SBS Tigrinya - ኤስ.ቢ.ኤስ ትግርኛ

ሓድሽ ፕረሲደንት ሶማልያ ናብ ኤርትራ ምብጻሑን ንክልቲኤን ሃገራት ዘለዎ ትርጉምን እንታይ እዩ፧ ድሕሪ ናብ ሃገሩ ምምላሱ ህዝቢ ሶማል ብፍላይ ድማ ስድራ እቶም ደቀን ክዕስከሩ ናብ ኤርትራ ዝኸዳ እንታይ መልሲ ሒዙሎም’ዩ ዝኸይድ ዘሎ፧ እቲ ኣብ መንጎ ኢትዮጵያ፥ ኤርትራን ሶማልን ዝተገብረ ስሉሳዊ ስምምዕ ድሕሪ ምውራድ ፕረሲደንት ፎርማጆ እዚ ሓድሽ መራሒ ሶማሊያ ከበራብሮ ይኽእልዶ፧ ንህዝቢ ክልቲኡ ረብሓኡ እንታይ እዩ፧ ዝብሉን ካልእ ዞባዊ ጽልዋታትን ዝምልከት ምስ ሳልሕ ቓዲ ጆሃር ዝተገብረ ቃለ መሕትት። ኣቶ ሳልሕ ጸሓፊን ተንታኒን ፖለቲካ ቀርኒ ኣፍሪቃን እዩ።

ጸብጻብ ዜናታት ኤስቢኤስ ትግርኛ * መንግስቲ ኢትዮጵያ ንኲናት ትግራይ ብሰላም ንምፍታሕ ዝቐመ ኮሚቴ ስራሕ ከምዝጀመረ ኣፍሊጡ፡ * ካብ ኣሜሪካ ናብ ኣዲስ ኣበባ ዝገሹ ኢትዮጵያውያን 27 ሽሕ ዶላር ተወሪሶም፡ * ኮሚሽነር ኮምሽን ምሕደራ ስግኣት ሓደጋታት ኢትዮጵያ ብገበን ብልሽውና ተኣሲሩ፡ * ዋዕላ ወፍሪ ሰላም ኤርትራዊያንን ተጋሩን ኣብ ኣሜሪካ ተካይዱ፡

ባሕቲ ሓምለ ድሕሪ ምእታዉ ኣብ ተግባር ዝውዕሉ ሓደስቲ ንቀረጽ ወይ ግብሪ ዝምልከቱ ሕግታት ኣለዉ። ኣብ ዝሓለፉ መደባትና ንምድቃስ/ምትሕስሳብ ግብርን ጽልዋ’ቶም ለውጥታትን ብዝምልከት ዶክተር ሳላሕ ጅምዕ መብርሂ ሂቡና ኔሩ። ሎሚ ንሱፐር ኣኑወሽን ዝምልከት መብርሂ ክህበና’ዩ።

ቁጠባዊ ቅልውላው ስሪላንካ ንፕረዚደንት’ታ ሃገር ኣብ መወዳእትኡ ካብ ስልጣኑ ዝዓለዎ ይመስል፣ ንዘመነ ፖለቲካዊ ግዝኣት’ቶም ሓያላት ስድራ እንዳ ራጃፓክሳ ከኣ ከምዘብቅዕ ጌርዎ። ጎታባያ ራጃፓክሳ ድሕሪ’ቶም መጠነ ሰፋሕቲ ተቓውሞታት ኣብ ልዕሊ መሪሕነቱ ካብ ስሪላንካ ሃዲሙ’ሎ፣ ዋላ’ኳ ወግዓዊ ስንብታ ካብ ስልጣኑ ክሳብ ሕጂ እንተዘየቕረበ።

ብካልእ ዜና ኣብ ጎንደር ሰለስተ ኤርትራውያን ኣሳፊሩ ከምልጥ ፈቲኑ ዝተብሃለ ገናሒ መኪና ኣብ ትሕቲ ቀይዲ ውዒሉ ተባሂሉ። መንግስቲ ኢትዮጵያ ኣብ ሃገሩ ዝርከቡ ዜጋታት ወጻኢ ኩነታቶም ብህጹጽ ከመዝገቡ መምርሒ ኣውሪዱ። እቲ ምዝገባ ቀዳምን ሰንበትን ሓዊስካ ከም ዝካየድ ብምሕባር ንዘይተመዝገቡ ስጉምቲ ከም ዝውሰደሎም ኣፍሊጡ። ብሰኑይ 11 ሓምለ፡ ካብ ሰንዳፋ ዝተባህለ ቦታ ጸበል ክሕጸቡ ወጺኦም ካብ ዝነበሩ ልዕሊ ሚኢቲ ኤርትራውያን ብሓይልታት ፀጥታ ኢትዮጵያ ከም ዝተትሓዙ ተገሊጹ።

ኣውስትራሊያውያን በብዓመቱ 74 ሚልዮን ቶን ጐሓፍ ይጉሕፉ፡ ካብዚ እቲ 60% ጥራይ ዳግማይ ይምስራሕ ወይ ሪሳይክል ይግበር ፡ እቲ ዝተረፈ ናብ መሬት ይጓሓፍ ። ብዛዕባ ዳግመ-ምምስራሕን ትምህርቲ ብምቕሳም ገለ ካብቲ ዝቐለለ ሕግታት ምስዓብን ብዙሕ ለውጢ ከምጽእ ይኽእል እዩ ።

ናይ ሎሚ ሰኑይ 11 ሓምለ 2022 ንሓደ ሰዓት ዝጸንሕ መደብና እዞም ዝስዕቡ ትሕዝቶ ኣለዎ፡ ካብ ኣርእስታት ጸብጻብ ሓድሽ ፕረዚደንት ሶማልያ ኣብ ኤርትራ ምብጻሕ የካይድ ኣሎ። ኣብ ምረቓ ወተሃደራት ሶማልያን ተረኺቡ ፤ ዝተሃንጹ ትሕተ ቅርጺን ተዓዚቡ። ኣብ ኣዲስ ኣበባ ሓዱሽ ማዕበል ማእሰርቲ ዜጋታት ጀሚሩ። ሓላፊ ርክባት ወጻኢ ባይቶና ዓባይ ትግራይ ፖለቲከኛ ክብሮም በርሀ ስብሃትለኣብ ዝርከቦም ሰባት ከም ዝተኣስሩ ተገሊጹ። ቃለ መሕትት ምስ ዶ/ር ሳላሕ ጂሚዕ ። ሰሙናዊ መደብ ስፖርት ናይ ኢብራሂም ዓሊ ን ብዛዕባ ኩነታት ህዝባዊ ናዕቢ ስሪላንካ ዝገልጽ ትሕዝቶን ቀሪብና ኣለና። ኣርእስታት ዜና፥ ** እስራኤል ንገዛእ ርእሳ ካብ ኑክልየሳዊ መደባት ኢራን ንምክልኻል ወተሃደራዊ ስጉምቲ ናይ ምውሳድ መሰል ከም ዘለዋ ገሊጻ ። ** ኖቫክ ደጀኮቪች ንኒክ ኪርጊዮስ ብምስዓር ንራብዓይ ተኸታታሊ ዓወት ዊምበልደን 4-6 6-3 6-4 7-6 (3) ነጥቢ ተዓዊቱ።

ኣብ ኣዲስ ኣበባ ሓዱሽ ማዕበል ማእሰርቲ ዜጋታት ጀሚሩ። ሓላፊ ርክባት ወጻኢ ባይቶና ዓባይ ትግራይ ፖለቲከኛ ክብሮም በርሀ ስብሃትለኣብ ዝርከቦም ሰባት ከም ዝተኣስሩ ተገሊጹ። "ኣውስትራልያ ኣብ ኢትዮጵያ ዝፍጸም መንነት መሰረት ዝገበረ መጥቃዕቲ ጠጠው ክብል እኹል ጻዕሪ ኣይገበረትን" ዘ ዌስት ኣውስትራልያን ። ኣብ ኢትዮጵያ፣ ልዕሊ 2.9 ሚልዮን ተምሃሮ ካብ ትምህርቲ ከም ዝቦኸሩ ውድብ ሕቡራት ሃገራት ኣፍሊጡ። ርእሰ ከተማ ክልል ቤንሻንጉል ጉሙዝ ኣብ ዝኾነት ኣሶሳ፡ ሰዓት እቶ እቶ ኣዊጃ።ዝብሉ ኣርእስታት ዝሓዘ ጸብጻብ ኣለና፣

ኣብ ሲሪላንካ ብደረጃ ሃገር ህዝባዊ ተቓውሞ ምስ ተላዕለ ፡ ናይ ፕረዚደንት ስሪላንካን ቀዳማይ ሚኒስተሩን ፡ እቲ ናይ ውልቂ መንበሪኦምን በቶም ተቓወምቲ ተወሪሩ ናይቲ ኣብቲ ፕረዚደንታዊ ዝነበረ መሐንበሲ ኣትዮም ሓምቢሶም ። እዚ ቁጥዓ ህዝቢ ዘበገሶ ኣብዚ ሰሙን እዚ ክልቲኦም ስልጣኖም ከረክቡ ተገዲዶም ኣለዉ። ኣብታ ብቕልውላው እትሕመስ ዘላ ሃገር ድሕሪ ናይ ሓደ መዓልቲ ህዝባዊ ናዕቢ ፕረዚደንትን ቀዳማይ ሚኒስተርን ስሪላንካ ካብ ስልጣኖም ዓልይዎም ኣሎ። እቶም ሰልፈኛታትን ፕረዚደንት ጎታባያ ራጃፓክሳ ዝነበሮ ወግዓዊ መንበሪ ቤት ብሓይሊ ድሕሪ ምዕናው ፡ ነቲ ናይ ቀዳማይ ሚኒስተር ራኒል ዊክረምሚንግሀ ብሓዊ ኣንዲዶሞ። ስሪላንካ ልዕሊ 51 ቢልዮን ዶላር ኣመሪካ ግዳማዊ ዕዳ ተሸሚማ ንህጂ ዘድልዩ መሰረታዊ ቀረባት ክትዕድግ ኣይከኣለትን። ሕጽረት መግቢን ነዳዲን ዝፈጠሮ ቅልውላው መራሕቲ እታ ሃገር ህዝቢ ከጓይዮምን ቤተ መንግስቶም ክውረርን ኪኢሉ ኣሎ። ተቓወምቲ ፖለቲካውያን ፓርትታት ሓድሽ መንግስቲ ንምምስራት ኣኼባ ይገብሩ ኣለው ተቓወምቲ ግን ክልቲኦም ሰባት ብወግዒ ካብ መንግስቲ ብፍቓዶም ክሳብ ዝወጹ ኣይንሓድጎምን ይብሉ ኣለዉ።

ሰሙናዊ መደብ ስፖርት (11/07/2022) * ምስግጋር ኮኾብ ኢትዮጵያዊ ተጻዋታይ ኩዕሶ እግሪ ኣቡበከር ናስር ካብ ኢትዮጵያ ቡና ናብ ደቡብ ኣፍሪቃዊት ጋንታ ማሜሎዲ ሳንዳውንስ ብጸገማት ፈቓድ ስራሕ ተደናጉዩ፣ * ፕረዚደንት ፊፋ ነበር ሴፕ ብላተርን ፕረዚደንት ዩኤፋ ዝነበረ ሚሸል ፕላቲኒን ካብ’ቲ ተኸሲሶሞ ዝነበሩ ምጥፍፋእ ክፍሊት ገንዘብ ነጻ ተባሂሎም፣ * ንኤርትራ ወኪሎም ኣብ ሻምፒዮናታት ኣትለቲክስ ዓለም 2022 ዩጂን ዝሳተፉ ኣትሌታት ስሞም ተዘርጊሑ፣ * ፈደረሽን ኣትለቲክስ ኢትዮጵያ ከኣ ተሳተፍቲ ኣትሌታት መነመን ምዃኖም ኣፍሊጡ፣ እንተኾነ ግን ንጹርነት ኣሰራርሓ ብዘይምህላዉ ነቐፌታታት ይቐርብሉ፣