብ’ቶም ዝለዓሉ ዓሰርተ ብሉጻት ተቐዳደምቲ ኮይኑ ክውድእ’ንከሎ ዙር ፈረንሳ ብመሪሕነት ጆናስ ቪንገጋርድ ካልኣይ ሰሙኑ ኣጠናቒቑ፣

ቀጥታ ፈነወ ምሉእ ትሕዝቶ ፖድካስት SBS ትግርኛ * ዜና * ጸብጻብ ካብ ኢትዮጵያን ኤርትራን * ፕረዚደንትን ኣዝማዱን ዘባረረ ምልዕዓል ህዝቢ፣ * ንጡረታ ዝውህለል ገንዘብ ሱፐር ኣኑወሽን እንታይ'ዩ፧ ብኸመይ ከነበርክተሉ ንኽእል፧ ክንግደሰሉ ኣሎና ድዩ፧ መብርሂ ካብ ዶክተር ሳላሕ ጅምዕ * ምንባር ኣብ ኣውስትራልያ፣ ንምክንኻን ከባቢናን ምዕቃብ ፕላነትናን እንታይ ከነበርክት ንኽእል፧